دسامبر ۲۰۱۷

۲

• فوتوال جهونی جام ۲۰۱۸ وسّه قرعه‌کشی هاکردنه و تموم گروهون اسم دربموئه:

گروه A	گروه B	گروه C	گروه D
روسیه	پرتغال	فرانسه	آرژانتین
سعودی عربستون	ایسپانیا	استرالیا	ایسلند
مصر	مراکش	پرو	کرواسی
اروگوئه	ایران	دانمارک	نیجریه

گروه E	گروه F	گروه G	گروه H
برزیل	آلمان	بلژیک	لهستون
سوئیس	مکزیک	پاناما	سنگال
کاستاریکا	سوئد	تونس	کلمبیا
صربستان	جنوبی کره	انگلیس	جاپون

۳

• احمد ابوالغیظ، عربی کشورون اتحادیه رییس، آمریکا ره هشدار هدائه که شه سفارت‌خنه ره اسرائیل دله به اورشلیم دَکِش نکانه و این شهر ره اسرائیل ِنیشتگا برسمیت نِشناسه. (اسپوتنیک)
• ازبرعلی حاجوی یا همون ریزعلی خاجوی که وه ره «دهقان فداکار» اشناسنّه، هشتاد و هفت سال زندگی په، بمرده. (اسپوتنیک)

۴

• علی عبدالله صالح که قدیم یمن رییس‌جمهور بی‌یه، صنعا دله بمرده. وه پیش از عربی بهار ریاست جمهوری داشته و این گدر وه ره کنار بزونه ولی یمن جنگ شروع بیّه په، وردگردسته و حوثیون ره پشتی هاکرده ولی این دِ-سه روزی وشون میون اختلاف دکته و عبدالله صالح بائوت بی‌یه که شاید عربستون جه صلح هاکنن. حوثیون گانّه وه صنعا جه درشی‌یه که ونه ماشین ره بترکانینه ولی هنتا صالح ِنزدیکون و عربستون ونه بمردن ره تأیید نکاردنه و بعضی‌شون گانّه وه زنده در بورده. (بی‌بی‌سی)

۶

• دونالد ترامپ علی‌رغم مخالفتونی که اسلامی کشورون هاکردنه، اورشلیم (بیت‌المقدس) ره بعنوان ایسراییل ِنیشتگا برسمیت بشناسی‌یه. (یورونیوز)

۸

• کریس رونالدو پنجمین‌بار وسّه طلایی توپ جایزه ره بَوِرده. لیونل مسی و نیمار هم دوم-سوم بَینه.
• کریستینا فرناندز، آرجانتین ِسابق ِرییس‌جمهور، بجرم مخفی هاکردن ِایران ِتروریستی حملات، دستگیر بیّه.

۹

• دونالد ترامپ تصمیم که اورشلیم ره ایسرائیل نیشتگا برسمیت بشناسی‌یه، باعث درگیری و انتقادون شدید بَیّه. امنیت شورا دله آمریکایِ نماینده این حرکت جه دفاع هاکرده. ده‌ها فلسطینی درگیری‌ها دله بمردنه یا زخمی بَینه و روسیه‌یِ بالاترین مذهبی مقوم پیشنهاد هدا بجای این کائون، خادی متحد ملل سازمان ره بَوِرِن اورشلیم دله بسازن. (بی‌بی‌سی)

۱۱

• ولادیمیر پوتین، روسیه رییس‌جمهور، سوریه دله‌یی جنگ توم بیّه په، بورده سوریه‌ی رییس‌جمهور، بشار اسد، جه ملاقات هاکرده. وه بائوته روسی نظامیون اکثراً ونه وردگردن شه مله ولی ات‌که موندنّه و سه‌تا پایگاه ره باقی دارنه. اتا از این سه‌تا پایگاه طرطوس ِبندر دله هسته و دریویی نیروئون شنه. (بی‌بی‌سی)
• نیویورک دله اتا تروریستی حمله خنثی بیّه. چار نفر مصدوم بَینه و چنتا خط مترو اِس هاکردنه و تخلیه بَینه. (دویچه‌وله)

۱۳

• اسلامی کشورون کایری سازمان اتا اضطراری جلسه ترکیه دله بی‌یشته که اورشلیم ِقضیه وسّه گپ بزنن. در حالی که سعودی عربستون پایین‌ترین سطح جه شرکت هاکرده، کشورون ایران، افغانستان، ترکیه، لبنان، کویت، قطر، آذربایجون، یمن و اردن شه بالاترین مقوم ره برسنینه و فلسطین ِشه‌گردون تشکیلات ِنماینده هم دره. (بی‌بی‌سی)

۱۷

• مصر اتا قطعنومه‌ی پیش‌نویس ره خانه بَوِره امنیت شورا و رای بی‌یله. این قطعنومه خانه اورشلیم ِنیشتگا بی‌ین ره محکوم هاکنه و آمریکاییون ِبرسمیت بشناسی‌ین وسّه تأسف بخاره. احتمال قریب به یقین آمریکای نماینده وه ره وتو کانده ولی اگه باقی اعضا وه ره تایید هاکنن، آمریکا منزوی وانه و وه ره ات‌جور ضایع کانّه. فلسطینیون گانّه آمریکا وه ره وتو هاکرده په، شونّه عمومی مجمع دله وه ره مطرح کانّه. (بی‌بی‌سی)
• محمود صادقی، میلسِ نماینده، شه نطق دله بائوته که مِیلِسِ اعضا جای این که «ملتِ فضائلِ عصاره» بائن، فقط «نگهبون شورایِ فضائلِ عصاره» هستنه. این گپ بعضی نماینده‌ئون ره وَر بخارده و اعتراض هاکردنه. قائمشهر ِنماینده، علی ادیانی‌راد، ونه علیه گپ بزوئه و باته اگه اینتی وه گانه بوئه، شه مشروعیت ندارنه که نماینده بائه. بعضی نماینده‌ئون دیگه هم دعوا دکتنه. (بی‌بی‌سی)

۱۸

• کشاورزیِ وزیر اتا گیلکِ کشاورز که ونجه اتا سوال داشته و گاته مه زن-و-وَچه وشنانه، ره باته وه ره ات‌که سوس هادین بخاره. این اتفاق اجتمائی شبکه‌ئون دله خله گپ پیش بیارده.

۱۹

• در حالی که حوثیون گانّه ریاض ِشهر ره موشک جه بزونه و انفجارِ ونگ هم شهر دله دَپیته، سعودی عربستون رسماً بائوته «ایرانی-حوثی» موشک ره ساقط هاکرده و وه هدِف ره نَندِسته. ایران سعودیون ِاتهامات ره رد کانده. (بی‌بی‌سی)
• بشار اسد، سوریه‌یِ رییس‌جمهور، علیه امانوئل مکرون، فرانسه‌ی رییس‌جمهور، جبهه بَیته. وه بائوته فرانسویون ِدَس اَمه مردِمِ خون ره بنده و فرانسه سوریه دله‌یی جنگ شروع بیّه تاسا، همینتی تروریستون ره کومِک هاکرده. (یورونیوز)

۲۱

• رمضان قدیروف، چچن رییس‌جمهور، آدم بکاشتن ِکایری اتهام جه توسط آمریکای متحده ایالات تحریم بیّه. (بی‌بی‌سی)
• متحد ملل سازمان دله عمومی مجمع میون، که تموم کشورون درنه، رای‌گیری هاکردنه که اورشلیم نیشتنگائی ره محکوم هاکنن یا نا. ۱۲۸ کشور آمریکایِ برسمیت بشناسی‌ین ره برسمیت بشناسینه درحالیکه فقط ۹ کشور ونجه پشتی هاکردنه و ۳۵ کشور هم ممتنع بینه. دونالد ترامپ تهدید هاکرده که محکوم‌کَر کشورون ره دیگه پول ندنه. (بی‌بی‌سی)

۲۳

• فیلیپین ِتیفون دله صد نفر به‌یور بمردنه. (بی‌بی‌سی)
• شمالی کره ره امنیت شورا اَی دِباره تحریم هاکرده. این سَفه دور تحریمون نفتی هستنه. (بی‌بی‌سی)

۲۶

• ایسپانیایِ مرکزی دولِت پارلمونِ رِقِد هدائن په، کاتالونیا دله پارلمونی انتخابات برگزار هاکرده و اَی دِباره سوایی خاهون (=تجزیه‌طلبون) رای بیاردنه. وه درحالی‌یه که سوایی‌خاهونِ رهبرون یا دکتنه زندون یا بوردنه خارج و شه کاتالونیا دله دنینه.

۲۸

• مشهد، نیشابور و کاشمر دله مردم تجمع هاکردنه و علیه سیاسیون اعتراض هاکردنه. آخرسری اتی معترضون و امنیتی نیروها هم درگیری بیینه. (بی‌بی‌سی)

۲۹

• خراسون ِتجمعات په، کرمانشاه دله هم مردم جمع بَینه و حکومت ره گرونی و زلزله‌بزه‌ئون ِوضع وسّه نخارچی باتنه. (رادیوفردا)
• بعد این که کریسمس وسّه آمریکای متحده ایالات دله شدیدِ سرما بموئه و چن متر ورف بِوارِسته، دونالد ترامپ محیط‌زیستِ طرفدارون ره کَتره باته و بائوته اسا شاید بتونیم زمین ِاضافی گرما جه ات‌که قرض هاییریم تا این زمسسون ره سر هاکنیم. (بی‌بی‌سی)