Wyspa
Wyspa to je trwały fragmynt lōndowyj wiyrchni Ziymie, kery je ôbtoczōny wodōm ze wszyjskich zajt.
Wyspy sōm na rzykach, jeziorach, stŏwach, morzach i ôceanach. W przipadku tych dwōch ôstatnich za wyspy uznŏwŏ sie ôbiekty ô miarach myńszych ôd miar kōntynyntu. Wartość granicznŏ je miyndzy wiyrchniōm nojsrogszyj wyspy: Grynlandyje (2,1 mln km²) a wiyrchniōm nojmyńszego kōntynyntu: Australije (7,6 mln km²). Za wyspy niy uznŏwŏ sie ruchōmych ławic piŏszczystych, ani przestrzyństw lōndu zalywanego w czasie przipływōw.
Wyspy mogōm być ôsobne abo tworzić skupiska – archipelagi.
Tajlōng wysp
Gyneralnie wyspy tajlujōm sie na:
- Wyspy kōntynyntalne (bp. Trynidad, Barbados, Grynlandyjŏ, Tasmanijŏ, Sōmatra, Borneo, Jawa)
- Wyspy ôceaniczne (bp. Hawaje, Riukiu, Aleuty)
Nojsrogsze wyspy na świecie
- Grynlandyjŏ
- Nowŏ Gwinyjŏ
- Borneo
- Madagaskar
- Ziymia Baffina
- Sōmatra
Przipisy
This article uses material from the Wikipedia Ślůnski article Wyspa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tekst udostympniany na licyncyji CC BY-SA 4.0, jeźli niy było podano inakszyj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ślůnski (DUHOCTRUNGQUOC.VN) is an independent company and has no affiliation with Wiki Foundation.