Бертольт Брехт
Брехт Бертольт (10.
2. 1898, Аугсбург – 14. 8. 1956, Берлин) – немис жазуучусу,драматург театралдык режиссёр, коомдук ишмер. Мюнхен университетинин медицина факультетинде окуган. Ал «Курман болгон солдат жөнүндө легенда» (1918) аттуу согушка каршы жазылган сатиралык балладасы менен элге кеңири таанылган. Экспрессионизмге полемика катары жазган «Ваал» (1918), «Шаар уюктарында» (1924) пьесаларын жарыялаган. Анын көзкарашындагы коомдук, филос., саясий өзгөрүштөр «Ал солдат менен бул солдатта эмне айырма» (1927) пьесасы менен «Махагони» музыкалык комедиясында ачык көрүнөт. Фашисттер өкмөт башына келгенден кийин (1933) ал Германиядан кетип, эмпграцияда жүргөн жылдары «Сезуандык мээримдүү киши» (1938–40), «Кураж эне жана анын балдары» (1939), «Галилейдин турмушу» (1938–39) жана «Швейк экинчи дүйнөлүк согушта» (1944) аттуу жана башка жаңычыл чыгармаларын жазган. Эмиграциядан келип, 1949-ж. атактуу «Берлин ансамбли» театрын уюштурган. ГДРдин 1-даражадагы улуттук сыйлыгынын (1951), Элдердин ортосундагы тынчтыкты чыңдагандыгы үчүн Эл аралык Лениндик сыйлыгынын лауреаты (1954) болгон.
| Бертольт Брехт | |
 | |
| Туулгандагы ысымы: | Eugen Berthold Friedrich Brecht |
|---|---|
| Туулган жери: | Аугсбург, Герман империясы |
| Жарандыгы: | Германия империясы |
| Ишмердүүлүгү: | прозаик, акын, драматург |
| Багыты: | Эпостук театр |
| Жанр: | |
| Сыйлыктары: | «Драма Деск» (1970, өлгөн соң) |
| Кол тамгасы: |
|
.png){kind=small}
Колдонулган адабияттар
- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4
This article uses material from the Wikipedia Кыргызча article Бертольт Брехт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.