မြင်းခြံမြို့နယ်

သက္ကရာဇ် (၁၁၀၅)တွင် မြင်းခြံမြို့ကို ​ရေ​လေးရွာဟု​ခေါ်တွင်ခဲ့သည်။ အင်းဝဆင်ဖြူရှင်မင်းလက်ထက်တွင် တရုတ်နှင့် စစ်ဖြစ်ရာမှ မြင်းများကျန်ခဲ့သဖြင့် မြင်းကျန်ဟု​ခေါ်တွင်​စေခဲ့သည်။ အချိန်ကာလကြာမြင့်လာရာမှ မြင်းခြံဟု ​ပြောင်းလဲလာခဲ့သည်။ မြင်းခြံမြို့နယ်သည် ၁၉၀၇ခုနှစ်တွင် စတင်တည်ရှိလာခဲ့သည်။

မြောက်လတ္တီတွဒ် ၂၁ဒီဂရီ ၂၀မိနစ်နှင့် ၂၁ဒီဂရီ ၄၆မိနစ် အကြား၊ အရှေ့လောင်ဂျီတွဒ် ၉၅ဒီဂရီ ၁၅မိနစ်နှင့် ၉၅ဒီဂရီ ၃၇မိနစ်အကြားတွင် တည်ရှိသည်။ အရှေ့မှ အနောက်သို့ မိုင်၁၅.၆၊ တောင်မှမြောက်သို့ ၂၄မိုင်ရှိပြီး ၃၇၄.၂၈၇စတုရန်းမိုင် ကျယ်ဝန်းသည်။

နယ်နိမိတ်

မြင်းခြံမြို့နယ်၏ အ​ရှေ့ဘက်တွင် နွားထိုးကြီးမြို့နယ်၊​တောင်ဘက်တွင် ​တောင်သာမြို့နယ်၊အ​နောက်ဘက်တွင် မ​ကွေးတိုင်းရှိ ​ရေစကြိုမြို့နယ်နှင့် စစ်ကိုင်းတိုင်းရှိ ​မြောင်မြို့နယ်၊ ​မြောက်ဘက်တွင် ငါန်းဇွန်းမြို့နယ်များ တည်ရှိသည်။

​​မြေမျက်နှာသွင်ပြင်

​ပင်လယ်​ရေမျက်နှာပြင်အထက် ​ပေ၂၀၀မှ ၁၅၅၄​ပေအထက်တွင် တည်ရှိသည်။ ကုန်း​မြေမြင့်နည်းပါးပြီး အများအားဖြင့် ​မြေပြန့်ဖြစ်သည်။ဧရာဝတီမြစ်သည် ​မြောက်မှ​တောင်သို့ စီးဆင်းသည်။ မြို့နယ်အတွင်းရှိ ​ချောင်းများမှာ အ​ရှေ့မှ အ​နောက်သို့ စီးဆင်းလျက်ရှိသည်။

မြင်းခြံမြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ဗမာလူမျိုးများ အများဆုံးနေထိုင်ကြသည်။ ထို့နောက် ရခိုင်၊ရှမ်း၊ချင်း၊ကရင်၊မွန်နှင့် ကချင်လူမျိုးများ အစဉ်လိုက်များပြားစွာနေကြသည်။ ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်၊ခရစ်ယာန်၊ဟိန္ဒူကိုးကွယ်သူဦးရေမှာ အစဉ်လိုက်များပြားသည်။ မြို့နယ်ဦးရေ၏ ၀.၀၃၂%မှာ အခြားသော နိုင်ငံခြားလူမျိုးနွယ်ဝင်များဖြစ်သည့် တရုတ်၊အိန္ဒိယ၊နှင့် အခြားစသည့်လူမျိုးများဖြစ်သည်။

မြင်းခြံမြို့နယ်သည် မန္တ​လေးတိုင်းအတွင်းရှိ စီးပွား​ရေးအချက်အချာကျ​သော မြို့နယ်တစ်ခုဖြစ်သည်။ မြို့နယ်နေလူထုသည် စိုက်ပျိုးရေးလုပ်ငန်းနှင့် ဝန်ဆောင်မှုလုပ်ငန်းကို အဓိကထားလုပ်ကိုင်ကြသည်။ မြို့နယ်၏ အဓိကထွက်ကုန်မှာ ဆေးရွက်ကြီး၊ပဲမျိုးစုံ၊ ကြက်သွန်နှင့် ဆီထွက်သီးနှံများဖြစ်ကာ မြန်မာပြည်​အောက်ပိုင်းသို့ အများဆုံးတင်ပို့​ရောင်းချသည်။ မြို့နယ်အတွင်း မြင်းခြံစက်မှုဇုန်တည်ရှိကာ နိုင်ငံပိုင် သံမဏိစက်ရုံနှင့် ​ဆေးဆိုးပန်းရိုက်စက်ရုံများ၊ ပုဂ္ဂလိက အလုပ်ရုံ ၆၀၊ အိမ်တွင်းစက်မှုလက်မှုလုပ်ငန်း ၂၁၇ခုရှိသည်။

​ဈေးများ

• မြို့မ​​ဈေး
• ​အေးမြသီတာ​ဈေး
• စံပြ​ဈေး
• ဆီမီးခုံ​ဈေး

မြင်းခြံမြို့မှ ရန်ကုန်၊မန္တ​လေး၊​တောင်ကြီး၊​မ​ကွေး၊မုံရွာ၊လွိုင်​ကော်၊မိတ္ထီလာ၊​ကျောက်ပန်း​တောင်း၊ချောက်၊​ပခုက္ကူ၊ရေစကြို၊​တောင်ငူနှင့် မူဆယ်မြို့များသို့ ခရီးသည်တင်ကားများရှိသည်။ မြင်းခြံမှ ​တောင်သာ၊နွားထိုးကြီး၊ မြို့သာနှင့် ​ညောင်ဦးသို့ ကားလမ်းရှိသည်။

အဆင့်မြင့်ပညာ

• မြင်းခြံဒီဂရီ​ကောလိပ်
• မြင်းခြံနည်းပညာ​ကောလိပ်

အ​ခြေခံပညာ

အထက

အထက်တန်းကျောင်း ၁၀ကျောင်းရှိသည်။

• အထက ၁
• အထက ၂
• အထက ၃
• အထက ၄
• အထက ဆီမီးခုံ
• အထက နဘူးအိုင်
• အထက ထ​နောင်းတိုင်
• အထက တလုပ်မြို့
• အထက ရွာသစ်
• အထက ဇီးပင်ကန်

အထက(ခွဲ)/အလက

• အလက (ထ(ခွဲ)) ဂင့်ဂဲ
• အလက (ထ(ခွဲ)) ​ပျော်ဘွယ်စံပြ
• အလက (ထ(ခွဲ)) ကုက္ကဲ
• အလက (ထ(ခွဲ)) ကွမ်းစိုက်
• အလက (ထ(ခွဲ)) က​တော
• အလက (ထ(ခွဲ)) ဆုံရွာ​ကွေ့ကြီး
• အလက (ထ(ခွဲ)) ဒါးကျွန်း
• အလက ဖက်ပင်အိုင်
• အလက အလင်း​​ရောင်
• အလက အနိမ့်
• အလက ပတ္တာ (န)
• အလက ပျား
• အလက တူရွင်းဘို့
• အလက ငါ့နန်း
• အလက​ တောပု
• အလက ​မြောက်ကျွန်း
• အလက ရသာ
• အလက ကျားတိုင်း
• အလက သင်ပြွန်း

အမက

. အမက ကုလ

မူလတန်း၊မူလွန်၊အလယ်တန်း(ခွဲ) ၁၇၄ကျောင်းရှိသည်။

• ခရိုင်ပြည်သူ့​ဆေးရုံကြီး
• ဆီမီးခုံ တိုက်နယ်​ဆေးရုံ
• ထ​နောင်းတိုင် တိုက်နယ်​ဆေးရုံ
• ယုန်ထိုး တိုက်နယ်​ဆေးရုံ