Opor Ayam
Opor ayam iku masakan kang wis misuwur ing Indonésia.
Opor ayam sajatiné masakan khas Jawa Tengah lan Jawa Wétan, nanging wis mratah ing laladan liya ing Indonésia. Opor ayam ya iku ayam kang di godhog lan diwènèhi bumbu kenthel saka santen ditambah bumbu-bumbu kaya ta seré, kencur, lan liya-liyané. Ing tradhisi Jawa, yèn dina riyaya racaké ana opor ayam, kupat, lan sambel goreng ati. Saliyané kanggo lawuh, opor ayam uga bisa kanggo bubur opor ayam, racaké kanggo panganan balita.
 Opor ayam | |
| Panggonan asal | Indonésia |
|---|---|
| Tlatah utawa praja | Tanah Jawa |
 Buku masakan: Opor ayam  Médhia: Opor ayam | |
Cara nggawé
- Resikana iwak pitik banjur diiris-iris kanthi ukuran sedhengan.
- Parut klapa lan peres dadi santen kenthel, sisihaké.
- Uleg brambang 10, bawang 3 siyung, kemiri 5, setengah sendhok tumbar, 1/4 sendhok jinten, 1/2 sendhok merica, 1 cm laos, salam rong lembar, seré 1, setengah sendhok gula jawa, lan uyah sacukupe.
- Bumbu kang wis diuleg banjur digangsa ing minyak panas nganti kuning lan metu ambune..
- Santen dicemplungaké, banjur iwak Pithik kang wis diiris-iris dicemplungaké.
- Entèni mateng, kira-kira sejam banjur dienthas lan diwénéhi brambang goréng. Kang pungkasan suguhna nganggo kupat utawa sega.
Cathetan suku
2. * [http://resepoporayam.blogspot.com/ Resep Opor Ayam]
This article uses material from the Wikipedia Basa Jawa article Opor ayam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.