Килограм
Килограм (бесѣдно кило) — закладна единка масы в системѣ мѣр SI, означѣня котрой kg.
Килограм ровный масѣ 1 дм³ хемично чистой воды при теплотѣ ей найвекшой густоты (3,98°C). Подля системы SI килограм дефинованый яко маса межинародного прототипа килограма, храненого в Межинародном урядѣ про мѣры и вагы в Севр, (Франция).
Назва одведена з лат. grámma, з доданьом префикса системы SI kilo. Напрѣк тому, же единка килограм уже обсягуе префикс, она принята яко закладна; напротив грам ся поважуе за одведену, хоть всѣ множены единкы префиксують ся од грама. В системѣ SI то е уникатный припад.
Одведены единкы масы в системѣ мѣр SI
| Назва | Означѣня | В g | В kg |
|---|---|---|---|
| femtogram | fg | 10−15 | 10−18 |
| pikogram | pg | 10−12 | 10−15 |
| nanogram | ng | 10−9 | 10−12 |
| mikrogram | µg | 10−6 | 10−9 |
| miligram | mg | 10−3 | 10−6 |
| centigram | cg | 10−2 | 10−5 |
| decigram | dg | 10−1 | 10−4 |
| gram | g | 1 | 10−3 |
| dekagram (деко) | dag | 101 | 10−2 |
| hektogram | hg | 102 | 10−1 |
| kilogram (кило) | kg | 103 | 1 |
| megagram (тона) | Mg | 106 | 103 |
| gigagram | Gg | 109 | 106 |
| teragram | Tg | 1012 | 109 |
Центнер (100 kg) не входить в число единок межинародной системы мѣр SI. Межинародна организация законодарной метрологии (OIML) во своих рекомендациях однесла центнер ку тым единкам мѣры, «котры мають быти вылучены из хоснованя чимскорше там, де ся хоснують нынѣ, и котры не мають ся завести там, де ся не хоснують».
Проблемы з прототипом
Межинародный прототип, з котрого были зготовлены 80 "националных" реплик, хранить ся од року 1889 и кажды 40 рокы, подля конвенции, репликы мають быти овѣрены з прототипом. З неясных причин межинародный прототип за 100 рокы стратив 50 микрограм. Суть еще иншы проблемы: прототип може быти утраченый або ошкодженый. З той причины учены пропонують новы дефиницию килограма,напримѣр, через Авогадрову конштанту.
Жерела
- Прохоров А.М. (гл. ред.) Физическая энциклопедия. М.: Советская энциклопедия, 1988. Т. 2, с. 350.
Референции
This article uses material from the Wikipedia Русиньскый article Килограм, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.