فوریه ۲۰۱۸

۲

• فیدل کاسترو ریکا که «فیدلیتو» نوم جه معروف بی‌یه، شه ره بکاشته. معمولاً اینتی آدمون ِبمردن خَوِر کوبا دله تنک نوانه، خصوصاً اگه خادکاشی هاکرد بوئن. (بی‌بی‌سی)

۳

• ترکیه‌ی طرفدارون عفرین ِجنگ دله اتا مدافعون خلق یگان ِعضو ره مثله هاکردنه. وشون اتا کوردِ کیجا که 23 سال سن داشته ره بَکاشتنه په، لخت هاکردنه و وه ره تیکه-تیکه هاکردنه و ونه اعضا ره تنک‌ترو هاکردنه و ونجه فیلم بَیتنه و منتشر هاکردنه. (بی‌بی‌سی)

۴

• عفرین ِجنگ شروع بیّه تاسا، امروز ترکیه ویشترین تلفات ره هدا و هفت‌تا ترکی ارتشی ره خلق مدافعون یگان بکاشتنه. ترکیه هم تلافی وسّه بالون راهی هاکرده و عفرین ره هوایی حمله هاکرده. (بی‌بی‌سی)

۶

• ترکیه‌ی ارتش ات‌سری سلاح سنگین محموله ره بَوِرده حلب وَری و مستقر هاکرده و گانه ایران روسیه جه ونه خَوِری توافق هاکرده. خلق مدافعون یگان بائوته ترک‌ها که عفرین دله شکست بخاردنه، اسا خانّه حلب ره بَیرن. (رادیوفردا و کردپرس)

۷

• فدریکا موگرینی باته نظامی عملیاتون سوریه‌ی دله‌یی جنگ میون فقط ونه علیه سازمان‌هایی بائه که متحد ملل سازمان وشون ره تروریست دونده و ترکیه نونه عفرین جنگ ره دمباله بیره. (کردپرس)

۸

• جنوبی کره‌ی زمستونی المپیک دله سامسونگ هر ورزشکار وسّه اتا موبال هدیه هدائه ولی ایرانی و شمالی کره‌ای ورزشکارون ره موبال ندائه و ایران شدیداً این اقدام ره محکوم هاکرده و تهدید هاکرده که سامسونگِ شرکت جه قطع ارتباط کانده تا این که اسا المپیک کمیته پغوم هدا ایرانیون هم تونّه این موبال‌ئون ره هدیه بَیرِن. (بی‌بی‌سی)

۹

• خونه به خونه و نساجی مازندران هِدی جه بابل دله کا بکاردنه که تا دقایق آخر مساوی بینه ولی اواخر خونه به خونه اتا گل بزوئه و 2-1 بازی ره بَوِرده. اسا وشون جدول دله جابه‌جا بَینه و سوم-چاروم هستنه. این بازی که تعویق‌دکت هم بی‌یه، شرایط ناخِشی برگزار بیّه و تمامِ بنه تیل بی‌یه و توپ زمین دله ماسی‌یه. نساجی گل ره پنالتی سر جه عباس‌زاده بزوئه و خونه به خونه هم اتا پنالتی نیمه اول بزو بی‌یه که گلر بییته.

۱۰

• مازرون ِشرکت چوب دِ - سه ماه هسته که شه کارمندون حقوق ره ندائه و دره ورشکست وانه. این شرکت که اسا خصوصی‌سازی بیّه، 2450 نفر پرسنل دارنه و همین چن وقت پیش اتا 15 میلیاردی ژنراتور ره فقط دِ میلیارد تِمِن بَروته. (محمد دامادی ِبائوت)
• شایعه بیّه که علی گرائیلی، معروفِ خونش‌کر، ایست قلبی هاکرده و بمرده.
• کیم جونگ اون، شمالی کره‌ی رهبر، شه خاخِر ره برسنی‌یه زمستونی المپیک وسّه بوره جنوبی کره و گانّه ونه همراه اتا دعوت‌نومه دیّه که هدائه جنوبی کره‌یِ رییس‌جمهور ره. (بی‌بی‌سی)

۱۸

• نتانیاهو شه گپ میون، مونیخ ِکنفرانس دله، اتا تیکه فلز ره به‌جور بَورده و جواد ظریف ره ونگ بزو که «وه ره اشناسنی؟ وه شمه شنه.» و ادعا هاکرده که این تیکه اتا ایرانی پهپاد شنه و ایران ره تهدید هاکرده که اسراییلِ اراده ره آزمایش نکانه. ظریف ولی ونه گپ ره «سیرک مسخره» بنومسته و باته ارزش ندارنه که وه ره جواب هاده. (بی‌بی‌سی)
• اتا بالون که یاسوج-تهرون خط دله پرواز کارده، بنه دکته و ونه تموم 66 مسافر بمردنه. (رادیوفردا)
• ترکیه گانه بیوشیمی سلاح ره عفرین دله کار نزوئه ولی ی‌پ‌گ گانه مردم غرب عفرین تنفسی مشکل پدا هاکردنه که بیوشیمی سلاح شنه. (رادیوفردا)
• ایران ِرهبر ِمشاور گانه ایران خله سوریه دله‌یی جنگ دله خرج دکته و اسا ونه شه طلب ره سوریه دولت جه بیره. وه باته ونه نفت و گاز و فسفات منابع جه شه پول ره بیریم و اسا هم فسفات ره سوریه جه صادر کامبی تا امه خرج دربئه. (بی‌بی‌سی)

۱۹

• رسول خادم مسئولانی که نی‌یلنه ایرانی کشتی‌گیرون و اسراییلیون کا بَکانن جه انتقاد هاکرده و باته دیگه نتونده کاری هاکنه که ایران ِکشتی ره معلق نکانِن. (بی‌بی‌سی)
• روژاوا مقومات باتنه سوریه‌یِ ارتش جه توافق هاکردنه که بیّه و ترکیه جلو هرسته و وشون ره شه سامون جه درهاکنه. (بی‌بی‌سی)

۲۱

• گنابادی دراویش که بورد بینه مِیلِس پَلی بستا-تجمع هاکنن ره امنیتی نیروئون دَخِستنه و اتا پلیس پلیس‌ها ره درگیری دله زیر بَیته و چنتاشون ره بَکاشته.
• احمدی‌نژاد اتا نومه خامنه‌ای وسّه برسنی‌یه و باته قضاییه رییس ونه عوض بوو و اتا رفراندوم مملکت وسّه راه دکفه.

۲۳

• تهران ِرییس پلیس بائوته اگه بخاست بائیم، تونستمی RPG جه درویشون سِره ره بترکانیم و وشون کَلِک ره بوسنیم. (بی‌بی‌سی)
• خیابون انقلاب ِبرق ِپست که زنان ونه سَر شه چارقد ره گیتنه سَر اتا مانع بی‌یشتنه. چنتا کیج-کیجا هم بوردنه سلاب به سر بَینه و پلیس وشون ره خشونت جه دستگیر هاکردنه. (رادیو فردا)

۲۵

• چک جمهوری دله صالح مسلم، که سوریه کوردستون دموکراتیک اتحادیه حزب دله رهبر بی‌یه، ره دستگیر هاکردنه. وه بورد بی‌یه اونجه تا آمریکا پشتی اتا جلسه دله شرکت هاکنه که ترکیه درخاست جه چکی‌ئون وه ره بیتنه و دادگاه-پاسگاه بکشینه. (بی‌بی‌سی)
• زمستونی المپیک تموم بیه و نروج ویشترین طلا ره بیته. روسیه ورزشکارون هم اختتامیه دله اجازه نداشتنه شه پرچم ره بیارن. این الپیک خله سیاسی چیون داشته. (بی‌بی‌سی)

۲۸

• رسول خادم فدراسیون کشتی ِریاست جه استعفا هدا و باته نتونده دیگه کشتی ره دِرو باوّه و تاریخ تومِ سوالات جواب ره دنه. (بی‌بی‌سی)
• اشرف غنی بائوته طالبان اگه جنگ ره تموم هاکنه، تموم زندونی‌هاشون آزاد وانّه، شه اتا سیاسی حزب وانّه و آتش‌بس برقرار وانه. (یورونیوز)