واتیکان
۰″ ۵۴′ ۴۱°شمالی / ۱۲٫۴۵غرب ۴۱٫۹جنوب / −۱۲٫۴۵;−۴۱٫۹
واتیکان (ایتالیایی جه: Vaticano) اتا پچیک دولت-شهر هسته که کلاً رم ِشهر درون دره و ونه سامونِ گرد-تا-گرد ایتالیا خاک دله هسته. واتیکان اتا مطلقِ سلطنتی حکومت دارنه و پاپ اونجه زندگی کنده که کاتولیک کلیسایِ گتترین مقوم هسته. واتیکان گتی حدود ۰٫۴۴ کیلومتر مربع هسته و دنیایِ پچوک‌ترین کشور هسته. ونه جمیعت هم حدود ۱۰۰۰ نفر هسته و کم‌جمعیت‌ترین کشور دی وونه.
Stato della Città del Vaticano واتیکان | ||||||
|---|---|---|---|---|---|---|
| ||||||
| ملی شعار: درود بر پاپ فرانسیس | ||||||
| ملی سرود: صلح بتترین چیزه | ||||||
 | ||||||
| نیشتنگا (و گتترین شهر) | واتیکان سیتی غربی′۲۷°۱۲ شمالی′۵۴°۴۱ / عبارتون خطا: < ِعملگر اَمه وسّه آشنا نی‌یه ۴۱٫۹جنوب | |||||
| رسمی زوون | ایتالیایی (کشور وسه) لاتین زوون (مقدس تخت وسه) | |||||
| حکومت ِنوع | انتخابی سلطنت و تئوکراسی (پاپ حکومت) | |||||
| حاکمون نوع نهاد مستقل • پاپ • وزیرخارجه • رئیس دولت | سریر مقدس پاپ فرانسیس پیترو پارولین جوزپه برتلو | |||||
| موارد منجر به تشکیل معاهده لارن | ۱۱ فوریه ۱۹۲۹ | |||||
| گتی | ||||||
| - | گتی | ۰/۴۴کیلومتر مربع (۲۲۶) | ||||
| - | ئو (٪) | ۰٪ | ||||
| جمعیت | ||||||
| - | سرشماری | ۴۵۳ نفر (۱۹۵) | ||||
| - | جمعیت انبسی | ۹۲۴/km۲ (۱۲) | ||||
| جی‌دی‌پی | (تخمین ۲۰۱۳) | |||||
| - | مجموع | ۳۱۱میلیون دلار (نامعلوم) | ||||
| - | سرانه | ۳۴٬۷۶۶ (نامعلوم) | ||||
| اچ‌دی‌آی (۲۰۱۳) | نامعلوم (نامعلوم) (نامعلوم) | |||||
| پول یکا | یورو (EUR) | |||||
| زمونی منطقه | CET (جهونی ساعت+۱) | |||||
| - | تابستونی (DST) | CEST (جهونی ساعت) | ||||
| اینترنتی دامنه | .va | |||||
| تلفن پیش‌شماره | +۳۷۹+ | |||||
.svg)
اون گدر که مسیحیت ِدین دنیا دله تنک-ترو بی‌یه، حواریون دکلستنه روم امپراتوری دله تا شه وسّه په‌روون جذب هاکنن. سنت پیتر اتا حواری بی‌یه که بمو رمِ شهر دله و اینجه وه ره بکوشتنه و ونه بمردی‌جا سر کلیسا بساته بیّه. واتیکان نماد که دِتا طلایی و نقره‌ای کلید هسته، اتا آسنی و داستان ره سِراق دنه که سن پیتر معنوی و دینی حاکمیت ره عیسی مسیح جه بیته و ای گت کنستانتین رمِ شهرِ حکومتِ کلید ره هم وه ره هادا؛ همینسه پاپ ونه هم مذهبی و هم دولتی قدرت ره سر بائه. زمونی که رومِ امپراتوری مسیحی بیّه، رمِ شهرِ اسقف‌هنیشت همینجه که سن پیترِ مقوم بی‌یه، کاتولیکِ مذهبِ مرکز بیّه. قرون وسطا دله امپراتوری تیکه-تیکه بیّه و ایتالیایِ کشور هم چن‌تیکه بی‌یه و اتا واحدِ حکومت نداشته و هر منطقه‌ای شه وسّه حکومت داشتنه که بعضی‌شون جمهوری و بعضی‌شون سلطنتی بینه. خله مناطق ونه میونی بنه، پاپی ایالتون ِحکومت دله قرار داشتنه که پاپ وشون سره مستقیماً سلطنت کرده. زمونی که ایتالیا دله انقلاب راه هکته و کشور ات‌دست بیّه، پاپی ایالتون ره سردخاتنه و ونه قدرت ره بشکنینه و پاپ ره ونه کلیسا دله محاصره هکردنه ولی ونه دینی مقوم باعث بی‌یه که ترسینه وه ره تن دکفن. واتیکان کشور زمونی رسماً کشور بیّه که سال ۱۹۲۹ مقدسِ تختِ نهاد و بنیتو موسولینی (ایتالیا نخست‌وزیر) توافق هکردنه.
واتیکان و مقدس تخت دِتا نزدیک و مرتبط نهاد هستنه ولی اتا نینه؛ مقدسِ تخت اسقف‌هنیشتی هسته که واتیکان دله دره و پاپ واتیکانِ سراسقف هسته که مقدسِ تختِ مقوم ره دارنه ولی واتیکان اتا رسمی دولت هسته که کشورون برسمیت اشناسنّه. مقدسِ تختِ تاریخ تا مسیحیت ِاولین قرن جه رسنه ولی واتیکان مودرنِ دوره شنه. سفارت‌خنه‌ئون و نماینده‌ئونی که اینجه دارنه، مقدسِ تختِ اسم ره دارنه؛ نا واتیکان‌ئه. واتیکانِ مصوبات و اداری نومه‌ها ره ایتالیایی زوون نویسنّه ولی مقدسِ تختِ رسمی زوون هنتا لاتین زوون هسته. وشون دِتایِ پاسپورت هم دکّل فرق کنده. سن پیر کلیسا که دنیایِ گتترین کلیسا هسته، واتیکان دله قرار دارنه.
پانویس
شابلون:مطلقه سلطنتون شابلون:کاتولیک کلیسا شابلون:پاپون شابلون:داده‌های کتابخانه‌ای
This article uses material from the Wikipedia مَزِروني article واتیکان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.