Mona Lisa, òg kalla La Joconde, er eit 77 × 53 cm stort kvinneportrett i oljefargar på ei plate av poppeltre som den italienske kunstnaren Leonardo da Vinci fullførte ein gong i tidsrommet 1503 til 1506 eller til 1519.
Portrettet av denne unge kvinna med den karakteristiske løyndomsfulle smilen, truleg ei kvinne frå Firenze, Mona Lisa del Giocondo, har i nyare tid vorte eit av dei mest vidgjetne måleria i verda. Det er eigd av den franske staten og stilt ut i Musée du Louvre i Paris.
Allereie frå fyrste stund vart dette måleriet sett stor pris på i kunstnarkrinsar, og mange kunstnarar så på det som eit føredøme på korleis eit portrett skulle målast. I romantikken vart kunstnarane særleg fascinert av det gåtefulle som dei såg i maleriet, og dei mytane som har gjort det til eit av dei mest kjende av alle måleri, tok til å utviklast. Det viktigaste elementet i denne myteskapinga var den løyndomsfulle smilen til kvinna, og det har vore lansert ein rad ulike forklåringar på kvifor ho smiler på dette viset, frå til dømes at det har å gjere med at ho var sjukleg, til at ho var lukkeleg og avslappa.
This article uses material from the Wikipedia Nynorsk article Mona Lisa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.