Средоземни Игри: меѓународно повеќеспортско натпреварување

Земјите-учеснички мора да бидат дел од средоземната цивилизација. Овој настан го предложил Мохамед Тахер-паша, кој бил претседател на Олимпискиот комитет на Египет за време на Летните олимписки игри 1948. Првите Средоземни игри се одржале во 1951 г. во Александрија, еден од најголемите градови на Египет. Првите 10 игри се одржувале една година пред Олимписките игри, но во 1991 било одлучено игрите да се одржуваат една година по Олимписките игри.

Средоземни игри

Знаме на игрите
Плакат за I Средоземни игри во Александрија, 1951 г.
Први	1951 (Александрија, Египет)
Честота	на 4 години
Последни	2018, Тарагона, Шпанија
Цел	спортови во Средоземјето
Претседател	Амар Адади (Алжир)
Мреж. место	МКСИ

Македонија за првпат почнала да учествува на XVII Средоземни игри во Мерсин, 2013 г.

Првите Средоземни игри

Првите Средоземни игри се одржале во месец октомври во 1951 г. во Александрија, во чест на Мохамед Тахер-паша, кој ја изнел идејата за овој настан. На настанот учествувале 734 спортисти од 10 земји, кои настапиле во 13 спортови. Веќе на вторите игри, кои се одржале во 1955 г. Во Барселона е основано контролно тело, кое ги надгледува натпреварувачите во сите натпревари и врши анти-допинг контрола. На 16 јуни 1961 г., ова тело го добило своето официјално име: Службен одбор на Средоземните игри (француски: Comité International des Jeux Méditerranéens).

Врховно тело

Средоземните игри, како спортски настан кој се одржува секои четири години има углед на најголем спортски настан околу Средоземното Море. Настанот предизвикува голем интерес кај земји од три континенти: Европа, Африка и Азија. Специфичноста на овие игри е способноста на малите земји да освојат медал. Нема ниту една држава, чиј претставник не освоил барем еден медал, па дури и држави како Либан и Сан Марино освоиле медал. Покрај спортот, идеологијата на овој настан се заснова и на создавање на можност за мирна и праведна соработка на спортистите од трите континенти.

Игрите се одржуваат под покровителство на Меѓународниот олимписки комитет, но за нивното одржување е одговорен Грчкиот олимписки комитет. Седиштето на Одборот на Средоземните игри се наоѓа во Атина, а секретарот мора да биде Грк. Обврските, кои Грција ги има како еден од главните организатори на Средоземните игри се исполнува и со напорите на Владата на Грција, која инвестира во развојот на игрите.

Лого

Официјалното лого на Средоземните игри, кои се нарекуваат Средоземни олимписки игри се состои од три круга, кои ги симболизираат трите континенти, чии земји се натпреваруваат. Круговите се одржуваат во сината позадина, која го симболизира морето површина сино. За време на церемонијата на затворање на игрите, знамето се предава на претставник од земјата-домаќин на следните Средоземни игри.

Земји-учеснички

 

На игрите тековно учествуваат вкупно 26 земји:

• Африка: Алжир, Египет, Либија, Мароко и Тунис
• Азија: Либан и Сирија.
• Европа: Албанија, Андора, Босна и Херцеговина, Хрватска, Грција, Италија, Кипар, Косово, Македонија, Малта, Монако, Португалија, Сан Марино, Словенија, Србија, Турција, Франција, Црна Гора и Шпанија.

Единствена земја, чие уество ѝ е дозволено, а не учествува е Израел. Иако географски не припаѓаат на Средоземјето, некои земји како на пример Македонија, Португалија, Србија, Андора и Сан Марино, кои веќе учествуваат може да влијае на игрите да учествуваат и некои арапски земји.

Градови-домаќини

Назив	Година	Место	Земја
I Средоземни игри	1951	Александрија	Египет
II Средоземни игри	1955	Барселона	Шпанија
III Средоземни игри	1959	Бејрут	Либан
IV Средоземни игри	1963	Неапол	Италија
V Средоземни игри	1967	Тунис	Тунис
VI Средоземни игри	1971	Измир	Турција
VII Средоземни игри	1975	Алжир	Алжир
VIII Средоземни игри	1979	Сплит	СФР Југославија
IX Средоземни игри	1983	Казабланка	Мароко
X Средоземни игри	1987	Латакија	Сирија
XI Средоземни игри	1991	Атина	Грција
XII Средоземни игри	1993	Лангдок-Русијон	Франција
XIII Средоземни игри	1997	Бари	Италија
XIV Средоземни игри	2001	Тунис	Тунис
XV Средоземни игри	2005	Алмерија	Шпанија
XVI Средоземни игри	2009	Пескара	Италија
XVII Средоземни игри	2013	Мерсин	Турција
XVIII Средоземни игри	2018	Тарагона	Шпанија
XIX Средоземни игри	2022	Оран	Алжир

На игрите затапени се вкупно 33 спортови.

Спорт Воведен   Стреличарство 1971   Атлетика 1951   Бадминтон 2013   Кошарка 1951   Одбојка на плажа 2005   Боќање 1997   Бокс 1951   Кајакарство 1979   Велосипедизам 1955   Скокови во вода 1951   Коњички спортови 1955

Спорт Воведен   Мечување 1951   Хокеј на трева 1955   Фудбал 1951   Голф 1983   Гимнастика 1951   Ракомет 1967   Џудо 1971   Карате 1993  Хокеј на ролшуи 1955   Веслање 1951   Рагби 1955

Спорт Воведен   Едрење 1955   Стрелаштво 1951   Пливање 1951   Пинг-понг 1971   Теквондо 2013   Тенис 1963   Одбојка 1959   Ватерполо 1951   Скијање на вода 2009   Кревање тегови 1951   Борење 1951

За учество на жени било одлучено уште во 1959, но за првпат учествувале во 1967 г.

Ранг	Земја	Злато	Сребро	Бронза	Вкупно
1	Италија	876	740	687	2303
2	Франција	631	576	533	1740
3	Турција	341	243	278	862
4	Шпанија	329	449	544	1322
5	Југославија*	199	177	182	558
6	Грција	192	247	339	778
7	Египет	142	194	231	567
8	Тунис	83	93	146	322
9	Мароко	69	77	99	245
10	Алжир	66	59	115	240
11	Хрватска	51	62	69	182
12	Словенија	49	56	90	195
13	Србија*	49	53	75	177
14	Сирија	28	39	76	143
15	ОАР	23	21	30	74
16	Кипар	14	19	18	51
17	Либан	10	23	42	75
18	Албанија	9	18	17	44
19	Босна и Херцеговина	4	8	19	31
20	Сан Марино	3	9	5	17
21	Португалија	3	8	13	24
22	Црна Гора	3	5	8	16
23	Косово	3	1	0	4
24	Македонија	2	2	7	11
25	Либија	2	1	13	16
26	Малта	1	3	4	8
27	Монако	0	3	1	4
Вкупно		2686	2686	3023	8395

• Југославија учествувала во 1997 и 2001 г. како СР Југославија.
• Србија учествувала во 2005 г. како Србија и Црна Гора.