فوریه ۲۰۲۲

۴

• مصر موفق بیّه آفریقای ملت‌های جام دله کامرون ِتیم ره پنالتی‌کشی دله بَوره. پیش‌تر سنگال هم بورکینافاسو ره بَورده و بورده فینال. اسا مصر-سنگال فینال دکتنه که اتا دله محمد صلاح و اتا دیگه دله سادیو مانه کا کانّه که لیورپول هم هم‌باز هستنه.

۵

• ابوابراهیم الهاشمی القریشی، داعش ِرهبر، آمریکاییون حمله په بمرده. آمریکای گپ‌کر گاته وه وقتی بفهمستمه که آمریکاییشون دَر إنه، شه بمب بترکانی‌یه و شه زن-وچه همراه منفجر بیه.

۱۹

• روسیه و اکراین ِجنگ دکتن ِخطر زیاد هسته؛ جو بایدن گانه که روس‌ها شه تصمیم ره بیتنه که اکراین ره نهب بورن. وه باته آمریکا اکراینِجنگ دله مستقیم وارد نوونه ولی ناتویِ سامون جه حکماً دفاع کانده.

۲۰

• برزیل دله اتی شلاب بزو که ١۴۶ نفر بمردنه. گانه ٩٠ سال بی‌یه که اینتی وارش برزیل دله نزو بی‌یه. لاییز مالی خسارت هم خله داشته.

۲۱

• نروژ، زمستونی المپیک که پکن دله برگزار بی‌یه دله، اول بیه.
• ایران گانه جدید پیمون‌نومه کار در درست وونه.

۲۵

• پوتین دستور په، روسیه‌ی ارتش نهب بکارده و اکراین ِسامون ره یور بورده. دونتسک و لوهانسک ِشه‌گردون حکومت ره روسیه برسمیت بشناسی‌یه و اسا روسی ارتشیون تا خادی کی‌یف درنه پیشی شونّه. غربی کشورون هم اکراین ِپشت ره خالی هاکردنه و باتنه ناتو جنگ دله وارد نوانه.