Քիլոկրամ

Քիլոկրամը սահմանուած է ըստ Բլանքի հաստատման h, որ հաւասար է 6,626 070 15 × 10^–34 երբ արտայայտուած kg m² s^–1 միաւորներով:

Սահմանում, ըստ Միջազգային Համակարգին

Քիլոկրամը սահմանուած է ըստ Բլանքի հաստատունին h, հաւասար 6,626 070 15 × 10^–34 kg m² s^–1, ուր m մեթր միաւորի նշանն է, եւ s երկվայրկեանուան նշանն է: Այսպէս,

${\displaystyle h=6,62607015\times 10^{-34}\times kg\times m^{2}\times s^{-1}}$ 

${\displaystyle 1kg={\frac {h}{6,62607015\times 10^{-34}}}\times m^{-2}\times s}$ 

${\displaystyle 1kg={\frac {299792458^{2}}{6,62607015\times 10^{-34}\times 9192631770}}\times {\frac {h\times \Delta \nu _{Cs}}{c^{2}}}}$ 

Միջազգային Հիմնական Միաւորներու չորս միաւորներ սահմանուած են քիլոկրամի հիման վրայ, ուրեմն քիլոկրամի հաստատուն սահմանումն ու արժէքը կարեւոր են:

Այսպէս, հնարաւորութիւն կը տրուի սահմանել kg m2 s−1 միաւորը, եւ «ազդեցութեան» (ֆրանսերէն՝ Action) ու «անկիւնային միտաչափի» (ֆրանսերէն՝ Moment cinétique), անգլերէն՝ Angular momentum) միաւորները: Երկվայրկեանի եւ մեթրի սահմանումներուն հետ, զանգուածի միաւորը կ՛արտայայտուի ըստ Բլանքի h հաստատունին։

Քիլոկրամի նախորդ սահմանումը նախ կը ճշդէր թէ կշիռքի տիպարին արժէքը 1 քիլոկրամ էր (1889-էն սկսեալ, ըստ Չափերու եւ Կշիռներու Միջազգային Կոմիտէի առաջին (1889) եւ երրորդ (1901) ժողովներուն), ու անկէ կը հանէր Բլանքի հ միաւորի արժէքը, փորձական միջոցներով: Այժմեան սահմանումը, ճշգրիտ ձեւով կը հաստատէ քիլոկրամը եւ Բլանքի միաւորի թուային արժէքները, ու այլեւս կշիռքի տիպարին արժէքը փորձական ձեւով կը հաստատուի, չափման անորոշութիւններով: