Robbie Robertson

juli">5. juli 1943–9. august 2023)), OC, var ein kanadisk musikar og gitarist. Han er mest kjend som gitarist og den viktigaste låtskrivaren i The Band. Han vart rangert på 78. plass på Rolling Stone si liste over dei 100 største gitaristane gjennom tidene. The Band er innlemma i både Rock and Roll Hall of Fame og Canadian Music Hall of Fame. Som låtskrivar har Robertson stått for klassikarar som «The Weight», «The Night They Drove Old Dixie Down», «Up On Cripple Creek», «Broken Arrow» og «Somewhere Down the Crazy River», blant mange andre.

Robbie Robertson
Robertson i 1971. Foto: Heinrich Klaffs
Fødd	5. juli 1943
Fødestad	Toronto
Død	9. august 2023 (80 år)
Dødsstad	Los Angeles
Fødenamn	Jaime Robert Klegerman
Opphav	Canada
Aktiv	1957–2023
Sjanger	Rock, folkrock
Instrument	Gitar, piano, munnspel, autoharpe, vokal
Stemmetype	baryton
Tilknytte artistar	The Band, Ronnie Hawkins & The Hawks, Bob Dylan, John Hammond Jr.
Plateselskap	Capitol, Geffen
Verka som	Musikar, låtskrivar, produsent, skodespelar
Born	Sebastian Robertson
Prisar	offiser av Order of Canada, Governor General’s Performing Arts Award, Juno Award for Album of the Year, Jack Richardson Producer of the Year Award, Jack Richardson Producer of the Year Award, Juno Award for Indigenous Artist or Group of the Year, Canada’s Walk of Fame, Hollywood Music in Media Award for Best Original Score in a Feature Film

Far til Robertson var jødisk og mor hans var av mohawkoppav. Han byrja å spele gitar i seksårsalderen og byrja sidan å skrive låtar.

Gjennombrotet kom etter kontakt med songaren Ronnie Hawkins og frå 1961 til 1963 spelte han i bandet hans the Hawks (først som bassist og seinare gitarist) og turnerte i både USA og Canada. The Hawks braut med Ronnie Hawkins og turnerte på eiga hand i nokre år. Robertson utvikla ein blendande teknikk og var ein gitarhelt i New York-området før det i det heile fanst gitarheltar. Etter at Bob Dylan først hadde nytta Robertson som studiomusikar, vart heile The Hawks bandet til Dylan. I samband med motorsykkelulukka til Dylan fekk gruppa ein eigen platekontrakt og vart lansert under det nye namnet The Band.

Robertson, som tidleg hadde byrja å skrive låtar, vart snart den fremste låtskrivaren til The Band. Nesten alle dei kjende låtane til The Band er skriven av han. Dette førte til konflikt mellom Robertson og trommeslagaren Levon Helm, som meinte at mange av låtane vart arbeidd fram som eit samarbeid mellom alle medlemmane i studio. Det var Robertson som tok initiativet til oppløysinga av The Band i 1976, og då gruppa vart gjenforeint i 1980-åra ville han ikkje vere med.

I 1987 debuterte han som soloartist med albumet Robert Robertson. I 1994 gjekk Robertson attende til røtene sine med gruppa The Red Road Ensemble og Music for the Native Americans. I 1998 kom albumet Contact from the Underworld of Redboy. I 2000 spelte han i lag med Levon Helm på Ronnie Hawkins-songen «Blue Moon in My Sign» på albumet Can't Stop Rockin' – men Helm og Robertson var aldri i studio samstundes.

Album med The Band

• 1968 Music from Big Pink
• 1969 The Band
• 1970 Stage Fright
• 1971 Cahoots
• 1972 Rock of Ages
• 1973 Moondog Matinee
• 1975 Northern Lights - Southern Cross
• 1977 Islands
• 1978 The Last Waltz
• 1995 Live at Watkins Glen

Albums med Bob Dylan and The Band

• 1974 Before the Flood
• 1974 Planet Waves
• 1975 The Basement Tapes
• 1998 The Bootleg Series Vol. 4: Bob Dylan Live 1966, The "Royal Albert Hall" Concert

Soloalbum

• 1987Robbie Robertson (med U2, Peter Gabriel)
• 1991Storyville
• 1994Music for The Native Americans
• 1998Contact from the Underworld of Redboy
• 2011How To Become Clairvoyant

Robertson er tilskriven i følgjande filmar

• 1978The Last Waltz (musikar/produsent)
• 1980Carny (skodespelar/låtskrivar/produsent)
• 1980 Raging Bull (musikkprodusent)
• 1983 The King of Comedy (musikkprodusent)
• 1986 The Color of Money (songar og filmmusikk)
• 1991 Until the End of the World (musikk)
• 1994 Jimmy Hollywood (musikk)
• 1995 Casino (musikalsk rådgjevar)
• 1995The Crossing Guard(skodespelar – Roger)
• 1996 Phenomenon (produsent for filmmusikken)
• 1996Dakota Exile (forteljar)
• 1999 Forces of Nature (musikalsk rådgjevar)
• 1999 Wolves (forteljar)
• 1999 Any Given Sunday (songar)
• 2000 Dancing at the Blue Iguana (songar/musikar)
• 2001 The Life and Times of Robbie Robertson
• 2002 Gangs of New York (musikalsk produsent)
• 2002 Skins (låtskrivar/musikar)
• 2004Jenifa (medprodusent)
• 2004 Ladder 49 (original song «Shine Your Light»)
• 2006 The Departed (musikalsk produsent)
• 2007 Eric Clapton: Crossroads Guitar Festival 2007 (musikar)
• 2008 Mardik: From Baghdad to Hollywood (skodespelar)
• 2009 Shutter Island (musikalsk rådgjevar)