Both Sides, Now

Denne artikkelen handlar om songen. For albumet med same namn, sjå Both Sides Now.

«Both Sides, Now» (Begge sider, No) er ein song av Joni Mitchell. Den første innspelinga hennar finst på albumet Clouds, frå 1969.  Ho spelte inn songen på ny i jazzstil for albumet med same namn i 2000.

Det er ein av dei mest kjende av songane til Joni Mitchell (i lag med «Big Yellow Taxi», «Woodstock» og «A Case of You»). Han vart skriven i mars 1967, inspirert av eit avsnitt i Henderson the Rain King av Saul Bellow.

Fairport Convention spelte inn ein demoversjon av songen i 1967. Denne innspelinga vart ikkje gjeven ut før i 2000, då han kom med på The Guv'nor Vol 4 av Ashley Hutchings. Ei konsertutgåve med Judy Dyble frå 1981 finst på albumet Moat on the Ledge.

Både versjonen på Joni Mitchell-albumet Both Sides Now og ei nyinnspeling frå 2003 av Mitchell er med i filmen Love Actually frå 2003.

Rolling Stone rangerte «Both Sides, Now» på 170. plass på lista deira over dei 500 største songane gjennom tidene.

Judy Collins gjorde den første innspelinga av songen i 1968, kort tid etter at Mitchell hadde skrive han. Singelen nådde 8. plass på den amerikanske singellista og vann ein Grammypris i 1968 for beste visesong. Songen nådde 3. plass på Easy listening-lista og vert rekna som ein av kjenningsmelodiane til Collins.

Salslister

1960-åra

• Venen til Mitchell, Dave Van Ronk spelte songen på albumet Dave Van Ronk and the Hudson Dusters frå 1967, då kalla «Clouds». Mitchell har ofte sagt at denne utgåva av songen hennar er den finaste av dei alle.
• Ein annan tidleg versjon vart gjeven ut av popgruppa Harpers Bizarre i hausten 1968 for albumet Secret Life of Harpers Bizarre.
• Bing Crosby song to utgåver av songen, ein på TV-showet Hollywood Palace, og den andre på albumet Hey, Jude/Hey, Bing i 1968.
• Frank Sinatra spelte inn songen med tittelen «From Both Sides, Now» på albumet Cycles i 1968.
• Anne Murray spelte inn songen for debutalbumet What About Me i 1968.
• Ein fransk versjon av songen, med omsett tekst av Eddy Marnay, vart spelt inn av Marie Laforêt i 1968 med tittelen «Je n'ai rien appris». Året etter spelte Nana Mouskouri inn «Je n'ai rien apris» på hennar Dans le soleil et dans le vent.
• Leonard Nimoy (1968)
• Catherine McKinnon (1968)
• Robert Goulet (1968)
• Neil Diamond (1969)
• Jimmie Rodgers (1969)
• Davy Graham spelte inn songen på albumet Large as Life But Twice as Natural i 1969. Versjonen hans inneheldt ein lang introduksjon i arabisk stil.
• Pete Seeger spelte songen i 1969 på albumet Young vs. Old. Seeger la til eit meir optimistisk fjerdevers av songen. Den nye teksten finst i Seeger-boka Where Have All the Flowers Gone i kapittelet «New Words?»
• The Mystic Moods Orchestra spelte inn instrumental versjon av songen i 1969 for albumet Love Token

1970-åra

• Julio Bernardo Euson spelte inn songen i 1970 og gav han ut som singe. Denne versjonen nådde 7. plass på den nederlandske hitlista.
• Andy Williams song songen på albumet Raindrops Keep Fallin' on My Head i 1970.
• Glen Campbell (1970)
• Engelbert Humperdinck (1970)
• Claudine Longet (1970)
• the Tokens (1971)
• Randy Scruggs spelte ein instrumental versjon av songen på Nitty Gritty Dirt Band-albumet Will the Circle Be Unbroken i 1972.
• Ein soloversjon av jazzgitaristen Pat Martino finst på albumet Consciousness i 1974.

1980-åra

• Paradox (zh:夢劇院), ei tidlegare vokalgruppe frå Hong Kong gav ut ein kantonesisk versjon kalla «The Color Theory of Relativity» (kinesisk 彩色相對論) i 1988. Dei spelte òg inn songen med den originale teksten. Begge versjonane vart gjeven ut på dei to første albuma deira.

1990-åra

• Michael Feinstein spelte songen på samlealbumet Rubáiyát i 1990, som feira 40-årsjubileet til Elektra Records.
• I 1991 vart songen spelt av Hole på albumet Pretty on the Inside, under namnet «Clouds».
• Songen vart ein mindre hit i Storbritannia og Canada for det irske bandet Clannad i ein duett med den britiske songaren Paul Young, spelt inn for filmen Switch i 1991.
• Dianne Reeves spelte «Both Sides, Now» på albumet Quiet After the Storm (1994).
• b-flower, eit japansk indieband spelte songen på engelsk for albumet Clover Chronicles l (1994).
• Randy Scruggs spelte ein instrumental gitarsolo av songen på albumet Crown Of Jewels frå 1998.
• Den filippinske songaren og skodespelaren Sharon Cuneta spelte inn ein versjon av songen for albumet When I Love i 1999. Han vart gjeven ut som den første singelen frå albumet. Songen vart sidan nytta som kjenningsmelodi i filmen Magkapatid (Siblings) og har sidan vorte ein av hennar mest kjende songar.

2000-åra

• Songen vart nytta i filmen Life as a House i 2001.
• Dengue Fever song songen på khmer og denne finst i filmen City of Ghosts frå 2002.
• Dolly Parton spelte «Both Sides, Now» i 2005 på albumet Those Were the Days. Parton har med seg Judy Collins på vokal.
• Hayley Westenra spelte songen i 2005 på albumet hennar Odyssey.
• Tori Amos
• Den svenske songaren Håkan Hellström spelte songen på svensk i 2006. Hans versjon heiter «Båda Sidor, Nu».
• Jazzsaksofonisten Michael Lington spelte songen på albumet A Song for You i 2006.
• Den kristne songaren Mindy Gledhill spelte songen på albumet Feather in the Wind i 2007.
• Jazzmusikaren Herbie Hancock og bandet hans spelte songen i 2007 på albumet River: The Joni Letters. Hancock sin versjon vart nominert i 2008 til Grammyprisen for beste instrumentale jazzsolo. Albumet vann prisen for årets album.
• Tina Arena spelte songen i 2008 for albumet Songs of Love & Loss 2.
• Ronan Keating spelte «Both Sides, Now» i 2009 for hyllestalbumet til mora, Songs for My Mother.
• I 2009 vart songen spelt av Lara Fabian for albumet Every Woman in Me.

2010-åra

• Under opningsseremonien til vinter-OL i 2010 vart «Both Sides, Now» nytta som akkompagnement til ein dans som skildra dei enorme kanadiske slettene.
• Unni Wilhelmsen spelte inn songen i 2010 for albumet hennar 7.