Illa: Tèrra completament environada d'aiga
Una illa o isola (cultisme) es una extension de tèrra completament enrodada d'aiga, siá de la mar, del riu (ribièra o flume) o d'un lac.
Un conjunt d'illas pròchas geologicament e geograficament es anomenat «archipèla».
Los continents se distinguisson de las illas de per lor superficia netament superiora. Las illas son donc de superficia variabla, de qualques mètres carrats a de milions de quilomètres carrats coma per exemple Groenlàndia.
Etimologia
Lo mot «illa» es eissit del latin *insŭla el meteis derivat del proto-italic *enselā. Aquí una lista de las variantas dialectalas:
| Dialècte | Varianta |
|---|---|
| Auvernhat | illa, inla, isla (rar) |
| Gascon | isla, ièrla/gèrla, iscla |
| Lengadocian | illa, iscla |
| Lemosin | isla, ilha |
| Provençal | illa, iscla |
| Vivaroalpenc | iscla, illa, isola. |
| fonts: Dicod'Òc. | |
Nòtas e referéncias
This article uses material from the Wikipedia Occitan article Illa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.