- شروین حاجیپور، بابلسری خونشکر، دنیای معروفترین موسیقی جایزه، گرمی، ره شه «برای...» آهنگ وسه، بَوِرده.
- ترکیهی جنوب و سوریهی شمال زلزله دکته و اقلاً 2600 نفر بمردنه. این زلزله خله خرابی بار بیارده. سوریهی نخستوزیر ِخاخر و ترکیهی رییسجمهور ِمعاون خانواده هم بمردهئون دله درنه.
- ویکیپدیا ره پاکستون دله فیلتر هاکردنه. وشون دادگاهون گننه ویکیپدیا غیراسلامی بنویشته ره وسه حذف هاکنه.
- احسان پیربرناش، مازرونی طنزنویس و ورزشی روزنومهنویس، که زندون ونسه بوری بینه، عفو بخرده و آزاد بیه.
- آرمیتا عباسی، گیلک کیجا، که وه ره بازداشت گدر جمیعتی تجاوز هکرد بینه و هنتا زندون دیه، عفو بخرده په، آزاد بیه.
- ترکیه-سوریه زلزلهی آمار بالاتر بورده و گنه اقلا ١١ هزار نفر بمردنه. هنتا خله مردم خرابهئون بن دماستونه.
- جورج واشینگتن ِدانشگاه دله اتا هشت نفری نشست بییشتنه. این آدمون ایران ِحکومت جه مخالف هستنه ولی هئی جه هم اختلاف نظر دارنه و اینتا اولین بار بییه که اتجا گرد بینه. رضا پهلوی، مسیح علینژاد، نازنین بنیادی و حامد اسماعیلیون چار نفری بینه که شه میلس دله نیشت بینه و خورنگارون ِسؤالات ره هم جواب دانه. اتی چار نفر هم دینه که ویدئو برسنینه: عبدالله مهتدی، شیرین عبادی، گلشیفته فراهانی و علی کریمی. این نشست شاید شروعی بوئه که وشونها کایری هاکنن و گذار ِموقتی دولت ره بساجن.
- امریکا و کانادا گننه که دِتا «نا میّن پرکش وسیله» که شه گننه یوفو، ره آلاسکا و شمالی قطب وری بدینه و بالون جه اینان ره بنه بیاردنه.
- شیراز مردم ٢٧ بهمن فراخوان پشتی، هرستانه و شاهچراغ ِپروژه که قرار هسته شیراز قدیمی بافت ره رقد هاده جه مخالفت هاکردنه. گالیکش دله هم بلوچها و ترکمونها هئی بینه و اعتراض هاکردنه که وشون سنی ملا ره آزاد هاکنن. بلوچستان دله هم مولوی عبدالحمید جمعههای قبلی دستوری، این صوه هم خطبه دله رفراندوم بخاستی ره تکرار هاکرده.
- مونیخ امنیتی کنفرانس برگزار بیّه که ایران اسلامی جمهوری ِنمایندهئون ره راه ندانه و درعوض، اپوزسیون ِنمایندهئون اونجه شه گپ ره بزونه. این مراسم ِحاشیهئون دله، دهتا کشور ِخارجی امور ِوزیرون که زن بینه، دستهجمعی عکس بیتنه و ایران و افغانستون ِزنان ِجنبش جه پشتی هاکردنه.
- ایران دله دلار قیمت رکورد بشکنییه و هر ات دلارِ قیمت 500,000 ریال (پنجا هزار تمن) جه برابری کنده.
- ایران اتا آلمانی-ایرانی شهروند ره اعدام جه محکوم هکرده. آلمان هم ایران ِدِتا دیپلمات ره سفارتخنه جه اخراج هکرده که دگردن ایران.
- اسرائیل گنه ونه ایران دم ره بیتن که هستهای سلاح جه نرسه. بنیامین نتانیاهو باته اگه اروپایی و آمریکایی کشورون ونه تن نشوئن، تیناری ایران ره حمله کنده.
- لیونل مسی هشتمین بار وسه د بست جایزه ره بیته و بتترین فوتوالیست بیه.
اسایی دکتهئون تلمبار
- ۲۰۲۰
- ژانویه
- فوریه
- مارس
- آوریل
- مه
- ژوئن
- ژوئیه
- آگوست
- سپتامبر
- اکتبر
- نوامبر
- دسامبر
This article uses material from the Wikipedia مَزِروني article فوریه ۲۰۲۳, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.