Calon Arang
Calon Arang iku legendha utawa carita rakyat saka Jawa lan Bali.
Caritané Calon Arang
Ana randha kang duwé ngèlmu ireng ‘santèt’ kerep ngrusak kasil panènané para tani, lan marakaké prahala (dhadèkaké tekane lelara), jenenge randha iku Calon Arang. Calon Arang nduwé anak wadhon kang sesilih Ratna Manggali. Bocah wadhon iku ayu, nanging ora bisa omah-omah/ora payu rabi (duwé bojo) awit saben pawongan padha wedi marang ibuné. Calon Arang banjur nesu lan nyulik salah sijining kenya kang isih enom kanggo tumbal Dewi Durga.
Sabanjuré iku ana banjir gedhé kang dhadèkaké akèh wong padha mati. Akèh lelara kang tumeka. Raja Airlangga banjur njaluk pitulungan marang Empu Baradah kanggo mrantasi masalah iku. Empu Baradah ngutus Empu Bahula supaya dinikahahé karo Ratna. Pista mantènané 7 dina 7 bengi, lan kahanané dadi pulih manèh.
Calon Arang duwé buku ngèlmu sikir. Buku iku kasil tinemu Bahula banjur dipasrahaké karo Empu Baradah. Ngertèni bukuné dicolong, Calon Arang muntab lan nglawan Empu Baradah. Awit ora diréwangi Dewi Durga, Calon Arang dadi kalah. Sabubaré kedadèn iku, désa dadi aman saka anceman ngèlmu ireng ‘santèt’ kang diduwèni Calon Arang.
Réferènsi
- Kapustakan Djawi. Jakarta:Djambatan
This article uses material from the Wikipedia Basa Jawa article Calon Arang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.