اندرانگتا

وشون ِقاچاق‌کَری خله پیشرفته هسته و خله کشورون دله کارخنه و شرکتونی دارنه که شه خلافکاری ره مخفی دارِن. وشون هلند، بلجیک، رومانی و بریتانیا دله سرمایه‌گذاریون زیادی دارنه و اروپایِ کوکایین ره ویشته وشون تأمین کانّه.

این گروه اواخر دهه‌ی ۱۸۰۰ میلادی زندون دله بساته بیّه ولی یک قرن و نیم بعد شه قدرت ره ویشته هاکردنه و دهه‌ئون ۱۹۶۰ و ۱۹۷۰ آدم‌دزدی جه پول دریاردنه و بعداً کم‌کم شه پول ره بی‌یشتنه کوکایین بَروتن ِبازار دله.

اوایل سال ۲۰۲۱ ایتالیا دله اتا دادگاه تشکیل بیه که این گروه ره محاکمه هاکنه. این دادگاه دله ۳۵۵ نفر قرار هسته محاکمه بوون که خله‌شون دکتر،مهندس، سیاستمدار، پلیس، وکیل و اینتی آدمون هستنه. قرار بیّه که شیش روز هفته ره دادگاه تشکیل هادن ولی با اینچنینی شاید تا یک سال بکشه که وشون همه ره محاکمه هاکنن. گانه که این مافیا حداقل ۲۰ هزار عضو دانه و هر سالنه بیش از ۵۰ میلیارد دلار گردش مالی دارنه.