Albert Kratzenberg: Lëtzebuergesche Sculpteur a Graphiker

Abrëll">8. Abrëll 1890 zu Klierf a gestuerwen och do den 23. Mee 1966, war e lëtzebuergesche Sculpteur a Graphiker.

Albert Kratzenberg
Gebuer	8. Abrëll 1890 Klierf
Gestuerwen	23. Mee 1966 Klierf
Nationalitéit	Lëtzebuerg
Aktivitéit	Sculpteur
Famill
Geschwëster	Damien Kratzenberg

No der Handwierkerschoul zu Lëtzebuerg huet den Albert Kratzenberg zu Karlsruhe an op der Konschtakademie zu Berlin studéiert. Duerno huet hien e puer Joer an Däitschland, am Bezierk Stettin an zu Hildesheim geschafft^,.

1919 koum hien op Lëtzebuerg zeréck, wou hie Coursen am Zeechnen an an der Skulptur zu Esch-Uelzecht ginn huet. Am Joer 1930 ass hie “Professer” an der Escher Beruffsschoul ginn.

Fir d'Weltausstellung 1937 zu Paräis huet hien, zesumme mat de Sculpteuren Aloyse Deitz, Ernest Grosber a Léon Nosbusch, d'Skulpturaarbechte vum Relief Vue panoramique de la Ville de Luxembourg no enger Zeechnung vum Pierre Blanc un der Haaptfassad vum Lëtzebuerger Pavillon ausgefouert^,.

Op der Weltausstellung 1939/1940 zu New York gouf seng monumental Skulptur L'allégorie de l'artisanat ausgestallt.

1928 an 1932 krut hien de Prix Grand-Duc Adolphe.

Hien huet an den 20er Jore vum 20. Joerhonnert, wéi d'Haaptportal vun der Kathedral restauréiert gouf, d'Statu vum hellegen Niklos geschaaft.

Wéinst senger Haltung wärend der Nazi-Occupatioun am Zweete Weltkrich ass den Albert Kratzenberg am Januar 1947 zu Lëtzebuerg zu sechs Joer Prisong an zum Verloscht vun der lëtzebuergescher Nationalitéit condamnéiert ginn. Hie war de Brudder vum Damien Kratzenberg.

 

• 1932, Skulptur a véier bronze Placken um Monument Émile Mayrisch am Park Émile Mayrisch zu Diddeleng.
• 1936, Goethe-Gedenkplack um Bock.
• Reliefaarbechten um Escher Stadhaus.
• Bas-relief um Editpress-Gebai an der Kanalstrooss zu Esch-Uelzecht.
• Erënnerungsplack um Haus vum Caspar Mathias Spoo zu Esch-Uelzecht.
• Buste vum Caspar Mathias Spoo.
• 1939, Haut-relief L'allégorie de l'artisanat, eng Monumental-Skulptur fir d'Weltausstellung zu New-York. Eng Figur dovun, e Stolaarbechter mat Hummer, gouf Ufank den 1980er Joren an der Entrée vum renovéierte Quartier Brill zu Diddeleng opgestallt. 2008 gouf se du restauréiert a steet elo am Park vun der Galerie Nei Liicht.
• Jeune femme, 1953, Skulptur am Kalleksteen am Park vum Schlass Kolpech zu Nidderkolpech.
• Helleg Famill am Héichaltor an der Kierch zu Mäerkels.
• "Notre Dame de Trintange" um Héichaltor an der Kierch zu Trënteng (1954).
• Hellege Stephanus an der Kapell um Stiefesbierg zu Trënteng.

• Herr, Lambert, 1992. Kratzenberg Albert. In: Anthologie des arts au Luxembourg. Éditions Émile Borschette. Imprimerie Linden, Lëtzebuerg, 464 S. (Cf. S. 207). ISBN 2-87982-034-0
• M.W., 1935. Atelierbesuch bei Albert Kratzenberg in Esch an der Alzette. A-Z: Luxemburger illustrierte Wochenschrift 1935, Nr. 49 (8. Dezember), S. 4-6. (Link)

• Lëscht vu lëtzebuergesche Konschtschafenden