ನಿರ್ಮಲಾ ಜೋಶಿ

೧೯೯೭ ರಲ್ಲಿ ಮದರ್ ತೆರೇಸಾ ಅವರ ಮರಣದ ನಂತರ ಚಾರಿಟಿಯನ್ನು ವಹಿಸಿಕೊಂಡ ನಂತರ, ನಿರ್ಮಲಾ ಅವರು ಅಫ್ಘಾನಿಸ್ತಾನ ಮತ್ತು ಥೈಲ್ಯಾಂಡ್‌ನಂತಹ ರಾಷ್ಟ್ರಗಳಲ್ಲಿ ಕೇಂದ್ರಗಳನ್ನು ತೆರೆಯುವ ಮೂಲಕ ಸಂಸ್ಥೆಯ ವ್ಯಾಪ್ತಿಯನ್ನು ೧೩೪ ದೇಶಗಳಿಗೆ ವಿಸ್ತರಿಸಿದರು.

ನಿರ್ಮಲಾ ಜೋಶಿ

ಜೋಶಿ, ನೀ ಕುಸುಮ್, ೨೩ ಜುಲೈ ೧೯೩೪ ನೇಪಾಳದ ಸೈಂಜದಲ್ಲಿ ಹತ್ತು ಮಕ್ಕಳಲ್ಲಿ ಹಿರಿಯರಾಗಿ ಬ್ರಾಹ್ಮಣ ಕುಟುಂಬದಲ್ಲಿ ಜನಿಸಿದರು. ಕುಟುಂಬವು ಹಿಂದೂವಾಗಿದ್ದರೂ, ಅವರು ಭಾರತದ ಹಜಾರಿಬಾಗ್‌ನ ಮೌಂಟ್ ಕಾರ್ಮೆಲ್‌ನಲ್ಲಿ ಕ್ರಿಶ್ಚಿಯನ್ ಮಿಷನರಿಗಳಿಂದ ಶಿಕ್ಷಣ ಪಡೆದರು. ಆ ಸಮಯದಲ್ಲಿ, ಅವರು ಮದರ್ ತೆರೇಸಾ ಅವರ ಕೆಲಸವನ್ನು ಕಲಿತರು ಮತ್ತು ಆ ಸೇವೆಯಲ್ಲಿ ಪಾಲ್ಗೊಳ್ಳಲು ಬಯಸಿದ್ದರು. ಅವರು ಶೀಘ್ರದಲ್ಲೇ ಕ್ಯಾಥೊಲಿಕ್ ಧರ್ಮಕ್ಕೆ ಮತಾಂತರಗೊಂಡರು ಮತ್ತು ಮದರ್ ತೆರೇಸಾ ಸ್ಥಾಪಿಸಿದ ಮಿಷನರೀಸ್ ಆಫ್ ಚಾರಿಟಿಗೆ ಸೇರಿದರು. ಜೋಶಿಯವರು ರಾಜಕೀಯ ವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿದರು ಮತ್ತು ನಂತರ ಕಲ್ಕತ್ತಾ ವಿಶ್ವವಿದ್ಯಾಲಯದಿಂದ ಕಾನೂನಿನಲ್ಲಿ ಡಾಕ್ಟರೇಟ್ ಪದವಿಯನ್ನು ಪಡೆದರು. ಅವರು ಪನಾಮಕ್ಕೆ ಹೋದಾಗ ವಿದೇಶಿ ಮಿಷನ್ ಮುಖ್ಯಸ್ಥರಾಗಿ ಇನ್ಸ್ಟಿಟ್ಯೂಟ್‌‍ನ ಮೊದಲ ಸಹೋದರಿಯರಲ್ಲಿ ಒಬ್ಬರು. ೧೯೭೬ ರಲ್ಲಿ, ಜೋಶಿಯವರು ಮಿಷನರೀಸ್ ಆಫ್ ಚಾರಿಟಿಯ ಚಿಂತನಶೀಲ ಶಾಖೆಯನ್ನು ಪ್ರಾರಂಭಿಸಿದರು ಮತ್ತು ೧೯೯೭ ರವರೆಗೂ ಅದರ ಮುಖ್ಯಸ್ಥರಾಗಿದ್ದರು. ಅವರು ಮದರ್ ತೆರೇಸಾ ಅವರ ನಂತರ ಇನ್ಸ್ಟಿಟ್ಯೂಟ್‌‌ನ ಸುಪೀರಿಯರ್ ಜನರಲ್ ಆಗಿ ಆಯ್ಕೆಯಾದರು.

೨೦೦೯ ರ ಗಣರಾಜ್ಯ ದಿನದಂದು (ಜನವರಿ ೨೬) ಸೋದರಿ ಜೋಶಿ ಅವರು ರಾಷ್ಟ್ರಕ್ಕೆ ಮಾಡಿದ ಸೇವೆಗಳಿಗಾಗಿ ಭಾರತ ಸರ್ಕಾರವು ಎರಡನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ಪದ್ಮವಿಭೂಷಣವನ್ನು ನೀಡಿತು. ಸುಪೀರಿಯರ್ ಜನರಲ್ ಆಗಿ ಅವರ ಅವಧಿಯು ೨೫ ಮಾರ್ಚ್ ೨೦೦೯ ರಂದು ಕೊನೆಗೊಂಡಿತು ಮತ್ತು ಅವರ ನಂತರ ಜರ್ಮನ್ ಮೂಲದ ಸಿಸ್ಟರ್ ಮೇರಿ ಪ್ರೇಮಾ ಪಿಯರಿಕ್ ಅವರು ಅಧಿಕಾರ ವಹಿಸಿಕೊಂಡರು.

ಸಾವು

ಜೋಶಿ ಅವರು ೨೫ ಜೂನ್ ೨೦೧೫ ರಂದು ಕೋಲ್ಕತ್ತಾದಲ್ಲಿ ಹೃದಯ ಸಂಬಂಧಿ ಕಾಯಿಲೆಯಿಂದ ನಿಧನರಾದರು . ಪ್ರಧಾನಿ ನರೇಂದ್ರ ಮೋದಿ ಮತ್ತು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸೇರಿದಂತೆ ಭಾರತದ ಹಲವು ನಾಯಕರು ಮಾಧ್ಯಮಗಳಲ್ಲಿ ಸಂತಾಪ ಸೂಚಿಸಿದ್ದಾರೆ.