ژانویه ۲۰۲۴

۳

• قاسم سلیمانی قَورِ سر دِتا بمب بترکسته که ایران مقومات گننه تروریستی حمله شنه. ۹۵ نفر آدم این میون بمردنه و صد نفر جه ویشته بیمارستان کتنه. هنتا هچکی این حمله ره گردن نیته.

۸

• گولدن گلوب مراسم برگزار بیّه که اکثر جوایز ره سینمایی فیلم چله دله اوپنهایمر بیته و سریال چله جه لجیسیز (میراث) ویشترین جایزه ره دشت هاکرده.

۱۰

• بکن بائر، آلمان ِفوتوال ِاسطوره، بمرده.
• اکوادور دله اتا مسلح گروه بمونه تلویزون دله و پخش زنده برنامه ره بهم بزونه.

۱۴

• آمریکا و بریتانیا ۶۰ هدف ره یمن دله بمب بوارستنه که حوثیون هم درجواب ات-دِ تا کشتی ره باب المندب وَری بزونه. استرالیا، بحرین، کاندا و هلند هم آمریکایِ ائتلاف دله درنه.

۱۶

• نیلوفر حامدی و الهه محمدی سند بی‌یشتنه و دربمونه.
• فیفا هشتمین کش، لیونل مسی ره بتترین بازیکن هوجی‌یه.

۱۷

• عراق بورده ایران دست جه شکایت هاکرده که وشون کشور دله ره موشک کپل کننه

۱۸

• مارگرت دوم شه پادشاهی جه دانمارک دله استعفا هدا و ونه ریکا فردریک دهم شاه بیّه.
• پاکستان تلافی وسّه چنتا نقطه ره ایران خاک دله موشک بزو.

۲۲

• محمد عباس‌زاده وردگرسته نساجی.

۳۰

• ایران ِهوادار ِگروهون اتا آمریکایِ پایگاه ره اردن-سوریه سامون سر موشک کپتل هاکردنه که سه-چارتا آمریکایی سرباز ره بکوشته. بریتانیایِ نخست وزیر، ایران جه بخاسته که نله منطقه دله جنگ دکفه و وشون دم ره بیره.