Listi Yfir Þekkta Vestmannaeyinga

Hér eru nefndir nokkrir þeirra:

• Árni Johnsen fyrrverandi alþingismaður fyrir Sjálfstæðisflokkinn, og lengst af umsjónarmaður brekkusöngsins á Þjóðhátíð í Eyjum.
• Árni Sigfússon fyrrverandi bæjarstjóri í Reykjanesbæ og borgarstjóri í Reykjavík.
• Árni úr Eyjum samdi fyrsta þjóðhátíðarlagið 1933 með Oddgeiri Kristjánssyni og fleiri kunn sönglög.
• Ásgeir Sigurvinsson knattspyrnumaður og fyrrum landsliðsþjálfari Íslands.
• Ási í Bæ var einn frægasti textasmiður og tónlistarmaður Vestmannaeyja. Hann samdi mörg lög og ljóð, þar á meðal Ástin Bjarta og Ég veit þú kemur, sem hann samdi við lag Oddgeirs Kristjánssonar.
• Berglind Sigmarsdóttir eigandi veitingastaðarins Gott í Vestmannaeyjum og höfundur matreiðslubókarinnar Heilsuréttir Fjölskyldunnar.
• Berglind Björg Þorvaldsdóttir knattspyrnukona.
• Binni í Gröf var landsfrægur aflamaður og sótti sextíu þúsund tonn í sjávardjúp að sögn Ása í Bæ.
• Elliði Vignisson fyrrverandi bæjarstjóri Vestmannaeyja.
• Elva Ósk Ólafsdóttir leikkona. Vann Edduverðlaunin 2002 fyrir leik sinn í Hafinu.
• Eygló Harðardóttir fyrrum velferðarráðherra og þingmaður Suðurkjördæmis fyrir Framsóknarflokkinn.
• Gísli Óskarsson, er fréttamaður hjá RÚV, þekktur líffræðingur og heimildamyndagerðarmaður. Bróðir hans er Snorri Óskarsson hér að neðan.
• Guðbjörg Matthíasdóttir aðaleigandi Ísfélags Vestmannaeyja og Árvakurs útgáfufélags Morgunblaðsins.
• Guðjón Hjörleifsson var bæjarstjóri Vestmannaeyja í 12 ár, fyrrum alþingismaður fyrir Sjálfstæðisflokkinn ásamt því að hafa verið í bæjarstjórn Vestmannaeyja.
• Guðlaugur Friðþórsson öðlaðist heimsfrægð þegar vélbáturinn Hellisey, sem hann var háseti á, sökk suðaustur af Heimaey árið 1984, en þá synti hann um 5 kílómetra í land í vonskuveðri, gekk berfættur yfir nýja hraunið, sem var þá enn heitt, og gerði bæjarbúum viðvart um afdrif skipsins.
• Guðríður Símonardóttir, Tyrkja-Gudda.
• Gunnlaugur Halldórsson arkitekt frá Konunglegu Listaakademíunni í Kaupmannahöfn og heiðursfélagi Arkitektafélags Íslands.
• Heimir Hallgrímsson, fyrrum þjálfari ÍBV og aðstoðarlandsliðsþjálfari í tíð Lars Lagerbäck
• Hermann Hreiðarsson knattspyrnumaður hjá Charlton og landsliðsmaður Íslands.
• Högna Sigurðardóttir arkitekt frá École Nationale Supérieure des Beaux-Arts í París og heiðursfélagi Arkitektafélags Íslands.
• Júlíana Sveinsdóttir myndlistarmaður
• Karl Gauti Hjaltason fyrrum sýslumaður í Eyjum frá 1998 og núverandi þingmaður Miðflokksins.
• Keikó, sem var líklega frægasti háhyrningur í heimi, var fluttur frá Bandaríkjunum til Vestmannaeyja síðsumars 1998 og dvaldist hann í sérsmíðaðri kví í Klettsvík á Heimaey í nokkur ár þar til honum var sleppt lausum í Atlantshafið, en hann dó utan stranda Noregs árið 2003, og var grafinn í jörðu þar í landi.
• Lúðvík Bergvinsson var í bæjarstjórn Vestmannaeyja, ásamt því að vera fyrrum alþingismaður Samfylkingarinnar
• Margrét Lára Viðarsdóttir knattspyrnukona.
• Oddgeir Kristjánsson, þekktasti tónlistarmaður úr Eyjum, samdi mörg fræg lög með Ása í Bæ og Árna úr Eyjum.
• Óskar J. Sigurðsson vitavörður í Stórhöfða hefur sinnt fuglamerkingum frá árinu 1952.
• Páll Magnússon, alþingismaður Sjálfstæðisflokksins í Suðurkjördæmi og fyrrum útvarpstjóri RÚV.
• Páll Zóphóníasson var bæjartæknifræðingur Vestmannaeyja í eldfellsgosinu 1973 og er áframhaldandi byggð á Heimaey að miklu leyti honum að þakka, en margir fleiri eiga heiður skilinn fyrir afburða framlög í þeim efnum.
• Ragnheiður Guðfinna Guðnadóttir varð ungfrú Ísland árið 2001.
• Selma Ragnarsdóttir fatahönnuður
• Sigfús M. Johnsen var í á þriðja tug ára fulltrúi í dóms- og kirkjumálaráðuneytinu í Reykjavík. Árið 1940 varð hann bæjarfógeti í Vestmannaeyjum.
• Sigmund Johanson Baldvinsen, teiknaði skopmyndir fyrir Morgunblaðið í áratugi, er samt þekktastur meðal sjómanna fyrir uppfinningarnar sínar: Sigmundsbeltið og sjálfvirka losunarbúnaðinn.
• Sigurdís Harpa Arnarsdóttirmyndlistarkona, hefur haldið yfir 40 einkasýningar frá árinu 1994.
• Snorri Óskarsson "Snorri í Betel" er þekktur fyrir aðild sína að Hvítasunnusöfnuðinum.
• Védís Vantída Guðmundsdóttir söngkona
• Þorsteinn Jónsson var mikill fiskimaður, en hann var formaður á vélbát sínum í 48 ár.
• Þorsteinn Víglundsson var einn atorkusamasti athafnamaður eyjanna, þekktastur fyrir byggingu gagnfræðaskólans í Vestmannaeyjum, þar sem nú er Framhaldsskólinn í Vestmannaeyjum