کوردستون کارگرون حزب (کوردی جه: پارتی کرێکارانی کوردستان) که مخففاً پکک بنویشته وونه، اتا چپگرا گروه نوم هسته که مسلحنه و شمالی کوردستون دله درنه.
پارتیا کارکەرێن کوردستان حزب کارگرون کوردستان پکک | |
---|---|
شعار | Kurdistan ve Naman کوردستون یا بمردن |
تاسیس | ۱۹۷۸ |
سرزمین | ترکیه کوردستون |
موسس | عبدالله اوجالان |
رهبرون | جمیل بایک بسه هوزات |
وبگاه | پکک |
وشون خانّه که اتا مستقل دولت، ترکیهی کوردنشین مناطق دله، بساجن. متحد ملل سازمان، اتحادیه اروپا ، آمریکا، ترکیه و ایران این حزب ره تروریستی گروه اعلام هاکاردنه. این حزب دههٔ ۷۰ گادِر، اتا سازمان واری بساته بیّه ولی دههئون ۸۰ و ۹۰ ِاواخر، ترکیهی کوردستون دله، وشون و دولت ِجنگ شروع بیّه.
پکک ایدئولوژی در اصل تلفیق بَیی انقلابی سوسیالیسم و کوردی ناسیونالیسم بییه. این کوردی سازمان، خانه مسلحانه جنگ جه ترکیه جه مبارزه هاکنه تا کوردستون خودمختاری ره بَییره و ویشتر خانه فرهنگی و سیاسی حقوق ره کوردون سه ترکیه دله بَییره.
ترکیه دولت سال ۲۰۰۵ میلادی تاسا چن بار شه سعی ره هاکرده که پکک جه مخفی یا حتی علنی مذاکره هاکنه. این مذاکرات دله همه جه مشهورته «اسلو مذاکره» بییه. این مذاکرات هنتا نتیجه نداشتنه و هردفه اتچی سه صلح و تَشدَوست رِقِد شییه. رجب طیب اردوغان باته که چنبار ونه دستور په این مذاکرات ره پکک جه هاکردنه.
این حزب ِرهبر اتا کوردی هسته که ترکیه ِحکومت جه مخالفه و ونه نوم عبدالله اوجالان هسته که کوردون میون خله هوادار دانّه. وه هم اسا اتا زندان، استامبول پَلی، دره. وه تااسا نزدیک به ۱۰تا کتاب ره زندان دله بنویشته که اتا از وشون ونه دفاعیات هسته و سومر کاهنی دولت جه، دموکراتیک تمدن ِسو بوردن نوم جه پخش بیّه.
اوجالان زندون بورده په، پکک تفکرات خله عوض بیّه. وشون دیگه تجزیهبخا نینه و دموکراتیک کنفدرالیسم بدست بیاردن سَره تلاش دارنه. این ایدئولوژی ره اوجالان زندون دله ماری بوکچین ِکتابون سَر جه بساته.
This article uses material from the Wikipedia مَزِروني article کوردستون کارگرون حزب, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.