Општина Кочани

Седиште на општината е градот Кочани. Со новата територијална поделба на Република Македонија од 2005 година кон поранешната Општина Кочани е припоена и Општина Оризари.

Општина Кочани
Општина
Знаме Грб
Држава	Македонија
Седиште	Кочани
Населени места	Список Безиково, Бели, Вранинци, Горни Подлог, Горно Градче, Главовица, Грдовци, Долни Подлог, Долно Градче, Јастребник, Костин Дол, Кочани, Лешки, Мојанци, Небојани, Нивичани, Ново Село, Оризари, Пантелеј, Пашаџиково, Полаки, Пресека, Прибачево, Припор, Рајчани, Речани, Тркање и Црвена Нива
Управа
• Градоначалник	Љупчо Папазов
Површина
• Вкупна	360,36 км2 (139,14 ми2)
Население (2021)
• Вкупно	31.602
• Густина	88/км2 (230/ми2)
Часовен појас	CET (UTC+01:00)
• Лете (ЛСВ)	CEST (UTC+02:00)
Повикувачки број	+033
Регистарски таблички	KO
Мреж. место	kocani.gov.mk

Општина Кочани се наоѓа во источниот дел на Република Македонија, сместена на североисточната страна на Кочанската Котлина и југоисточната страна на Осоговските планини. Зафаќа површина 360,32 км², со најниска надморска височина од 320 м и највисока 2.085 м.

Општината се граничи со:

• север - Општина Крива Паланка
• исток - Општина Македонска Каменица
• југоисток - Општина Виница
• југ - Општина Зрновци
• запад - Општина Чешиново-Облешево
• запад - Општина Пробиштип
• северозапад - Општина Кратово

Општина Кочани има 28 населени места, од кои 1 е градско и 27 селски. Четири од селските населени места се целосно иселени.

Поради поволната географска местоположба и одличните природни одлики, територијата на денешниот град Кочани била населена од најстарите антички времиња, најпрво од Пеонците, Медите и Траките, а во 80-те години од VI век почнуваат да се населуваат Словените, поточно до VII век припадници на племето Смолјани ја колонизираат Кочанската Котлина и се утврдуваат во неа. Браќата Кирил и Методиј, основоположниците на словенската писменост од 845-855 г. престојувајќи во Брегалничката област (Мородвис) отпочнале со ширење на христијанството на словенски јазик.

Градоначалници на Кочани

Досегашни градоначалници на Кочани биле:

• Томе Вангелов (1920-1924)
• Спиро Симеонов (1925-1928)
• Благој Џидров (1928-1930)
• Јован Двојаков (1932-1935)
• Трендо Христов (1944-1946)
• Благој Хаџи Василев (1946-1948)
• Величко Георгиев (1948-1950)
• Владо Стаменков (1950-1954)
• Боро Ефремов (1954-1963)
• Михајло Арсов - Војчо (1964-1966)
• Стојан Трендов (1966-1970)
• Киро Данилов (1970-1974)
• Иван Серафимов (1974-1981)
• Тодосија Паунов (1982-1983)
• Божидар Андоновски (1984-1985)
• Драги Георгиев (1986-1990)
• Љупчо Беличев (1990-1996)
• Лазар Веселинов (1996-2000)
• Љубомир Јанев (2000-2002, 2005-2009)
• Тодор Пашовски (2003-2004)
• Ратко Димитровски (2009-2017)
• Николчо Илијев (2017-2021)
• Љупчо Папазов (2021-)

Според Законот за територијална поделба од 2004 година кон општина Кочани е припоена и поранешната Општина Оризари, а според пописот од 2021 година во неа живеат 31.602 жители, од кои:

Според проценките на Државниот завод за статистика, на крајот на 2015 година има намалување на бројот на населението и тоа изнесува 37.800 жители. Од овој број 18.943 се мажи, а 18.857 се жени.

• ЦК “Бели мугри“ Архивирано на 25 април 2011 г.
• Основен суд
• Здравствен дом
• Општа болница

Административно седиште на Општината е градот Кочани. Градоначалник на општина Кочани е Љупчо Папазов од редовите на ВМРО-ДПМНЕ. Тој бил избран на локалните избори од 2021 година за мандат од четири години. Советот на Општина Кочани е составен од 19 члена.

Според последните локални избори од 2021 година, членовите на Советот според политичката припадност за мандатот 2021-2025 се:

 

• Долно Градиште
• вештачко езеро Гратче
• Пониква
• Раткова скала Архивирано на 17 ноември 2016 г.
• Дабот кај с. Бели Архивирано на 17 ноември 2016 г.
• Споменик на слободата

Традиционална стопанска гранка во општина Кочани е земјоделството за кое постојат одлични природни и агротехнички услови. Почвата е плодна од алувијално потекло. Најголем дел од обработливите површини се наводнуваат, поради што има изградено акумулациони објекти и разгранета каналска мрежа од 280 км.

Оризот е најзначајна земјоделска култура со многувековна традиција, високи приноси и одличен квалитет. Годишно се сеат околу 3500 хектари под ориз, со принос од над 5000 кг/ха. Застапени сорти на оризова култура се монтичели Архивирано на 31 октомври 2012 г., Р-76/6 Архивирано на 31 октомври 2012 г., Сан Андреа Архивирано на 31 октомври 2012 г., Прима риска Архивирано на 31 октомври 2012 г., и Монтеса Архивирано на 28 септември 2011 г.. Квалитетот на оризот е потврден на Еурека-2000 во Брисел со признание Гран-при Најдоброто од Македонија, со заштитен знак бр. 1- оризот, белото кочанско злато.

• Драмски аматерски фестивал (мај)
• Денови на кочанскиот ориз (септември)

• Александар Алексиев, романописец, критичар, книжевен историчар и театролог
• Борис Стојчев, театролог и публицист
• Бранко Пендовски, писател
• Благоја Попов, политичар
• проф. д-р Благој Попов, математичар
• Кирил Ѕ'мбов, јадрен физичар
• д-р Константин Апостолов, лекар специјалист по микробиологија
• Кочани Оркестар, блех оркестар
• Малина Попиванова, револуционерка
• проф. д-р Миле Хаџи Василев, правник
• Насе Насев, спортски директор на Македонскиот Олимписки Комитет (МОК)
• Ристо Јуруков, музички педагог
• Сашко Насев, писател, драматург и поранешен амбасадор на Република Македонија во Канада
• Стефан Попиванов, револуционер
• Стево Теодосиевски, музички уметник
• Симеон Иванов - Канго, гитарист, рок-музичар
• Харалампие Манчев, лекар специјалист, прв македонски медицински истражувач

Културните збиднувања се остваруваат во бројни институции, за која цел се изградени разновидни објекти ( Дом на културата, кино и сл.). Во Кочани постојат неколку фолклорни друштва кои го негуваат фолклорот, а се негува и драмскиот аматеризам. Секоја година традиционално се одржува ДАФ (Драмски Аматерски Фестивал) во месец мај и Деновите на оризот, во месец септември.

За развој на спортот во градот има изградено спортска сала, фудбалски стадион, базен, терени за тенис, мини голф и слично. Постојат голем број на спортски клубови и здруженија во кои се развиваат различни спортови: борење, кошарка, фудбал, гимнастика, карате, шах, и др. Кочани бил домаќин на државни и меѓународни културни и спортски случувања.

Иселеништвото во општината има неколкудецениска традиција, при што главно младата население, поради економски причини, емигрирала во Западноевропските земји - во почетокот во Германија, Франција и Австрија, а во последната деценија во Италија и делумно САД, Канада и Австралија.

• Инфо-Кочани

• Мрежно место страница на општината
• Општина Кочани во „АБВ - деловен именик“ Архивирано на 6 март 2016 г.