همجنسگرایی اتا از جنسی گرایشا هسه که ونه ویژگی تمایل زیباییشناختی، عشق و جنسی تمایل فردی هسه که تنها موتوجه جنس همگون شه جا بونه.
همجنسگرایی همرا با دِ گرایش دگرجنسگرایی و دِجنسگرایی، سهتا جنسیگرایشِ اصلی ره تشکیل دننه. اتا فردی که جنس دیگر ره گرایش دارنه «دگرجنسگرا» و اونتا فردی که هم جنس دیگر و هم افراد همجنس شه جا ره تمایل دارنه، «دِجنسگرا» گننه.
همجنسگرایانه رفتار، به برقراری رابطهٔ جنسی اتا نفر با شه همجنسِ جا اطلاق بونه. همجنسگرا به افرادی بئوت بونه که ترجیح دننه طولانی مِدَت به جنسی فعالیت با افراد همجنس شه جا بپردازن. سالهای اخیر، سبک زندگی همجنسگرایانۀ توصیف وسه اصطلاح «همجنسخواه» جا استفاده بَییه، زیرا باور بر وه هسه که اینتا اصطلاح نسبت به اصطلاح همجنسگرا بار منفی کمتری دارنه. افراد زنا و مردی که خاننه شه جهتگیری جنسی همجنسگرایانه ره به طور علنی ابراز هاکنن معمولن اصطلاح همجنسخواه جا استفاده کننه. اسا برای اشاره به همجنسگرا مرد وسه از گی که واژهٔ انگلیسی Gay جا بیموئه و همجنسگرایان زن وسه معمولن واژه لزبین یا لِز که واژهٔ انگلیسی Lesbian جا بیموئه استفاده بونه. زبون فارسی دله قبلن همجنسگرایان زن ره «طَبَقزن» گتنه که عمل طَبَقزنی ره اشاره داشته . اینتا اصطلاح اسا زبون فارسی دله به ندرت مورد استفاده قرار گیرنه.
آمریکای روانشناسی انجمن معتقد هسه که براساس اتفاق نظر علوم رفتارشناسی و جامعهشناسی و موتخصصان سلامت و روانی سلامت همجنسگرایی فینفسه نمونهای معمولی و رد نکردنی از اختلاف در گرایشهای جنسی انسان هسه.
ادبیات دله و هنر دله برخی نقاط جهون از زمون بسیار کوهن، شاهد اشاراتی به اینتا پدیده هسمی. ادیان توحیدی همچون یهودیت، اسلام و مسیحیت همجنسگرایی جه موخالفت هاکردهنه هرچن که در اینتا رابطه موتخصصون دینی میون اختلاف نظر وجود دارنه و نمونه وسّه برخی از فرقههای مسیحیت همجنسگرایی ره گنا ندوننه.
تخمین قابل اعتماد تعداد افرادی که همجنسگرا شناخته بوننه و درصدی از مردم که تجربه جنسی با همجنس داشتهنه به دلایل موختلفی پژوهشگران وسّه دشوار هسه. امروزه براساس بیشتر موطالعات در جوامع موختلف بین ۲٪ تا ۱۳٪ افراد جامعه در طول عمر شون شکلی از تماس جنسی با همجنس شون ره تجربه هاکردهنه. همچنین اغلب همجنسگرایان در روابط عاطفی پایدار هسنه. بر اساس موطالعات روانشناختی حس عاطفی همجنسگرایان دله با حس عاطفی موجود دگرجنسگرایان دله برابر هسه و تفاوتی ندارنه. روابط و رفتارهای همجنسگرایانه همونگونه که توسط بعضی مورد ستایش واقع بینه در طول تاریخ بسته به موقعیت، فرهنگ و زمون وقوع، محکوم نیز بیه. از اواخر سالهای ۱۸ میلادی جنبشهایی به منظور شناساندن و بیتن حوقوق قانونی برابر همچون حق ازدواج، اتحاد مدنی، سرپرستی فرزندخوانده، استخدام، خدمت ارتش و دسترسی برابر به خدمات درمانی همجنسگرایان وسّه به وجود بی ئموئه.
This article uses material from the Wikipedia مَزِروني article همجنس گرائی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.