Homo Habilis: Pattedyrart

Homo habilis
Homo habilis
Systematikk
Underrekkje:	Virveldyr Vertebrata
Klasse:	Pattedyr Mammalia
Orden:	Primatar Primates
Overfamilie:	Hominoidea
Familie:	Hominidae
Underfamilie:	Homininae
Slekt:	Homo
Art:	†H. habilis
Vitskapleg namn
Homo habilis

Homo habilis er kjend som «urmennesket» fordi det er den eldste kjende arten som høyrer til slekta Homo (H. rudolfensis er også eit mogleg «urmenneske»). H. habilis levde frå om lag 1,8 millionar til om lag 1,2 millionar år sidan, og var samtidig med Australopithecus. Nokre forskarar, som Richard Leakey, har føreslått å plassera H. habilis i slekta Australopithecus, ettersom arten er mindre og meir primitiv enn andre Homo-artar.

Homo habilis var i gjennomsnitt rundt 1,3 meter høg. Han hadde eit hjernevolum på mellom 590 og 650 cm³, ein og ein halv gong så stor som australopithecinane, men berre rundt halvparten så stor som moderne menneskehjernar (1350-1450 cm³).

Dei første funna av H. habilis blei gjort i Olduvai-dalen i Tanzania av Mary og Louis Leakey mellom 1962 og 1964. Det er seinare funne fossil ved Koobi Fora i Kenya.

H. habilis er funne saman med enkle tillagde steinreiskapar av oldowantypen, og blir difor kalla 'det hendige mennesket'. Arten blei lenge rekna som den første som laga verktøy, men dette er no rekna som usikkert, ettersom Australopithecus garhi er blitt funnen saman med verktøy som er minst 100 000-200 000 eldre.

• Philip's (2008), «Homo habilis», World Encyclopedia, Oxford Reference Online, Oxford University Press 
• Timothy Darvill, red. (2008), «Homo habilis», The Concise Oxford Dictionary of Archaeology, Oxford University Press