Ռենդալ Սթյուարտ «Ռենդի» Նյուման (անգլ.՝ Randall Stuart «Randy» Newman, նոյեմբերի 28, 1943(1943-11-28), Լոս Անջելես, Կալիֆոռնիա), ամերիկացի երգիչ, կինոկոմպոզիտոր և դաշնակահար։ Նա ընդգրկվել է «Ռոքնռոլի փառքի սրահ» 2013 թվականի ապրիլին։
Ռենդի Նյուման | |
---|---|
Բնօրինակ անուն | անգլ.՝ Randy Newman և անգլ.՝ Randall S. Newman |
Ի ծնե անուն | անգլ.՝ Randall Stuart Newman |
Ծնվել է | նոյեմբերի 28, 1943[…] (80 տարեկան) Լոս Անջելես, Կալիֆոռնիա |
Երկիր | ԱՄՆ |
Ժանրեր | ռոք, բլյուզ, սոֆթ ռոք, roots rock?, comedy rock?, փոփ, alternative country? և ժամանակակից R&B |
Մասնագիտություն | հեղինակ-կատարող, երգիչ, կոմպոզիտոր, դիրիժոր, սցենարիստ, դաշնակահար, լրագրող, ֆիլմերի երաժշտությունների հեղինակ և երգիծաբան |
Գործիքներ | դաշնամուր, վոկալ և երաժշտական ստեղնաշար |
Լեյբլ | Warner Bros. Records, DreamWorks Records և Warner Records |
Կրթություն | UCLA Herb Alpert School of Music?, Լոս Անջելեսի կալիֆոռնյան համալսարան և Համալսարանի ավագ դպրոց |
Ամուսին | Gretchen Preece? |
Պարգևներ | |
Կայք | randynewman.com |
Randy Newman Վիքիպահեստում |
Նյումանը ծնվել է 1943 թվականին Լոս Անջելեսում հրեական ընտանիքում։ Իր մանկությունն անցկացրել է Լուիզիանա նահանգի Նոր Օռլեան քաղաքում։ Ավարտել է Լոս Անջելեսի Կալիֆոռնիական համալսարանը։
Իր առաջին երաժշտական սինգլը, որի անվանումն է «Golden Gridiron Boy», Նյումանը թողարկել է 1961 թվականին։ Սակայն նրա առաջին աշխատանքը ձախողվել է, և նա կենտրոնացել է կատարողների համար երգեր գրելու վրա։ 1968 թվականին երաժիշտը թողարկել է իր «Randy Newman» դեբյուտային ալբոմը։ Նրա մյուս ալբոմը՝ «Sail Away»-ը (1972), հասել է 163-րդ հորիզոնականին Billboard հիթ-շքերթում, իսկ դրա գլխավոր երգը հետո մտել է բազմաթիվ երաժիշտների երգացանկ, այդ թվում՝ Ռեյ Չարլզի և Լինդա Ռոնստադտի։
1971 թվականին Նյումանն առաջին անգամ իրեն փորձել է երգահանի դերում՝ երաժշտություն գրելով Նորման Լիրի «Կոտրում» երգիծական կատակերգության համար։ Բացի այդ, նրա սաունդթրեքը հնչում է Փիքսարի այնպիսի մուլտիպլիկացիոն ֆիլմերում, ինչպիսիք են «Խաղալիքների պատմություն», «Ֆլիկի արկածները», «Խաղալիքների պատմություն 2», «Խաղալիքների պատմություն 3» և «Հրեշների կորպորացիա»։ Ռենդին աշխարհահռչակ «You Can Leave Your Hat On» երգի հեղինակն է, որն օգտագործվել է է Էդրիան Լայնի «Ինն ու կես շաբաթ» ֆիլմում Ջո Քոքերի կատարմամբ։ Ռենդալ Նյումենը երկու Օսկար Է ստացել 2002 թվականին «If I didn't Have You» և 2011 թվականին «We Belong Together» կոմպոզիցիաների համար։ Մրցանակների իր հավաքածուում Նյումանն ունի նաև չորս «Գրեմմի» մրցանակ, երկու «Էմմի» և երեք «Էննի»։ 2002 թվականին այն ներառվել է նաև երգահան-բանաստեղծների փառքի սրահում։
Նյումանը ամուսնացած էր Գերմանիայում ծնված Ռոզվիտա Շմալի հետ 1967-ից մինչև 1985 թվականները, և նրանք երեք երեխա ունեին։
Հետո՝ 1990 թվականին նա ամուսնացել է Գրեթհեն Փրիսի հետ, և նրանք երկու երեխա են ունեցել՝ Պատրիկ և Էլիս Նյումաններ։ Գրեթհենի հայրը ռեժիսոր Մայքլ Փրիսն է։
Նյումանը աջակցել է նախագահ Բարակ Օբամային 2012 թվականին վերաընտրման հարցով և երգիծական երգ է գրել սպիտակ թեկնածուների օգտին քվեարկության մասին։
Նյումանը աթեիստ է։
[անգլ.] : in 4 vol. / Steve Hochman, ed.; McCrea Adams, project ed.. — Pasadena, CA; Hackensack, NJ : Salem Press, 1999. — Vol. 3 : Reba McEntire-Sonic Youth. — P. 768–770. — ISBN 0-89356-989-5.
Վիքիպահեստն ունի նյութեր, որոնք վերաբերում են «Ռենդի Նյուման» հոդվածին։ |
This article uses material from the Wikipedia Հայերեն article Ռենդի Նյուման, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.