ಯಾಂಗ್ದುಪ್ ಲಾಮಾ | |
---|---|
Born | ಯಾಂಗ್ದುಪ್ ಲಾಮಾ ಗಯಾಬರಿ, ಡಾರ್ಜಿಲಿಂಗ್, ಭಾರತ |
Nationality | ಭಾರತೀಯ |
Occupation(s) | ಬಾರ್ಟೆಂಡರ್, ಬಾರ್-ಮಾಲೀಕರು, ಉದ್ಯಮಿ, ಲೇಖಕರು ಮತ್ತು ಮಿಶ್ರಣಶಾಸ್ತ್ರಜ್ಞ |
Years active | ೧೯೯೫ - ಪ್ರಸ್ತುತ |
Known for |
|
ಯಾಂಗ್ದುಪ್ ಲಾಮಾ ಅವರು ಭಾರತ ಮೂಲದ ಬಾರ್ಟೆಂಡರ್, ಬಾರ್-ಮಾಲೀಕರು, ಉದ್ಯಮಿ, ಲೇಖಕರು ಮತ್ತು ಮಿಶ್ರಣಶಾಸ್ತ್ರಜ್ಞರಾಗಿದ್ದಾರೆ. ಭಾರತದ ಅತ್ಯುತ್ತಮ ಮಿಶ್ರಣಶಾಸ್ತ್ರಜ್ಞರಲ್ಲಿ ಇವರೂ ಒಬ್ಬರು ಎಂದು ತಿಳಿದುಬಂದಿದೆ.
೨೦೨೦ ರಲ್ಲಿ ಬಾರ್ ವರ್ಲ್ಡ್ನಲ್ಲಿ ಜಾಗತಿಕ ಪಾನೀಯ ಉದ್ಯಮದ ಅತ್ಯಂತ ಪ್ರಭಾವಿ ವ್ಯಕ್ತಿಗಳ ೧೦೦ ಪಟ್ಟಿಯಲ್ಲಿ ಡ್ರಿಂಕ್ಸ್ ಇಂಟರ್ನ್ಯಾಶನಲ್ ಮ್ಯಾಗಜೀನ್ನಲ್ಲಿ ಯಾಂಗ್ದುಪ್ ಲಾಮಾ ಕಾಣಿಸಿಕೊಂಡಿದ್ದಾರೆ. ಈ ಪಟ್ಟಿಯಲ್ಲಿ ಕಾಣಿಸಿಕೊಂಡ ಮೊದಲ ಭಾರತೀಯ ಇವರಾಗಿದ್ದಾರೆ. ಇವರ ಸೈಡ್ಕಾರ್ ಬಾರ್ ೨೦೨೧ ರಲ್ಲಿ ಭಾರತದ ಅತ್ಯುತ್ತಮ ಬಾರ್ ಪ್ರಶಸ್ತಿ ಮತ್ತು ೨೦೨೦ರಲ್ಲಿ ಏಷ್ಯಾದ ೫೦ ಅತ್ಯುತ್ತಮ ಬಾರ್ಗಳ ಪ್ರಶಸ್ತಿಗಳು ಹಾಗೂ ೨೦೨೧ ರಲ್ಲಿ ಜಂಟಿ ನಿಕ್ಕಾ ಹೈಯೆಸ್ಟ್ ಕ್ಲೈಂಬರ್ ಪ್ರಶಸ್ತಿಯನ್ನು ಗೆದ್ದು ಸಾಧಿಸಿದೆ.
ಭಾರತದ ಈಶಾನ್ಯ ಭಾಗದಲ್ಲಿರುವ ಡಾರ್ಜಿಲಿಂಗ್ನ ಬೆಟ್ಟದ ಜಿಲ್ಲೆಯ ಕುರ್ಸಿಯಾಂಗ್ ಬಳಿಯ ಗಯಾಬರಿ ಗ್ರಾಮದಲ್ಲಿ ತಾಯಿ ಕಮಲಾ ಲಾಮಾ (ಶೆರ್ಪಾ) ಮತ್ತು ತಂದೆ ಲೇಟ್ ನಮಗಲ್ ಲಾಮಾ(ಯೋನ್ಜಾನ್) ಗೆ ಎರಡನೇ ಮಗುವಾಗಿ ಜನಿಸಿದರು. ಅವರು ಮಾಧ್ಯಮಿಕ ಶಾಲಾ ಪ್ರಮಾಣೀಕರಣವನ್ನು (೧೦ನೇ ತರಗತಿ) ವಿಕ್ಟೋರಿಯಾ ಬಾಲಕರ ಶಾಲೆ, ಕುಸಿಯೊಂಗ್ನಿಂದ ಮತ್ತು ಆರ್ಮಿ ಪಬ್ಲಿಕ್ ಸ್ಕೂಲ್ ಬೆಂಗ್ಡುಬಿಯಿಂದ ಹಿರಿಯ ಶಾಲಾ ಪ್ರಮಾಣೀಕರಣವನ್ನು (೧೨ ನೇ ತರಗತಿ) ಪೂರ್ಣಗೊಳಿಸಿದರು.
ಲಾಮಾ ಅವರು ಹೋಟೆಲ್ ಮ್ಯಾನೇಜ್ಮೆಂಟ್(ಹೋಟೆಲ್ ನಿರ್ವಹಣೆ) ಅನ್ನು ಅಧ್ಯಯನ ಮಾಡಲು ೧೯೯೨ ರಲ್ಲಿ ಕೋಲ್ಕತ್ತಾಗೆ ತೆರಳಿದರು. ನಂತರ ಅವರು ೧೯೯೫ರಲ್ಲಿ ದೆಹಲಿಗೆ ತೆರಳಿದರು.
ಲಾಮಾ ಅವರು ೨೦೧೮ ರಲ್ಲಿ ನವದೆಹಲಿಯ ಗ್ರೇಟರ್ ಕೈಲಾಶ್ನಲ್ಲಿರುವ ಭಾರತದ ಅತ್ಯುತ್ತಮ ಕಾಕ್ಟೈಲ್ ಬಾರ್ ಸೈಡ್ಕಾರ್(ಲಾಮಾ ಅವರ ಎರಡನೇ ಬಾರ್) ನ ಸಹ-ಮಾಲೀಕರಾಗಿದ್ದಾರೆ ಈ ಸೈಡ್ಕಾರ್ ಬಾರ್ ಏಷ್ಯನ್ ಕಾಕ್ಟೈಲ್ ನಕ್ಷೆಯಲ್ಲಿ ಪ್ರಾಮುಖ್ಯತೆಯನ್ನು ಪಡೆಯುತ್ತಿದೆ. ೨೦೨೦ ರಿಂದ ಏಷ್ಯಾದ ೫೦ ಅತ್ಯುತ್ತಮ ಬಾರ್ಗಳ ಪಟ್ಟಿಯಲ್ಲಿ ಇಪ್ಪತ್ತನಾಲ್ಕು ಸ್ಥಾನಗಳನ್ನು ಏರಿದ ನಂತರ ೨೦೨೧ ರಲ್ಲಿ ಇದನ್ನು ಜಂಟಿ ನಿಕ್ಕಾ ಹೈಯೆಸ್ಟ್ ಕ್ಲೈಂಬರ್ ಎಂದು ಹೆಸರಿಸಲಾಗಿದೆ. ಈ ಸೈಡ್ಕಾರ್ ಬಾರ್ ಏಷ್ಯಾದಲ್ಲಿ ೧೬ ನೇ ಸ್ಥಾನ ಮತ್ತು ವಿಶ್ವದಲ್ಲಿ ೪ ನೇ ಸ್ಥಾನದಲ್ಲಿದೆ.
೨೦೨೦ ರಲ್ಲಿ ವಿಲಿಯಂ ರೀಡ್ ಗ್ರೂಪ್ ಏಷ್ಯಾದ ಟಾಪ್ ೫೦ ಬಾರ್ಗಳಲ್ಲಿ ಸೈಡ್ಕಾರ್ ಅನ್ನು ಶ್ರೇಣೀಕರಿಸಿತು ಹಾಗೂ ಇದು ಪಟ್ಟಿಯಲ್ಲಿ ಕಾಣಿಸಿಕೊಂಡ ಭಾರತದ ಏಕೈಕ ಬಾರ್ ಆಗಿದೆ.
ನಾಲ್ಕೂವರೆ ವರ್ಷಗಳ ಕಾಲ ಹಯಾಟ್ನಲ್ಲಿ ಸೇವೆ ಸಲ್ಲಿಸಿದ ನಂತರ, ಯಾಂಗ್ದುಪ್ರವರು ಕಾಕ್ಟೈಲ್ಸ್ & ಡ್ರೀಮ್ಸ್ ಎಂಬ ಮೊಬೈಲ್ ಬಾರ್ ಟೆಂಡಿಂಗ್ ಸೇವಾ ಕಂಪನಿಯನ್ನು ಸ್ಥಾಪಿಸಿದರು ಮತ್ತು ಸೆಪ್ಟೆಂಬರ್ ೨೦೦೩ ರಲ್ಲಿ ಕಾಕ್ಟೇಲ್ಸ್ & ಡ್ರೀಮ್ಸ್/ಥರ್ಸ್ಟಿ ತ್ರೀ ಹಾಸ್ಪಿಟಾಲಿಟಿ - ಬಾರ್ ಸೇವೆ ಮತ್ತು ಪಾನೀಯ ಸಲಹಾ ಕಂಪನಿಯನ್ನು ಸ್ಥಾಪಿಸಿದರು. ತದನಂತರ ಅವರು ಗುರುಗ್ರಾಮ್ (ಗುರ್ಗಾಂವ್) ನಲ್ಲಿ ಕಾಕ್ಟೇಲ್ಸ್ & ಡ್ರೀಮ್ಸ್ ಎಂಬ ವಾಣಿಜ್ಯ ಬಾರ್ ಅನ್ನು ತೆರೆದರು ಮತ್ತು ದೆಹಲಿಯಲ್ಲಿ ಕಾಕ್ಟೈಲ್ ಮತ್ತು ಡ್ರೀಮ್ಸ್ ಪಾನೀಯ ಸ್ಟುಡಿಯೋ ಎಂಬ ಹೆಸರಿನ ಬಾರ್ ತರಬೇತಿ ಮತ್ತು ಪಾನೀಯ ನಿರ್ವಹಣಾ ಶಾಲೆಯನ್ನು ಸಹ ತೆರೆದರು.
ಲಾಮಾ ಅವರು ೧೯೯೫ ರಲ್ಲಿ ಹಯಾತ್ ರೀಜೆನ್ಸಿ ದೆಹಲಿಗೆ ಆಹಾರ ಮತ್ತು ಪಾನೀಯ ಸರ್ವರ್ ಆಗಿ ಸೇರಿಕೊಂಡರು. ಅಲ್ಲಿ ಅವರು ಬಾರ್ ಟೆಂಡಿಂಗ್ ಅನ್ನು ಆಯ್ದುಕೊಂಡರು ಮತ್ತು ಹೋಟೆಲ್ನಲ್ಲಿರುವ ಪ್ರತಿಷ್ಠಿತ ಪೊಲೊ ಲೌಂಜ್ ಬಾರ್ನಲ್ಲಿ ಕೆಲಸ ಮಾಡಿದರು.
ಕಾಕ್ಟೇಲ್ಗಳು ಮತ್ತು ಕನಸುಗಳು: ದಿ ಅಲ್ಟಿಮೇಟ್ ಇಂಡಿಯನ್ ಕಾಕ್ಟೈಲ್ ಬುಕ್
This article uses material from the Wikipedia ಕನ್ನಡ article ಯಾಂಗ್ದುಪ್ ಲಾಮಾ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.