Систематската група на алги опфаќа околу 35 000 видови, анатомско и морфолошки различно диференцирани.
Алгите се еукариотски протисти. Тие се автотрофни организми, со мали исклучоци. Нивното тело е малку диференцирано и се означува како талус.
Алгите имаат широко распространување на Земјата. Тие живеат во водна средина, најповолна за нивниот развиток, меѓутоа ги има во влажни и повремено влажни места. Освен тоа, живеат на карпи, снег, во почва, во некои растенија и животни, како и во симбиоза со габите. Алгите се космополитски организми, односно распространети се насекаде.
Размножувањето кај алгите е најразлично: бесполово (со проста делба, спори) и полово (изогамија, анизогамија, оогамија итн.).
Алгите се јавуваат во најразлични форми. Некои од десетте оддели на алги се исклучиво едноклеточни. Други, пак, се збир на клетки наредени во конци или колонии. Зелените, кафеавите и црвените алги се многуклеточни организми. Најкарактеристични таксономски оддели на алги се:
Некои научници конјугатните зелени алги (Gamophyta или Conjugatophyceae) ги вбројуваат во посебен оддел од зелените.
Во Македонија се заведени следниве таксони на алги:
Таксон | Научен назив | Видови | Разн. | Обл. | Вкупно |
---|---|---|---|---|---|
цијанобактерии | Cyanophyta | 213 | 10 | 59 | 282 |
евстигматофити | Eustigmatophyceae | 1 | — | — | 1 |
жолтозелени алги | Xanthophyceae | 10 | — | — | 10 |
зелени алги | Chlorophyta | 398 | 124 | 35 | 557 |
златни алги | Chrysophyceae | 7 | 4 | — | 11 |
светлечки камшичари | Dinophyta | 12 | 3 | 1 | 16 |
силикатни алги | Bacillariophyceae | 1.072 | 132 | — | 1.204 |
синозелени алги | Glaucophyta | 1 | — | — | 1 |
синурофити | Synurophyceae | 2 | — | — | 2 |
скришни алги | Cryptophyta | 1 | — | — | 1 |
харофити | Charophyta | 21 | — | 3 | 24 |
црвени алги | Rhodophyta | 8 | — | — | 8 |
црвенооки алги | Euglenophyta | 23 | 3 | 1 | 27 |
Вкупно | 1.769 | 276 | 99 | 2.144 |
„Алги“ на Ризницата ? |
This article uses material from the Wikipedia Македонски article Алги, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.