مارس ۲۰۱۵

۸

• لیلا زانا بائوته که خانه خلق‌ئون دموکراتیک حزب دله کاندیدا بَواشه. وه پنج سال سیاسی کار جه محرومیت داشته و همینکه ایمرالی زندون جه دَربِموئه، شه کاندیداتوری ره اعلام هاکِرده. (کوردپرس)
• استوارت جونز، آمریکای ِسفیر، عراق دله، بورده ایمام علی ِحَرِم دله. این اتفاق په مقتدی صدر این حرکِت ره محکوم هاکِرده. (العالم)
• داعشیون اتا تاریخی شهر (نمرود نوم) ره، که موصل پَلی دَیی‌یه، رِقِد بِدانه. (العالم)
• تکریت ِمحاصره په، عراق ِارتش تموم مین‌ها و... ره این شهر ِپَلی جه جمع هاکرده. (العالم)

۱۶

• ایران رسماً اعلام هاکرده که حاضره یمن ِحوثیون ره مادی کومِک هاکِنه. (روسیه ونگ)

۱۷

• استرالیا دله، پلیس اتا گت ِاُسقُف ره تجاوز وسّه دستگیر هاکِرده. این اسقف اتا ایالت دله کاتولیکون ِرهبر بی‌یه. (ABC)
• ایسراییل دله ریاست‌جمهوری ِرأی‌گیری شروع بیّه. (The Times Israel)
• مصر دله، اتا دادگا اعلام هاکرده که محمد بدیع (اخوان المسلمین ِرهبر) ونه اعدام بَواشه. مصر دله قبلاً این سازمان ره تروریستی اعلام هاکردبینه. (پرس تی‌وی)
• داعشیون خاستنه ایسپانیای ِشاه، فیلیپ چاروم، ره روز ۱۳ مارس بَکاشِن. (روسیه ونگ)
• عراق ِمردمی نیروئون وقتی العوجه‌ی ِشهر ره بَییتنه، صدام حسین ِقَور ره رِقِد بِدانه و ونه عکس ِعَوِض، قاسم سلیمانی عکس ره بی‌یِشتنه. (العالم)

۱۸

• لیکود حزب که ونه ریاست بنیامین نتانیاهو دَس دَره، ایسراییل ِسراسری انتخابات دله پیروز بیّه. (العالم)
• دوکتری که کومِک هاکرد بی‌یه بن لادن ره بَکاشِن، پاکستون دله بَمِرده. (روسیه ونگ)
• تونس دله تروریستون ات‌خله آدم که ویشته توریست بینه، ره گروگان بَییتنه. وشون ۲۲ نفر ره تا اسا بَکاشتنه که وشون دله بیست نفر خارجی بینه. (العالم)

۲۰

• یمن دله صنعای ِ سه‌تا مسجد دله تروریستون انفجار هاکِردنه که سرجمع هفتاد و هفت نفر بمرده. (العالم)
• حسن روحانی ِمار بَمرده. سکینه پیوندی که 90 ره یور بورد بی‌یه، هَنتا سمنان دله زندگی کارده و همونجه بَمِرده. (روسیه ونگ)

۲۲

• عبدالله اوجالان، که پ‌ک‌ک ِرهبر هسته، شه نوروزی بیانیه ره تَنِک هاکِرده و ونه بنویشته‌ئون دیاربکر (= آمِد) دله بَخوندِسته بَیینه. این اعلامیه دله وه بائوته که «اسا اون گادِر بَیی‌یه که سلاحون ِسو وُنه خاموش بَوون و اَمه اندیشه‌ئون و افکار ِگَپ ونه دَربِئِه.» (روسیه ونگ)
• روژاوا دله اتا انتحاری تروریست حسکه ِشهر دله شه ره مردِم میون منفجر هاکِرده و بیش از صد نفر که دَر نوروز ره جشن گیتِنه، بمردنه. (کوردپرس)

۲۳

• امنیت شورا تصمیم بَییتنه یمن ِاتفاقات ِخَوِری گپ بَزنِن. هَنتا انصارالله این کشور ِکنترل ره شه میس دله دارنه. (ایران ِخَوِرِ کانال)
• اتا عراقی پولدار مَردی شی‌یه داعش ِسامون دله و پول دائه تا زنان و کیجائون ره بَرده بَییتن وسّه بَخرینه. وه این زنان ره گیته وَرده و آزاد کارده. (العالم)

۲۴

• فرانسه جه اتا بالون (=هواپیما) سقوط هاکرده که ونه صد و پنجاه‌تا مسافر بَمِردنه. این بالون بارسلون (ایسپانیا) جه دَرشی‌یه دوسلدورف (آلمان) که راه دله آلپ ِمیون دَکِته. (العالم) و (RT)
• یمن دله، انصارالله ِطرفدارون دَرنه شونّه عدن ِطَرِفی تا این شهر ره منصور هادی ِدَس جه دَربیارِن. هادی خارجی کشورون (عربستون واری) جه بِخاسته که وه ره کومِک هاکِنِن و شه ارتش ره دَرینگِنِن. (العالم)

۲۵

• عدن دله حوثیون بتونِستنه فرودگا ره بَیرِن و منصور هادی این شهر جه فِرار هاکِرده و حوثیون ونه وسّه صد هزار دولار جایزه بی‌یشتنه. دفاع ِسابق ِوزیر ره هم این حملات ِپه بَییتنه. (پرس‌تی‌وی)

۲۶

• یمن ِجنگ:
  • منصور هادی فِرار هاکرده و اسا عمان دله دره. عربستون، مصر، متحده عربی امارات، کویت، بحرین و قطر همبلاخره شه نظامی حمله ره یمن ِبَییتِن وسّه شروع هاکِردنه. پاکستون، اردن، مراکش و سودان هم بائوتنه خانّه این جنگ دله عربستون ره کومِک هاکِنِن. این حملات اولیه هستنه و بالون جه انجام وانّه. عربستون این جنگ ِنوم ره «عاصفه الحزم» بی‌یِشته و 100 جنگنده، 150000 سرباز و دریایی واحدون ره تااسا برسنی‌یه که بعضیا چتر جه عدن دله پیاده بَیینه. بیش از 22 نفر این حملات دله بمردنه. آمریکا هم این حملات دله لجستیکی کومِک کانده.(trt و العالم و پرس تی‌وی)

۲۷

• یمن جنگ:
  • خاورمیونه‌یی ائتلاف، که عربستون و مصر ونه رهبری ره دارنه، یمن ِمواضع ره دومین روز متوالی دله بَکوبِستنه و حداقل ده‌ها نفر صعده دله بَمِردنه. (CNN)
  • پاکستون پشیمون بَیی‌یه و ونه دفاع ِوزیر بائوته: «پاکستون صرفاً شه ره متعهد دونده که سعودی عربستون ِ«ارضی تمامیت» ره حفظ داره و تعهد دیگه‌یی ندانّه. اِما خامبی اتی آسون‌کَر نقش داریم که اسلامی‌جهون ِمسایل و اختلافات ره حل هاکنه و هرجور تنش و درگیری که باعث بَوو اسلامی‌جهون دله اختلاف دَکفه دله کایری (=مشارکت) نکامبی و همینسه این اختلافات ِبَدِل سعی کامبی کومِک هاکنیم که مسأله حل و فصل بَواشه.» (ایرنا)
• اعلام بیّه که بالونی که دوسلدورف-بارسلون ِلاین دله جه دَرشی‌یه و سه‌شنبه سقوط هاکرده، ونه کمک‌خلبون اتی روانی مریضی داشته و عمداً باعث بیّه که بالون سقوط هاکنه. وه احتمالاً بورده اصلی کابین دله و دَر ره زلفین (=قفل) هاکرده و نی‌یشته اصلی خلبون دله بِئه تا شه کار ره هاکِنه. (العالم)

۲۸

• یمن جنگ:
  • عرب اتحادیه‌ی ِاجلاس دله منصور هادی گپ بَزو و فؤاد معصوم این مسئله‌ی ِاعتراض وسّه بریم بورده.
  • این اجلاس دله عبدالفتاح السیسی، مصر ِرییس‌جمهور، بائوته که خانّه اتی مشترک ِارتش عربی‌کشورون ِوسّه بِسازِن.
• ویلاریکا تشفشون که شیلی ِنیشتنگا پَلی دَره فعال بیه. این تشفشون ۷۵۰ کیلومتری سانتیاگو جه دره. (یورونیوز)
• القاعده‌ی ِپه‌روون هِدی جه متحد بَیینه و ادلب ِشهر ره سوریه دله بَییتنه. جبهه النصره، جند الاقصا، جیش السنه، احرار الشام این عملیات دله ارتش جه جنگ هاکردنه و این عملیات دله سرجمع ۱۳۰ نفر بمردنه. ادلب دومین مرکز استانی هسته که سوریه‌ی ِمرکزی حکومت ِدَس په جه دَرشونه. (یورونیوز)
• «زمین ِساعت»، اتا سمبولیک ِحرکِت هسته که ونه سَره هرسال ۲۳ مارس دله تموم ِبرق‌ها ره یک ساعت وسّه خاموش کانّه. برج‌ها و ساختمون‌ها هونگ کونگ، فیلیپین و توکیو دله خاموشی بَزونه. این کار ره طبیعت ِجهونی صَندُق باب هاکرده و ونه اَرمون این بی‌یه که مردمون آب‌و هوایی تغییرات جه آشنا بَوون و اصراف ِدَم ره بَیرِن. (یورونیوز)

۳۰

• اسلام کریموف اتا رای‌گیری سَره دِباره اوزبکستون ِرییس‌جمهور بَموندِسته.

۳۱

• شایعه بیّه که تکریت ِجنگ ِدله اتا آمریکایی پهپاد دِتا ایرانی ره قدس سپاه جه بَکاشته. (یورونیوز)
• سوییس خانه شه ملی سرود ره عَوِض هاکنه. (یورونیوز)