ژانویه ۲۰۱۶

۳

• بعد این که عربستون دله اتا شیعه ملّا، شیخ نمر نوم، ره بکاشتنه، بعضی شیعیون شه کشورها دله این کشور ره اعتراض هاکردنه. ایران دله مردم عربستون سفارت و کنسولگری ره حمله هاکردنه و ونه پرچم ره جـِر بیاردنه.

۷

• ایران چن روز بعد اینکه ونه کشور دله عربستون ِسفارت ره حمله هاکردنه، ادعا هاکرده که عربون هم ونه سفارِت ره یمن دله بَکوبِستنه. (یورونیوز )

۹

• اتسری بنیامین نتانیاهو ره خاستنه بکاشن ولی وشون ترور شکست بخارده.

۱۰

• اتا بریتانیایی بازیگر باسم شان پن بورده مکزیک که ال چاپو جه مصاحبه هاکنه که پولیسون بفهمستنه و ونه تعقیب جه بتونستنه آل چاپو که اتا گت قاچاقچی هسته ره بییرن (یورونیوز)

۱۳

• ایران ِسپاه دَه تا آمریکایی ملوان ره اتا جزیره دله دستگیر هاکرده. وشون بائوتنه که خله زود این ملوان‌ها ره آزاد کانّه. (یورونیوز)
• باراک اوباما آخرین دَفه وسّه شه کشور ِکنگره دله گپ بزوئه. (یورونیوز)
• ترکیه دله اتا توریستی منطقه ره داعش حمله هاکرده که دَه نفر این قضیه سَره بمردنه. این حمله‌یِ عامل اتا سوری-سعودی تابع بی‌یه. (یورونیوز)

۱۴

• جاکارتا دله اولین بار وسّه داعش اتا حمله انجام هدا که اقلاً هفت نفر ره بَکاشته.

۱۷

• ایران ِتحریمات ره آمریکا قطع هاکرده. این دِتا کشور بائوتنه که شه زندونیا ره هم عوض بدل کانّه. اتا ایرانی مقام این وسط شوخی-شوخی باته که جدید بالون جه ورگردنّه ایران. ایران بورس ِشاخص هم رکورد بشکنییه.

۱۸

• داعش اتا مَله ره سوریه دله قتل عام هاکرده و نزدیک چارصد نفر ره بَکاشته.

۱۹

• دیوید کامرون، انگلستان ِنخست‌وزیر، بورده مهاجر ِزنان پَلی و وشون ره تهدید هاکرده که ونه انگلیسی زوون ره یاد بَییرِن، اگه‌نا دِ سال په دیپورت وانّه. وه بائوته این کار وسّه بیست میلیون پوند بودجه دَشنی‌یه. (یورونیوز)
• چین خلق جمهوری گانه که ونه اقتصادی رُشد خله کم بیّه. اتی که این بیست و پنج سالی سابقه نداشته. (یورونیوز)

۲۱

• استاد احمد محسن پور، مازرونی خونش‌کر، که چن وقت بی‌یه مریضی داشته و بیمارستون کَب‌بی‌یه، بمرده. (عکس دله/ دریا)

۲۵

• داعش اتا ویدیویی فیلم دله بریتانیایِ دولِت ره تهدید هاکرده که این کشور دله تروریستی حمله انجام دِنه. (یورونیوز)
• پرتغال ِریاست جمهوری ِانتخابات دله، که یکشنبه برگزار بیّه، مارسلو ربلو دو سوسا برنده بیّه. وه راست-میونه جُلگه دله دره. (یورونیوز)

۲۷

• بنیامین نتانیاهو بائوته که بان کی مون، متحد ملل سازمان ِرییس، دَره تروریست جه حمایت کانده و ونه گپون باعث وانه فلسطینی ترورکَرون ِفعالیت ویشته بَوو. بان کی مون وقتی ۱۵۰ هکتار دیگه ره اسراییل رسماً غصب هاکرده، این کشور ِاقدام ره محکوم هاکرد بی‌یه. این غصبی مناطق اردن درکای غربی ساحل (=کرانه باختری رود اردن) شِنه. (یورونیوز)
• حسن روحانی، ایران ِرییس‌جمهور، بورده ایتالیا و کاپیتولین موزه جه رم دله دیدار هاکرده. این دیدار سَره لُخت ِموجستمه‌ئون ره دَپوشی بینه که وه ره وَر نَخاره. وه کاتولیک کلیسایِ پاپ جه هم واتیکان دله دیدار هاکرده. (یورونیوز)

۲۹

• زیکا جنوبی آمریکا دله همه‌گیر بیّه و جهونی بهداشت سازمان بائوته تا آخر سال ۲۰۱۶ شاید تا سه-چار میلیون آدِم آمریکا قاره دله زیکا بَییرِن. (یورونیوز)

۳۰

• ترکیه ادعا کانده که روسیه‌یِ بالون‌ها دِباره ونه سامون جه رَد بَیینه. (یورونیوز)