ژوئن ۲۰۲۳

۱

• کوزوو دله صرب‌ها حکومت ره هاپیتنه. اسا صربستان و کوزوو وضع جنگی هسته و اروپای اتحادیه جلسه بشتنه که هارشن ونه چتی بوو.
• ترکمونستون خانه آمریکا جه کومک بیره که «جندم لوش» ره دوندن.

۴

• هند دله د تا قطار هیی ره بخردنه و سیصد نفر آدم بمردنه.

۹

• فرانسه دله اتا سوریه‌ای مردی چنتا وچه ره کارد تِک جه بزو و زخم-زلی هکرده تا وه ره بیتنه.
• کاندای جنگلون تش هایتنه و ونه دی تا آمریکا و نروژ برسی‌یه.

۱۰

• فیروز نادری، ایرانی دانشمند که سال‌ها ناسا دله دیه، بمرده.

۱۱

• چالوس لاییز بمو و کندوان جاده ره خراب هادا. چنتا مله راه دوسته و د تا پل ره بوسه. کشاورزون زمین ره هم رقد بدا.
• ترکیه دله، آنکارا نزدیکی، اتا موشک کارخنه تش دکته و انفجار په اقلا پنج نفر بمردنه.

۱۸

• برلوسکونی، ایتالیایِ سابقِ نخست‌وزیر و تاجر، شه هشتاد و شیش سالگی دله بمرده.

۱۹

• ایسپانیایِ تیم‌ملی موفق بیّه که اروپای کشورون لیگ دله قهرمون بوو. وشون فینال کا دله کرواسی تیم ره پنالتی‌کشی سر بَوِردنه.

۲۳

• اتا جیر-دریایی که شی‌یه تایتانیک ِبقایا ره هارشه، شه گردِ مسافرون جه غرق بیّه و همه بمردنه.
• مازرون باستانی بنائون و کتی‌ئون اکتشافات و نگهداری وسّه اتا تفاهم‌نومه چین خلق جمهوری جه بنویشتنه که وشون بئن اینان کارها ره هاکنن. (مازنی نیوز)

۲۴

• واگنر گروه که روسیه وسه جنگ کردنه، دکل پیی هاکردنه و اسا درنه مسکو وری حمله کننه. پوتین تلویزون دله باته که وشون کار کودتا هسته‌.

۲۵

• بلاروس وساطت هاکرده که واگنر گروه پئی هاکنن و مسکو وَری نشوئن. روسیه هم درعوض قول هدا که وشون رئیس ره مؤاخذه نکنده.
• امیر اخوان، گیلانی شاعر، «مبارزاتی شعر بائوتن» وسّه بازداشت بیّه. (هه‌نگاو)

۳۰

• فرانسه دله اتا پولیس ات نوجوون ریکا ره بکوشته که مقامات داد ره دربیارده و مردم هم هرستانه و شورش راه دمبدانه.