Jimmy Carter: Presidhèn Amérika Sarékat kaping 39

Saderengipun dados présidhèn, Carter nglenggahi kalungguhan minangka Senat Georgia lan Gubernur Georgia ingkang kaping 76 (1971-1975).

James Earl Carter, Jr
Jimmy Carter ing taun 1977
Présidhèn Amérika Sarékat angka 39
Masa jabatan 20 Januari 1977 – 20 Januari 1981
Wakil Presiden	Walter Mondale
Sadurungé	Gerald Ford
Pengganti	Ronald Reagan
Gubernur Georgia ke-76
Masa jabatan 12 Januari 1971 – 14 Januari 1975
Sadurungé	Lester Maddox
Pengganti	George Busbee
Lahir	(1924-10-01) Oktober 1, 1924 (umur 99) Plains, Georgia
Partai politik	Dhémokrat
Suami/Istri	Rosalynn Smith Carter
Anak	John William Carter James Earl Carter III Donnel Jeffrey Carter Amy Lynn Carter
Almamater	United States Naval Academy Georgia Southwestern College Georgia Tech
Profesi	Petani (kacang) Perwira
Agama	Baptis
Tanda tangan

Ing taun 1976, Carter dipunnominasikaken minangka kandidat "jaran ireng" déning Dhémokrat dados gantosipun présidhèn Gerald Ford ing pemilu présidhèn Amérika Sarékat taun 1976.

Salah satyunggalipun prastawa ingkang kontroversial nalika panjenenganipun dados présidhèn inggih punika warga Amérika Sarékat cacahipun 450 dipunsandera ing Kadutaan Ageng Amérika Sarékat ing Teheran, Iran. Jimmy Carter naté pikantuk Nobel Perdamean ing taun 2002.

Sasampunipun sekolah satunggal taun ing Universitas Teknik Georgia, ing taun 1946, Jimmy Carter yasa bale wisma kaliyan Rosalynn ingkang ugi asalipun saking Georgia. Panjenenganipun gadhah sekawan putra, tigang jaler lan satunggal èstri. Setunggal taun sasampunipun lulus saking Akademi lajeng makarya ing dinas militèr aktif ing armada kapal selam. Taun 1952, Jimmy Carter pikantuk tugas ing program kapal selam nuklir ingkang dipunpandhegani déning Laksamana hyman Rickover. Sataun salajengipun, Carter nyinaoni fisika nuklir, wekdal punika panjenenganipun dipuncalonaken dados perwira mesin ingkang badhé dipuntugasi ing kapal selam nulkir Amérika ingkang kaping kalih. Nanging taun 1953, wonten musibah ing kulawarganipun lan bapanipun Carter tilar donya. Jimmy Carter kondur dhateng Georgia saperlu ngurus perusahaan kacang kagunganipun kulawarga Carter.

Ing taun 1962, Carter wangsul malih dhateng karieripun. Wekdal punika rayinipun ingkang namanipun Billy dados gantosipun minangka pangurus perusahaan kacang. Jimmy Carter saged menangaken pamilihan senator praja georgia. Sasampunipun dados senat ing Georgia, Jimmy Carter lajeng ndhèrèk nyalon dados Gubernur Georgia, nanging gagal piakntuk panjurung saking partenipun. Ing taun 1970, Jimmy nyalon malih dados gubernur lan menang saéngga saged lenggah minangka gubenur Georgia.

taun 1976, Jimmy Carter nyalon dados présidhèn Amérika seriakat. Jimmy Carter menang nyalon présidhèn lan ngalahaken Présidhèn Gerald Ford.

  Pérangan iki sisih awujud rintisan. panjenengan bisa mèlu ngembangaké.

Présidhèn Amérika Sarékat 1980|1980]] (kalah)