اکتبر ۲۰۱۷

۱

• کاتالونیا دله خاستنه استقلالِ رفراندوم ره صِوی برگزار هاکنن که دولِت نی‌یشته و شه نظامیون ره راهی هاکرده که شعبه‌ئون رفراندوم ره پیش از شروع همه‌پرسی دَوِندِن. مردم که قضیه ره بفهمستنه، بوردنه شعبات دله جمع بَینه تا وشون دَم ره بَیرن و دِ گروه هِدی جه دَکِتنه. پلیس چارصد-پونصد نفر ره زخمی هاکرده و کاتالونی مقامات ره بازداشت هاکرده.
• فرانسه‌ی مارسی دله ات نفر کارد جه دَکِته مردم دله چن نفر ره زخمی هاکرده و ات-دِ تا ره بکاشته.

۲

• آمدنیوز خبرگزاری شایعه تنک هاکرده که صادق لاریجانی، قوه قضاییه‌ی رییس، ِکیجا جاسوسی هاکرده و MI6 وسّه شه پییرِ پرونده‌‌ئون جه عکس بیته.
• لاس وگاس دله ات نفر رگبار جه اتا کنسرتِ تماشاچیون ره شلیک هاکرده و بیست نفر هَندا ره بکوشته.

۳

• جلال طالبانی، عراق ِقدیمی رییس‌جمهور و کوردستون میهنی اتحادیه ِرهبر، بمرده.

۱۳

• آمریکا ره دونالد ترامپ، یونسکو دله جه دربیارده. وه باته چون فلسطین یونسکو عضو بیّه، این کار ره کانده.

۱۴

• دونالد ترامپ اَی ایران خَوِری گپ بزوئه و بائوته که برجام ره تایید نکانده ولی وه ره رد هم نکارده. وه سپاه ره هم تروریست نائوته ولی وه ره تروریسمِ پشتیبونی وسّه باته تحریم کامبه. اسا آمریکایِ مِیلس ونه باوّه که ایران برجام ره رعایت هاکرده یا نا.

۱۶

• عراق ارتش، حشدالشعبی پشتیبونی جه، کرکوک ِشهر ره حمله هاکرده و استراتژیک جائون ره کوردستون اقلیم دَس جه بَییته. این شهر که خله نفت وسّه مهم هسته ره داعش چن گدر پیش مرکزی دولت جه بَییت بی‌یه و کوردها وه ره آزاد هاکرد بینه و وه ره داشتنه و کوردستون استقلال رفراندوم دله این منطقه هم شه رای ره هدانه. اسا دولت کرکوک ره حمله که هاکرده چن نفری بمردنه ولی پیش‌مرگونی که میهنی اتحادیه‌یِ حزب جه وابسته بینه، مقاومت نکاردنه و تسلیم بَیینه؛ در حالی که مسعود بارزانی دستور هدا بی‌یه اگه حمله بیّه، دفاع هاکنن.

۱۷

• عراقیون سنجار ره حمله هاکردنه و این منطقه ره هم کرکوک واری بَییتنه. پیش‌مرگون هم هچ کاری نکاردنه و عقب بَکشینه.

۱۸

• سوریه دموکراتیک نیروئون (پ‌ی‌د) بتونستنه آمریکاییون کومِک جه الرقه ره بَیرن. این شهر ره داعش ِنیشتنگا دونستنه.

۲۰

• افغانستان دله دِ تا ولایت پکتیا و غزنی دَرون انفجارونی انجام بَیته که اقلاً ۷۲ کشته و ۱۷۰ زخمی هدائه.

۲۵

• جاپون لیبرال دموکرات حزب که تاسا قدرت ره داشته، این سَوه هم رای بیارده و اکثریت قاطع پارلمون وشون دَس دکته. شینزو آبه اسا قدرت سَر موندنه.

۲۶

• کوردستون اقلیم رهبرون بائوتنه شه رفراندومِ نتیجه ره تعلیق کانّه تا تونن عراقِ دولت جه گپ بزنن ولی حیدر العبادی که تاسا تهران دله دیّه، جواب هدائه که تا هرگِدِر که رفراندوم نتیجه ره معدوم نکانن و استقلال جه رسماً منصرف نووئن، وشون جه مذاکره نکانده. عراقی ارتشیون هم همینتی کوردستون سامون سَر تش‌به‌تش کانّه و پیشی شونّه.

۲۹

• نظامی پستون پاسارگاد راه ره دَوِستنه تا مردم کوروش ِغیررسمی روز ِمناسبتی نشوئن اونجه. ۲۹ اکتبر سالگرد روزی هسته که کوروش بابل تمدن ره بَیته ولی مردمون ره شه زندگی هاکردن ِراه وسّه آزاد بی‌یشته و شه منشور ره بنویشت بیارده.