اکتبر ۲۰۱۵

۴

• دیمیتری مدودوف، روسیه‌یِ نخست وزیر، بائوته که این کشور سوریه دله‌یی جنگ دله شرکِت هاکرده چون خانه شه امنیت جه دِفاع هاکنه و تروریسم دَم ره بَیره. وه بائوته بتترین دفاع این هسته که تا دِشمِن ته سِره دله نموئه ونه دَم ره بَیری. روسیه‌یِ بالون‌ها بارها داعش ِنیروئون ره بَکوبِستنه و رقه شهر ره حمله کانّه ولی متحده ایالات آمریکا وشون جه انتقاد کانده که دَرنه بشار اسد جه پـِشتی کانّه. روسیه وشون جه بخاسته که اتا گتِ ائتلاف بسازن و داعش دَم ره بَییرِن ولی آمریکا هَنتا وشون ره جوابی نِدائه. (یورونیوز)

۷

• روسیه‌یِ بالون‌ها که سوریه دله‌یی جنگ سره درنه داعش ره بمبارون کانّه، ترکیه‌یِ سامون دله وارد بَیینه و ونه حریم ره بشکنینه ولی بائوتنه که اشتباهی و هوایِ خرابی وسّه اینتی بیّه. (یورونیوز)
• آمریکایِ بالون‌ها اشتباهی افغانستان دله اتا بیمارستون ره بمبارون هاکردنه. این بیمارستون بی‌سامون دکترون ِتحت‌نظر دَیّه. اسا امریکایِ اتا ژنرال گانه که این کار اشتباهی اتفاق دَکِته ولی بی‌سامونِ دکترون گانّه که ناتویِ اعضا وشون ِبیمارستون ِمختصات ره داشتنه. (یورونیوز)

۱۰

• ترکیه دله خلقون دموکراتیک حزب (HDP) ِطرفدارون دَیینه آنکارا دله راهپیمایی کاردنه و آک پارتی ره کوردستون کارگرون حزب (PKK) جنگ وسّه اعتراض کاردنه که دِتا تروریسم شه ره بتِرکانینه و این ماجرا دله نزدیک صد نفر بمردنه. بعد این اتفاق احمد داوود اغلو سه روز عمومی عزا اعلام هاکرده ولی صلاح‌الدین دمیرتاش وه و ونه حزب ره این انفجار ِمسئول دونده و اینترنت دله اتا هشتک بساته که ونه نوم قاتل ِدولِت (#KatilDevlet) هسته. مردم هم بمرده‌ئون ِتشییع جنازه دله ویشته آک پارتی ِعلیه شعار دانه. این انفجار اَنده گت بی‌یه که ترکیه‌یِ تاریخ دله اَنده بکوشته سابقه نِداشته.

۱۸

• اسلونی ِنخست‌وزیر شه کشور ِارتش جه بخاسته آماده بائه تا اگه لازم بیّه مهاجرون دَم هِرِسته. (یورونیوز)
• فلسطین و اسراییل ِدرگیریون خله ویشته بیّه. فلسطینیون تل آویو دله چنتا اتوبوس ره تَش بزونه و یوسف ِقـَور ره رِقِد بِدانه و اسراییل ِنظامیون هم چنتا مخالف ره بَکاشتنه. اتی صلح‌خائونه تجمع هم اورشلیم دله انجام بیّه. (یورونیوز)

۱۹

• باراک اوباما رسماً بائوته که متحده ایالات بمحض این که ایران برجام ِاولیه کارون ره انجام هاده، شه تحریم‌ها ره لغو کانده.
• کوردستون کارگرون حزب اعلام هاکرده که دولِت ره تا پارلمونی انتخابات گادِر اِت‌وَری آتش‌بس دِنه ولی ترکیه‌یِ دولِت اسا ویشته وشون ره حمله کانده و مِزراب یـِنّه. (کوردپرس)

۲۶

• آرژانتین دله ریاست جمهوری ِانتخابات برگزار بیّه و مائوریسیو ماکری هشتاد درصد آراء جه انتخاب بَیی‌یه. (بی‌بی‌سی، سی‌ان‌ان)
• لوئیز همیلتون فرمول یک ِمسابقات دله برنده بیّه.
• کوردستون اقلیم اتا فیلم تَنِک هاکرده که سِراق دِنه چـِتی وشون ِپیش‌مرگون آمریکایی سربازون ِکومِک جه ات‌سری اسیر ره آزاد هاکردنه. این اولین بار هسته که آمریکا زمینی عملیات ره داعش ِجنگ سَره استفاده کانده. (یورونیوز)

۲۸

• ایران ره وین ِکنفرانس دله دعوت هاکردنه. این کنفرانس سوریه‌ی دله‌یی جنگ خـَوِری هسته. (یورونیوز)
• افغانستون و پاکستون و هند دله زلزله بموئه و صدها نفر ره بکاشته یا مجروح هاکرده.
• گواتمالا دله اتا کمدی شومَن بتونِسته رییس‌جمهور بَواشه.