آگوست ۲۰۱۶
دچی‌ین
۵
- برزیل ۲۰۱۶ المپیک رسماً اشون افتتاح بیّه.
دچی‌ین
۷
- ایران جه سه‌تا پینگ-پونگ‌کر المپیک دله بوردنه که هر سه‌تا مازرونی بینه و همگی امروز حذف بَیینه؛ نیما عالمیان، نوشاد عالمیان و ندا شهسواری
دچی‌ین
۱۰
دچی‌ین
۱۳
- ایران ِاولین طلا ره برزیل المپیک دله کیانوش رستمی دَشت هاکرده. وه وزنه‌برداری ِسبک‌وزن سَره اول بیّه و رکوردشکنی هم داشته.
دچی‌ین
۱۴
- سهراب مرادی وزنه‌برداری ِدومین طلا ره هم بَییته. ایرانیون این المپیک دله هَنتا فقط همین دِتا مدال ره دارنه.
دچی‌ین
۱۵
- محمدرضا براری، ساروی وزنه‌بردار، شه كا دله شیشم بیّه. وه پیش از مسابقات هم خله قهرمونی بخت نداشته.
دچی‌ین
۱۶
- قاسم رضایی المپیک دله برنز بَیته و مشترکاً سوم بیّه.
دچی‌ین
۱۷
- بهداد سلیمی ات‌ضرب سَره شه رکورد ره دِ کیلو بالاته بَوِرده و درحالیکه ونه لینگ مصدوم بی‌یه، دِ ضرب هم شرکت هاکرده. وه دِ ضرب دله اولین بار خطا جه وزنه ره جور بَوِرده و دِتا چراغ سِرخ بَینه. همینسه دِباره بورده سکو سَر و این دفه سه‌تا چراغ اسپه بَیینه و وه بورده تمرین‌خنه دله هنیشته و خشحالی کارده که هیئت ژولی ونه دومین حرکت ره هم رد هاکرده و بائوتنه ونه امتیاز دِ ضرب دله ونه صفر بمونده. همینسه سومین بار همون وزنه ره بزوئه ولی خستگی جه نتونسته وزنه ره این دفه یور بَوره و وه ره دمبدائه که باعث بَوو حذف بواشه.
دچی‌ین
۲۰
- حسن یزدانی برزیل المپیک دله ایران ِ۷۴ کیلویِ نماینده بی‌یه. ونه مسابقه آزادکرون ِاولین روز دله قرار بَییته و ونه قرعه خِجیر دربمو. اولین دور استراحت داشته و بعد اتا هائیتی كشتی‌گیر ره چنتا فیتیله جا دَه-صفر بَوِرده و اًی قزاقستون و ترکیه ره هم با اختلاف بَوِرده تا بورده فینال. اون وَر جه جوردن باروز، آمریکایِ اسطوره‌یی کشتی‌گیر، اتا روس، انور گدایف نوم، جه دكته و این كا دله هر دِ نفر مصدوم بَیینه. گدایف ِبفره (=ابرو) بشکسته ولي وه همونتی تا فینال بموئه. فینال دله هر اتا سرپا یکه اعلام كاردنه، گدایف بفره خون یمو و وسته دکترها وه ره معالجه هاكنن؛ همینسه مسابقه شه طبیعی حالت جه دکته. روسی كاكر اولین نیمه ره شیش-هیچ بَوِرده ولي دومین نیمه حسن وه ره بدجور دپیته و آخرین ثانیه‌ئون كا ره مساوی هایکرده تا آخرین امتیازِ بَییتن وسّه قهرمون بَوائه.
دچی‌ین
۲۱
- کمیل قاسمی المپیک دله نقره مدال بَیته و دوم بیّه. وه شه حریفون ره کانادا، مصر و گرجستون جه اتا-اتا شکست هدا و نیمه‌نهایی گدر اتا آمریکایی کشتی‌گیر ره درعرض ۳۳ ثانیه ۱۰-۰ بَوِرده و فینال ترکیه نماینده جه دکته. وه فینال سَره دِ بار سی ثانیه اولتیماتوم دله امتیاز از دست هِدا و ات بار هم دوشِک جه بریم بورده تا کا ره ۳-هیچ بباخه.
دچی‌ین
۲۴
دچی‌ین
۲۷
اسایی دکته‌ئون تلمبار
This article uses material from the Wikipedia مَزِروني article آگوست ۲۰۱۶, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.