അമേരിക്കൻ ഐക്യനാടുകളുടെ ഇരുപത്തിയാറാമത്തെ പ്രസിഡന്റായിരുന്നു തിയോഡോർ റൂസ്വെൽറ്റ് (ഒക്ടോബർ 27, 1858 – ജനുവരി 6, 1919).
എഴുത്തുകാരൻ, വേട്ടക്കാരൻ, പര്യവേക്ഷകൻ എന്നീ നിലകളിലും പ്രശസ്തനായ ഒരു ബഹുമുഖപ്രതിഭയായിരുന്നു ടെഡി റൂസ്വെൽറ്റ്. റിപ്പബ്ലിക്കൻ പാർട്ടിയുടെ നേതാവായിരുന്ന ഇദ്ദേഹം 1901-ൽ തന്റെ 42-ആം വയസ്സിൽ പ്രസിഡന്റായി. അമേരിക്കയുടെ ചരിത്രത്തിലെ ഏറ്റവും പ്രായം കുറഞ്ഞ പ്രസിഡന്റ് എന്ന ബഹുമതി ഇന്നും തിയോഡോർ റൂസ്വെൽറ്റിനു തന്നെ. റഷ്യ-ജപ്പാൻ യുദ്ധം അവസാനിപ്പിക്കുവാൻ നടത്തിയ ശ്രമങ്ങളെ പരിഗണിച്ച് സമാധാനത്തിനുള്ള നോബൽ സമ്മാനം നൽകപ്പെട്ടു. ആദ്യമായി നോബൽ സമ്മാനം നേടിയ അമേരിക്കക്കാരൻ ഇദ്ദേഹമാണ്.
തിയോഡോർ റൂസ്വെൽറ്റ് Theodore Roosevelt | |
---|---|
അമേരിക്കൻ ഐക്യനാടുകളുടെ 26ആം പ്രസിഡന്റ് | |
ഓഫീസിൽ സെപ്റ്റംബർ 14, 1901 – മാർച്ച് 4, 1909 | |
Vice President | ചാൾസ് ഫെയർബാങ്ക്സ് |
മുൻഗാമി | വില്യം മക്കിൻലി |
പിൻഗാമി | വില്യം ഹോവാർഡ് റ്റാഫ്റ്റ് |
അമേരിക്കൻ ഐക്യനാടുകളുടെ 25ആം വൈസ്-പ്രസിഡന്റ് | |
ഓഫീസിൽ മാർച്ച് 4, 1901 – സെപ്റ്റംബർ 14, 1901 | |
രാഷ്ട്രപതി | വില്യം മക്കിൻലി |
മുൻഗാമി | Garret Hobart |
പിൻഗാമി | Charles Fairbanks |
33rd Governor of New York | |
ഓഫീസിൽ January 1, 1899 – December 31, 1900 | |
Lieutenant | Timothy Woodruff |
മുൻഗാമി | Frank Black |
പിൻഗാമി | Benjamin Odell |
Assistant Secretary of the Navy | |
ഓഫീസിൽ April 19, 1897 – May 10, 1898 | |
രാഷ്ട്രപതി | William McKinley |
മുൻഗാമി | William McAdoo |
പിൻഗാമി | Charles Allen |
വ്യക്തിഗത വിവരങ്ങൾ | |
ജനനം | New York City, New York, U.S. | ഒക്ടോബർ 27, 1858
മരണം | ജനുവരി 6, 1919 Oyster Bay, New York, U.S. | (പ്രായം 60)
രാഷ്ട്രീയ കക്ഷി | Progressive Party (1912–1916) |
മറ്റ് രാഷ്ട്രീയ അംഗത്വം | Republican Party (Before 1912) |
പങ്കാളികൾ | Alice Lee (1880–1884) Edith Carrow (1886–1919) |
കുട്ടികൾ | Alice Theodore Kermit Ethel Archie Quentin |
അൽമ മേറ്റർ | Harvard University Columbia University |
തൊഴിൽ | Author Historian Explorer Conservationist Civil servant |
അവാർഡുകൾ | Nobel Peace Prize (1906) Medal of Honor (Posthumously; 2001) |
ഒപ്പ് | |
Military service | |
Branch/service | United States Army |
Years of service | 1898 |
Rank | Colonel |
Commands | 1st United States Volunteer Cavalry |
Battles/wars | Spanish-American War • Battle of Las Guasimas • Battle of San Juan Hill |
1858 ഒക്റ്റോബർ 27-ന് ന്യൂയോർക്ക് നഗരത്തിൽ തിയോഡോർ റൂസ്വെൽറ്റ് സീനിയർ-മാർത്താ "മിറ്റി" ബുള്ളക്ക് ദമ്പതികളുടെ നാലു മക്കളിൽ രണ്ടാമനായി ജനിച്ചു. തിയോഡോറിന് ഒരു ചേച്ചിയും (അന്നാ "ബാമി" റൂസ്വെൽറ്റ്) ഒരു അനുജനും (എലിയറ്റ് ബുള്ളക്ക് റൂസ്വെൽറ്റ്) ഒരു അനുജത്തിയും(കോറിൻ റൂസ്വെൽറ്റ്) ഉണ്ടായിരുന്നു. ആസ്ത്മ തുടങ്ങിയ രോഗപീഡകളാൽ ക്ലേശകരമായ ഒരു ബാല്യമായിരുന്നു. മിക്കപ്പോഴും കട്ടിലിൽ തല ഉയർത്തി വച്ചും കസേരയിൽ ഇരുന്നും ഉറങ്ങേണ്ടി വന്നു. ഈ കഷ്ടതകളിലും കുസൃതിയും സ്ഥിരോൽസാഹിയുമായിരുന്നു. ഏഴാം വയസ്സിൽ ഒരു ചന്തയിൽ വച്ചു കണ്ട കടൽസിംഹത്തിന്റെ ശവം അദ്ദേഹത്തെ ജീവിതകാലം മുഴുവൻ ജന്തുശാസ്ത്രത്തിൽ തൽപ്പരനാക്കി. അതിന്റെ തലയുമായി "റൂസ്വെൽറ്റ് മ്യൂസിയം ഓഫ് നാച്ചുറൽ ഹിസ്റ്ററി" ആരംഭിച്ചു. ഒമ്പതാം വയസ്സിൽ ഷഡ്പദങ്ങളെ നിരീക്ഷിച്ച് വിവരങ്ങൾ ക്രോഡീകരിച്ച് "ദി നാച്ചുറൽ ഹിസ്റ്ററി ഓഫ് ഇൻസെക്റ്റ്സ്" എന്ന തലക്കെട്ടിൽ ഒരു പേപ്പർ എഴുതി. പിതാവിന്റെ പിന്തുണയോടെ തന്റെ ശാരീരികക്ഷമത മെച്ചപ്പെടുത്താൻ വ്യായാമമുറകളും ബോക്സിംഗും പരിശീലിച്ചു. തന്റെ കുടുംബവുമൊത്ത് നടത്തിയ യൂറോപ്പ് യാത്രയും (1869,1870) ഈജിപ്റ്റ് യാത്രയും (1872 - 1873) അദ്ദേഹത്തെ വളരെയധികം സ്വാധീനിച്ചു.
This article uses material from the Wikipedia മലയാളം article തിയോഡോർ റൂസ്വെൽറ്റ്, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.