Engirella

Nefið er miklu styttra en um leið hærra en á keldusvíni.

Engirella
Ástand stofns
Ekki í útrýmingarhættu
Vísindaleg flokkun
Ríki: Dýraríki (Animalia) Flokkur: Fuglar (Aves) Ættbálkur: Tranfuglar (Gruiformes) Ætt: Relluætt (Rallidae) Ættkvísl: Crex Tegund: C. crex
Tvínefni
Crex crex (Linnaeus, 1758)
Samheiti
Crex pratensis

Sumarbúningur karl- og kvenfugla er þannig að á miðju enni og hvirfli og skiptast á gulbrúnar og brúnsvartar langrákir, höfuð á hliðum blágrátt, taumur (rák frá efra skolti að auga), fjaðrirnar í kringum augað og rák aftur frá því, ljósgulbrún. Að ofan (einnig á stéli) er fuglinn annars brúnsvartur með breiðum gulbrúnum, framan til á fjöðrunum öskugráum, fjaðrajöðrum. Handflugfjaðrir dökkmóbrúnar, innfanirnar dekkri og brúnni en útfanirnar, armflugfjaðrirnar rauðari, þær innstu eins á lit og bakið, yfirvængþökur dökkrauðbrúnar, innan til oft með meira eða minna greinilegum gráhvítum þverflikrum. Á kverk og á framanverðum hálsi ofan til er fuglinn gráhvítur með rauðgulleitum blæ, aðrir hlutar framanverðs háls og hálshliðar öskugráar eða blágráar með gulbrúnleitum blæ. Á miðri bringu, kviði og undirgumpi er hann hvítur, undirstélþökur eru hvítar, á síðunum skiftast á hvítar og rauðbrúnar þverrákir. Axlarfjaðrir og undirvængþökur dökkrauðbrúnar, að undanskildum þeim yztu, sem eru hvítar. Lithimnan ljósbrún. Nef og fætur brún-holdlitaðir.

Á veturna er rákin yfir auganu og höfuð á hliðum ryðrautt, framanverður háls og uppbrjóst ljósryðbrúnt og vottar þá hvergi fyrir gráum lit á þessum stöðum. Að öðru leyti eru vetrar- og sumarbúningar eins. Ungir fuglar eru eins á lit og fullorðnir fuglar í vetrarbúningi en brúnsvörtu blettirnir á fuglinum ofanverðum eru minni, yfirvængþökur ljósari og þverrákir á síðum óreglulegri.

Engirella heldur til í röku graslendi með miklum gróðri, helst þar sem mikið er af blómum. Það gefur frá sér sérkennilegt hljóð á vorin (hljómar eins og "sarp arp") og hljómar það án afláts. Á öllum tímum árs gefur það frá sér hljóð sem hljóma eins og "kjy kjo kia". Engjasvínið lifir á skordýrum og ýmsum smádýrum. Það verðir í mörgum eggjum sem eru rjómagul eða grænleit ljós eða dökkbrúm með rauðbrúnum blettum. Hreiðrið er í hávöxnu grasi eða kornökrum og er það grunn laut fóðruð með grasstráum og blöðum.

 

Wiki Commons er með margmiðlunarefni sem tengist Engirella.

 

Wikilífverur eru með efni sem tengist Crex crex.

• Fuglanýjungar, Náttúrufræðingurinn, 4. Tölublað (01.10.1938), Blaðsíða 166