ლოს-ანჯელესი, კუნტათ ელ-ეი (LA), ანგელოზეფიშ ნოღა — ნოღა კალიფორნიას.
მახორობათ ააშ-შ სიდიდათ მაჟირა ნოღა რე ნიუ-იორკიშ უკული. ნოღაშ სტატუსიქ მიაჩუ1850 წანაშ 4 პირელს დო თე ჯოხოდვალათ ქაუნთიშ ადმ. ცენტრიე. 2000 წანაშ ცენზიშ მიკოჯინათ თიში მახორობა აკმადგინანდჷ 3,69 მილიონს, მარა 2004 წანაშ 1 კვირკვეშ ეჭარუათ ნოღაშ მახორობაქ 3,85 მილიონშა მიანჭუ, ქაუნთიშ ედომიშ 10 მილიონი მახორუშე. ნოღა ობჟათე კალიფორნიაშ ურბანული აგლომერაციეფიშ ცენტრი დო უშანულამაშ ნორთიე. თიში ფართობი 1200 კვ.კმ, მუთ თინა ნიუ-იორკის დო ჩიკაგოს გინოძჷ.
ლოს-ანჯელესი ქიანაშ ართ-ართი კულტურული, ეკონომიკური, ომენცარე დო ართუაფაშ ცენტრიე. ნოღა თაშნეშიშე მოსოფელიშ ართ-ართი არძაშე კოსმოპოლიტი აბანიე, თეშ მუჭოთ ქიმერონიშ ავანგარდი, სოდგათ დუს ეკმიკოროცხანს მოსოფელიშ ფაქტიურო არძა ერიშ წჷმმარინაფალი. თაქ მულირ ადამიერეფს ირო ოჰამუდჷ ნოღაშ ჰამო კლიმატი, შურდგჷმილი რინაშ რიტმი, უდიდაში ენერგია, რჩქალ ოკიანეშა თარი ინმალუშ სტატუსი დო ”ამერიკული ოცნებაშ” გოხორციალაფაშ მეშქაშალეფი. 1932 დო 1984 წანეფს, ლოს-ანჯელესი ოლიმპიურ ლაჸაფეფს მენძელენდუ. ლოს-ანჯელესიშ არძაშე კრიმინალური საგანოეფიე Compton-ი Watts-ი დო inglewood-ი დო არძაშე კრიმინალური ბუნა Bloods-ი.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ლოს-ანჯელესი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.