लॉस एंजेलस (इंग्लिश: Los Angeles; उच्चार ; रूढ संक्षेपः एल.ए.
(LA)) हे अमेरिकेची संयुक्त संस्थाने देशाच्या कॅलिफोर्निया राज्यातील सर्वांत मोठे व अमेरिकेमधील दुसऱ्या क्रमांकाचे शहर (न्यू यॉर्क शहराखालोखाल) आहे. कॅलिफोर्नियाच्या दक्षिण भागात प्रशांत महासागराच्या किनाऱ्यावर ८७,४९० वर्ग किमी एवढ्या विस्तृत परिसरात वसलेल्या लॉस एंजेलस महानगर क्षेत्रामध्ये सुमारे १.७८ कोटी लोक वास्तव्य करतात.
लॉस एंजेलस Los Angeles | |||
अमेरिकामधील शहर | |||
| |||
देश | अमेरिका | ||
राज्य | कॅलिफोर्निया | ||
स्थापना वर्ष | इ.स. १८५० | ||
महापौर | अँटोनिओ व्हिलारायगारोसा | ||
क्षेत्रफळ | १,२९०.६ चौ. किमी (४९८.३ चौ. मैल) | ||
समुद्रसपाटीपासुन उंची | २३३ फूट (७१ मी) | ||
लोकसंख्या | |||
- शहर | ३७,९२,६२१ | ||
- घनता | ३,१६८ /चौ. किमी (८,२१० /चौ. मैल) | ||
प्रमाणवेळ | यूटीसी - ८:०० | ||
http://www.lacity.org |
दक्षिण कॅलिफोर्नियाचे आर्थिक, सांस्कृतिक व शैक्षणिक केंद्र असलेल्या लॉस एंजेलस महानगराची अर्थव्यवस्था २००८ साली ८३१ अब्ज डॉलर्स इतकी होती. ह्या बाबतीत लॉस एंजेलसचा जगात न्यू यॉर्क महानगर व टोकियो महानगरांखालोखाल तिसरा क्रमांक लागतो. लॉस एंजेलस जगातील तिसऱ्या क्रमांकाचे श्रीमंत व पाचव्या क्रमांकाचे बलाढ्य शहर मानले जाते. येथील हॉलिवूड ह्या उपनगरामध्ये जगातील सर्वात मोठा सिनेउद्योग कार्यरत आहे ज्यामुळे लॉस एंजेलसला जगाची मनोरंजन राजधानी हा खिताब दिला जातो.
लॉस एंजेलस महानगर १,२९०.६ किमी२ इतक्या विस्तारात पसरलेले आहे
लॉस एंजेलसमधील हवामान रुक्ष व उष्ण आहे. येथे वर्षातून सरासरी केवळ ३५ दिवस पाऊस पडतो. उन्हाळ्यादरम्यान येथील कमाल तापमान बरेच वेळा ४० से पेक्षा अधिक असते. आजवरचे विक्रमी कमाल तापमान ४५ से. २७ सप्टेंबर २०१० रोजी नोंदविले गेले.
लॉस एंजेलस (दक्षिण कॅलिफोर्निया विद्यापीठ परिसर) साठी हवामान तपशील | |||||||||||||
---|---|---|---|---|---|---|---|---|---|---|---|---|---|
महिना | जाने | फेब्रु | मार्च | एप्रिल | मे | जून | जुलै | ऑगस्ट | सप्टें | ऑक्टो | नोव्हें | डिसें | वर्ष |
सरासरी कमाल °फॅ (°से) | 68.1 (20.1) | 69.6 (20.9) | 69.8 (21) | 73.1 (22.8) | 74.5 (23.6) | 79.5 (26.4) | 83.8 (28.8) | 84.8 (29.3) | 83.3 (28.5) | 79.0 (26.1) | 73.2 (22.9) | 68.7 (20.4) | 75.6 (24.2) |
दैनंदिन °फॅ (°से) | 58.3 (14.6) | 60.0 (15.6) | 60.7 (15.9) | 63.8 (17.7) | 66.2 (19) | 70.5 (21.4) | 74.2 (23.4) | 75.2 (24) | 74.0 (23.3) | 69.5 (20.8) | 62.9 (17.2) | 58.5 (14.7) | 66.2 (19) |
सरासरी किमान °फॅ (°से) | 48.5 (9.2) | 50.3 (10.2) | 51.6 (10.9) | 54.4 (12.4) | 57.9 (14.4) | 61.4 (16.3) | 64.6 (18.1) | 65.6 (18.7) | 64.6 (18.1) | 59.9 (15.5) | 52.6 (11.4) | 48.3 (9.1) | 56.6 (13.7) |
सरासरी पर्जन्य इंच (मिमी) | 3.33 (84.6) | 3.68 (93.5) | 3.14 (79.8) | 0.83 (21.1) | 0.31 (7.9) | 0.06 (1.5) | 0.01 (0.3) | 0.13 (3.3) | 0.32 (8.1) | 0.37 (9.4) | 1.05 (26.7) | 1.91 (48.5) | 15.14 (384.7) |
सरासरी पावसाळी दिवस (≥ 0.01 inch) | 6.5 | 6.0 | 6.4 | 3.0 | 1.3 | 0.6 | 0.3 | 0.5 | 1.2 | 2.0 | 3.1 | 4.3 | 35.2 |
महिन्यामधील सूर्यप्रकाशाचे तास | 225.3 | 222.5 | 267.0 | 303.5 | 276.2 | 275.8 | 364.1 | 349.5 | 278.5 | 255.1 | 217.3 | 219.4 | ३,२५४.२ |
स्रोत: NOAA |
लॉस एंजेलस शहराने १९३२ व १९८४ ह्या दोन उन्हाळी ऑलिंपिक स्पर्धांचे आयोजन केले होते. तसेच १९९४ फिफा विश्वचषकातील अंतिम फेरीचा सामना येथील पसाडिना शहरात खेळवण्यात आला होता. खालील चार व्यावसायिक संघ लॉस एंजेलस महानगरामध्ये स्थित आहेत.
संघ | खेळ | लीग | स्थान | स्थापना |
---|---|---|---|---|
लॉस एंजेलस लेकर्स | बास्केटबॉल | नॅशनल बास्केटबॉल असोसिएशन | स्टेपल्स सेंटर | १९४९ |
लॉस एंजेलस क्लिपर्स | बास्केटबॉल | नॅशनल बास्केटबॉल असोसिएशन | स्टेपल्स सेंटर | १९८४ |
अॅनाहाइम डक्स | आइस हॉकी | नॅशनल हॉकी लीग | होंडा सेंटर | १९९३ |
लॉस एंजेलस किंग्ज | आइस हॉकी | नॅशनल हॉकी लीग | स्टेपल्स सेंटर | १९६७ |
लॉस एंजेलस डॉजर्स | बेसबॉल | मेजर लीग बेसबॉल | डॉजर पार्क | १९५८ |
लॉस एंजेलस एंजल्स ऑफ अॅनाहाइम | बेसबॉल | मेजर लीग बेसबॉल | एंजल्स स्टेडियम ऑफ अॅनाहाइम | १९६१ |
विकिमीडिया कॉमन्सवर खालील विषयाशी संबंधित संचिका आहेत: |
This article uses material from the Wikipedia मराठी article लॉस एंजेलस, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). इतर काही नोंद केली नसल्यास,येथील मजकूर CC BY-SA 4.0च्या अंतर्गत उपलब्ध आहे. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मराठी (DUHOCTRUNGQUOC.VN) is an independent company and has no affiliation with Wiki Foundation.