१९४८ मराठी संशोधन मंडळ, मुंबई

देशमुख">चिंतामण द्वारकानाथ देशमुख आणि अनंत काकबा प्रियोळकर यांच्या प्रेरणेने व मुंबई मराठी ग्रंथसंग्रहालयाच्या पुढाकाराने, १ फेब्रुवारी १९४८ रोजी स्थापन झालेली संस्था आहे.

१९४६ साली बाळशास्त्री जांभेकर यांच्या शतसांवत्सरिक पुण्यतिथीच्या निमित्ताने प्रा. प्रियोळकरांनी मराठी संशोधन मंडळाची कल्पना मांडली. त्यावेळचे मुंबई राज्याचे पहिले मुख्यमंत्री बाळासाहेब खेर यांनी सरकारी साहाय्याचे आश्वासन दिल्यानंतर मुंबई मराठी ग्रंथसंग्रहालयाने पुढाकार घेतला आणि संशोधन कार्यासाठी पुढे पाऊल टाकले. भा. वि. वरेरकर, अनंत हरी गद्रे, अनंत काकबा प्रियोळकर, वा. वि. भट आणि दि. पु. धुपकर यांचे शिष्टमंडळ बाळासाहेब खेरांना भेटले आणि १ फेब्रुवारी १९४८ रोजी संग्रहालयाने ‘मराठी संशोधन मंडळ’ स्थापन केले.

मराठी संशोधन पत्रिका

साहित्य संस्कृती मंडळामार्फत 'मराठी संशोधन पत्रिके'साठी मराठी संशोधन मंडळास महाराष्ट्र शासनाचे अनुदान मिळते. त्याशिवाय मुंबई मराठी ग्रंथसंग्रहालयाचे काही अनुदानही संस्थेस प्राप्त होते.