Dolly Parton

januar">19. januar 1946) er ein USA-amerikansk songar, låtskrivar, multi-instrumentalist, skodespelarinne, forfattar og forretningskvinne, mest kjend som countryartist. Etter å ha hatt suksess som låtskrivar for andre artistar, debuterte Parton som plateartist i 1967 med Hello, I'm Dolly. Etter suksessen hennar seint i 1960-åra, både som soloartist og med ei rekkje duettalbum i lag med Porter Wagoner, nådde salstala og listeplasseringane hennar eit høgdepunkt i 1970-åra, og fortsette inn i 1980-åra. Albuma til Parton selde ikkje like godt i 1990-åra, men ho har sidan 2000 hatt kommersiell suksess igjen og gjeve ut album på forskjellige sjølvstendige selskap, inkludert hennar eige Dolly Records.

Dolly Parton
Parton mottek Liseberg Applause Award i 2010
Fødd	19. januar 1946 (78 år)
Fødestad	Pittman Center i Tennessee i USA
Fødenamn	Dolly Rebecca Parton
Opphav	USA
Aktiv	Sidan 1956
Sjanger	country, ballade, gospel, bluegrass, country pop, pop
Instrument	gitar, banjo, autoharpe, vokal
Stemmetype	sopran
Plateselskap	Asylum Records, Columbia Records, Decca Records, Goldband Records, Mercury Records, Monument Records, RCA, RCA Nashville, Rising Tide Records, Sugar Hill Records, Warner Bros. Records
Verka som	Songar låtskrivar multiinstrumentalist skodespelarinne forfattar forretningskvinne
Mor	Avie Lee Parton
Far	Robert Lee Parton
Gift med	Carl Thomas Dean
Prisar	National Medal of Arts, Grammy Lifetime Achievement Award, American Music Award for Favorite Country Album, Country Music Association Award for Entertainer of the Year, Grammy Award for Best Female Country Vocal Performance, Grammy Award for Best Country Song, Grammy Award for Best Female Country Vocal Performance, Favorite Country Single, Grammy Award for Best Country Performance by a Duo or Group with Vocal, Grammy Award for Best Country Collaboration with Vocals, Grammy Award for Best Bluegrass Album, Grammy Award for Best Female Country Vocal Performance, Las Vegas Film Critics Society Award for Best Song, Kennedy Center Honors, Grammy Hall of Fame Award, Grammy Lifetime Achievement Award, Grammy Hall of Fame Award, Library of Congress Living Legend, Johnny Mercer Award, Golden Raspberry Award for verste originalmusikk, stjerne på Hollywood Walk of Fame, Time 100, Willie Nelson Lifetime Achievement Award, American Library Association Honorary Membership, Country Music Assocation Award for International Achievement, Country Music Association Award for Female Vocalist of the Year, Country Music Association Award for Female Vocalist of the Year, Rock and Roll Hall of Fame

Parton har hatt 25 songar på toppen av Billboard-countrylista, som er rekord for ein kvinneleg artist (i lag med Reba McEntire). Ho har 44 topp 10-album på countrylista, som er rekord for alle artistar, og 110 av singlane hennar har gått inn på lista dei siste 40 åra. Ho har fått ti Grammyprisar og 49 nominasjonar, inkludert æresprisen. I tillegg har ho vunne ti Country Music Association Awards, mellom anna som årets artist og som ein av berre sju kvinnelege artistar som har vunne denne prisen. Ho har vunne fem Academy of Country Music Awards og tre American Music Awards.

I 1999 vart Parton innlemma i Country Music Hall of Fame. Ho har komponert over 3 000 songar, inkludert «I Will Always Love You» (som har nådd toppen av den amerikanske countrylista ved to forskjellige høve, og i tillegg vert ein internasjonal pophit for Whitney Houston), «Jolene», «Coat of Many Colors» og «9 to 5». Ho er òg blant få som har hatt minst ein nominasjon blant Oscarpisen, Grammyprisen, Tonyprisen og Emmyprisen. Som skodespelar har ho spelt i filmar som 9 to 5 (1980) og The Best Little Whorehouse in Texas (1982), som ho vart nominert til Golden Globe for i kategorien beste skodespelarinne, i tillegg til Rhinestone (1984), Steel Magnolias (1989), Straight Talk (1992) og Joyful Noise (2012).

Singlar

(Utval)

• «I Will Always Love You», (1974, førsteplass på Hot Country Songs-lista)
• «Yellow Roses» (1989, førsteplass på Hot Country Songs)
• «I Will Always Love You», Vince Gill gjestar (1995)

• 9 to 5 (1980)
• The Best Little Whorehouse in Texas (1982)
• Rhinestone (1984)
• Steel Magnolias (1989)
• Straight Talk (1992)
• Frank McKlusky, C.I. (2002)
• Gnomeo & Juliet (2011)
• Joyful Noise (2012)

• Just the Way I Am: Poetic Selections on Reasons to Live, Reasons to Love and Reasons to Smile from the Songs of Dolly Parton (1979)
• My Life and Other Unfinished Business (1994)
• Coat of Many Colors (1996)
• Dolly's Dixie Fixin's: Love, Laughter and Lots of Good Food (2006)
• I Am a Rainbow (2009)
• Dream More: Celebrate the Dreamer in You (2012)

Hall of Fame og Walk of Fame

Parton er teken med i fleire ulike «Hall of Fame»:

• Nashville Songwriters Hall of Fame (1986)
• Small Town of America Hall of Fame (1988)
• East Tennessee Hall of Fame (1988)
• Country Music Hall of Fame (1999)
• Songwriters Hall of Fame (2001)
• Junior Achievement of East Tennessee Business Hall of Fame (2003)
• The Americana Highway Hall of Fame (2006)
• Grammy Hall of Fame – "I Will Always Love You – 1974 Recording" (2007)
• Blue Ridge Music Hall of Fame – Songwriter Category (2008)
• Gospel Music Hall of Fame (2009)
• Music City Walk of Fame (2009)
• Country Gospel Music Hall of Fame (2010)
• Grammy Hall of Fame – "Jolene – 1974 Recording" (2014)
• The National Hall of Fame for Mountain Artisans (2014)
• The Happiness Hall of Fame (2016)
• East Tennessee Writers Hall of Fame (2019)
• Grammy Hall of Fame – "Coat of Many Colors – 1971 Recording" (2019)

I 2022 blei ho nominert til Rock and Roll Hall of Fame. Parton takka nei til nominasjon i mars 2022, ettersom ho forstod det slik at Rock and Roll Hall of Fame var «for folk innan rockemusikk». I april 2022, etter å ha fått høyra at dette var ei misforståing, sa Parton at ho kom til å ta imot dersom ho blei vald inn. I mai 2022 annonserte Rock and Roll Hall of the Fame at ho kom til å bli innført.

Parton blei gjeven ei stjerne på Hollywood Walk of Fame i 1984, ved 6712 Hollywood Boulevard i Hollywood og ei stjerne på Nashville sin StarWalk for Grammy-vinnarar;