Antwerpen

Opgrond vu senge ronn 526 000 Awunner, ass Antwerpen, no Bréissel (wann een d'Regioun kuckt), déi zweetgréisst Stad an der Belsch an déi gréisst a Flandern.

Antwerpen
Land	Belsch
Regioun	Flandern
Communautéit	Flämesch Communautéit
Provënz	Antwerpen
Arrondissement	Antwerpen
Awunner	529.247 (1. Januar 2020)
Fläch	20.451
Koordinaten	51° 13’ 00’’ N 04° 24’ 00’’ O
Telefonszon	03
Postcode	2000, 2018, 2020, 2030, 2050, 2060
Websäit	https://www.antwerpen.be/

Et gëtt behaapt, den Numm Antwerpen kéim vum Flämeschen "hand werpen", wat bedeit d'"Hand werfen". No enger Seeche soll de Brabo dem Ris Antigoon, deen d'Schëffsleit terroriséiert a vun hinnen Taxe fir de Passage gefuerdert huet, eng Hand ofgeschnidden hunn a se an d'Schelde geworf hunn. Eng Statu op der Plaz beim Stadhaus erënnert dorun.

Antwerpe war bis zum 16. Joerhonnert eng vun de bedeitendste a räichste Stied an Europa. Dat erkläert och fir wat Antwerpen d'Stad vun der Konscht ginn ass an datt de Moler Pieter Paul Rubens an de Buchdrécker Christophe Plantin do geschafft a gelieft hunn.

Antwerpen ass ee vun de bedeitendste Hafe vun Europa. Hie läit um Floss Schelde (fr.: Escaut). Zu Antwerpen liewen a schaffe vill Judden, déi meescht am Diamantenhandel.

Um politeschen Niveau ass Antwerpen bei de Kommunalwale vun 2001 doduerch opgefall, datt eng rechtsextreem, separatistesch-nationalistesch Partei, de Vlaams Blok, méi wéi 30 % vun de Stëmme kritt huet.

• Den Zoo vun Antwerpen
• Het Steen (al Buerg, haut e Schëffsmusée)
• Grote Markt (Maartplaz)
• Cogels-Osylei (Prachtstrooss)
• Gare Centraal Station
• Onze Lieve Vrouwekathedraal (Léiffrächekathedral)
• Juddequartier
• Vullemaart
• Rubenshaus (Wappervaart)
• Brabobuer
• Diamantemusée

• Scribanii, C.: Origines Antwerpiensium
• Gens: Histoire de la ville d'Anvers
• Genard: Anvers a travers les âges

• Lëscht vun de Stied a Flandern

Commons: Antwerpen – Biller, Videoen oder Audiodateien

• Offiziell Websäit vun Antwerpen
• Offiziell Websäit vum Office du Tourisme