Մեգապոլիսների Առարկայական Օլիմպիադա
Մեգապոլիսների առարկայական օլիմպիադա, (ՄԱՕ) միջազգային թիմային ամենամյա մրցույթ է դպրոցականների համար մաթեմատիկա, ինֆորմատիկա, ֆիզիկա և քիմիա առարկաներից։
Պատմություն
Մեգապոլիսների առարկայական օլիմպիադան անցկացվում է ամեն տարի Մոսկվայի քաղաքապետի նախաձեռնությամբ։ Նրանում մասնակցում են 14-18 տարեկան պատանիներ, ովքեր բնակվում են աշխարհի մեծ քաղաքներում /մեգապոլիսներում/։ Առաջին օլիմպիադան անց է կացվել 2016 թ.-ին, որի ժամանակ մասնակցել են 173 աշակերտներ 22 մեծ քաղաքներից։
Մրցույթն անց է կացվում մաթեմատիկա, ինֆորմատիկա, ֆիզիկա և քիմիա առարկաներից, որոնց կարող են մասնակցել յուրաքանչյուր թիմի 8-ական և յուրաքանչյուր առարկայից 2-ական աշակերտ։ Մասնակից քաղաքների կողմից թիմի ղեկավար կազմում կարող են ընդգրկվել երեք մասնագետ-ուսուցիչներ մաթեմատիկա և ինֆորմատիկա, ֆիզիկա ու քիմիա առարկաներից, որոնք կարող են անգլերեն կամ ռուսերեն լեզուներից մայրենի լեզվով թարգմանել առաջադրանքները, ինչպես նաև, անհրաժեշտության դեպքում, մասնակցել աշխատանքների բողոքարկմանը։ Թիմի ղեկավարներից մեկը միաժամանակ հանդիսանում է կոնտակտային անձ և կազմակերպիչներին է տրամադրում տեղեկատվություն թիմի մասին գրանցման բոլոր փուլերում։ Մրցույթը բաղկացած է բլից-տուրից և երկու հիմնական փուլերից։
Բլից-տուր
Բլից-տուրի ժամանակ յուրաքանչյուր թիմին առաջարկվում է լուծել 80 առաջադրանք երկու ժամվա ընթացքում, և այստեղ կարևորը ոչ միայն առաջադրանքների ճիշտ կատարելն է, այլ նաև արագությունը։ Բլից-տուրը ինքնուրույն մրցույթ է և նրա արդյունքը չի հաշվարկվում հիմնական փուլերի արդյունքների հետ։ Բլից-տուրի առաջադրանքների բարդությունը համապատասխանում է դպրոցական ավարտական քննությունների մակարդակին և նրանում կարող են ընդգրկվել մասնակից քաղաքների թիմերի ղեկավարների կողմից առաջարկված երկուական առաջադրանքներ յուրաքանչյուր առարկայից, որոնք բավարարում են որոշակի պայմանների /պատասխանները պետք է լինեն ընտրովի, որոնցից ճիշտ է միայն մեկը, կամ ամբողջ թիվ/։
Հիմնական փուլեր
Մրցույթի հիմնական փուլերը կախված են առարկայից։ Մասնավորապես, ֆիզիկա և քիմիա առարկաների փուլերը բաժանված են տեսական և փորձարարական մասերից, իսկ մաթեմատիկա և ինֆորմատիկա առարկաների երկու փուլերում էլ կատարում են նմանատիպ առաջադրանքներ։ ՄԱՕ-ի երկու փուլերի առաջադրանքները կազմում են մաթեմատիկա, ինֆորմատիկա, ֆիզիկա և քիմիա առարկաների ռուսական թիմերի միջազգային օլիմպիադաների ղեկավարների կողմից։ Առաջադրանքների բարդությունը մոտավորապես համապատասխանում է տվյալ առարկայի միջազգային օլիմպիադայի մակարդակին։ Մասնակիցների աշխատանքները ստուգվում են միջազգային ժյուրիի կողմից, որի անդամներն են մեծ գիտնականներ և հայտնի ուսուցիչներ։
Մշակութային ծրագրեր
ՄԱՕ-ի մասնակիցներին ոչ միայն սպասվում է լարված մրցակցություն, այլ նաև հարուստ մշակութային ծրագրեր։ Նրանց համար նախատեսված է էքսկուրսիաներ, այցելություն թանգարաններ, զբոսնք ջերմանավով և ոտքով։ Մշակութային ծրագրերը բոլորի համար մեծ տպավորություններ և հնարավորություն է տալիս ձեռք բերել ընկերներ ամբողջ աշխարհում։
Անցած մրցույթների թվային տվյալներ և որոշ արդյունքներ
Երևան քաղաքի թիմը առաջին անգամ ՄԱՕ-ին մասնակցել է 2016 թվականին։ Թիմային մրցույթների թվային տվյալները և որոշ արդյունքները բերված են աղյուսակում։
| ՄԱՕ-ի հ/հ Տարի | Քաղաքների թիվը | Մասնակիցների թիվը | 1-ին կարգի մրցանակակիր թիմեր | Երևան քաղաքի թիմի արդյունքը |
|---|---|---|---|---|
| 6 / 2021 | 35 | 257 | Մոսկվա, Բուխարեստ, Սանկտ-Պետերբուրգ, Կրակով, Հոնկոնգ, Հանոյ | 2-րդ կարգ |
| 5 / 2020 | 31 | 224 | Մոսկվա, Հանոյ, Բուխարեստ, Հոնկոնգ, Կրակով | 2-րդ կարգ |
| 4 / 2019 | 45 | 352 | Մոսկվա, Սանկտ-Պետերբուրգ, Շանհայ | 3-րդ կարգ |
| 3 / 2018 | 33 | 257 | Մոսկվա, Շանհայ, Սանկտ-Պետերբուրգ, Հոնկոնգ | 2-րդ կարգ |
| 2 / 2017 | 36 | 276 | Մոսկվա, Հոնկոնգ, Շանհայ | Չեն մասնակցել |
| 1 / 2016 | 22 | 173 | Մոսկվա, Սանկտ-Պետերբուրգ, Բելգրադ | 2-րդ կարգ |
Երևան քաղաքի թիմի մասնակիցների անհատական արդյունքները
Երևան քաղաքի թիմի կազմում ՄԱՕ-ին մինչ օրս մասնակցել են 40 աշակերտներ, ովքեր անհատական արդյունքներով արժանացել են 18 արծաթե և 13 բրոնզե մեդալների։ ՄԱՕ-ի անհատական արդյունքները բերված են աղյուսակում։
| ՄԱՕ-ի հ/հ Տարի | Մասնակից | Կրթօջախ | Առարկա | Մեդալ | Ղեկավար |
|---|---|---|---|---|---|
| 6 / 2021 | Ասատրյան Վահրամ | Ֆիզմաթ դպրոց | Մաթեմատիկա |  Բրոնզե մեդալ | Մկրտումյան Նարեկ |
| Համբարձումյան Ռուբեն | Ֆիզմաթ դպրոց | Մաթեմատիկա | Բրոնզե մեդալ | ||
| Խալաթյան Արայի | Քվանտ վարժարան | Ինֆորմատիկա |  Արծաթե մեդալ | Մուրադյան Լևոն | |
| Պարզյան Ռազմիկ | Քվանտ վարժարան | Ինֆորմատիկա | |||
| Առաքելյան Մարիա | Ֆիզմաթ դպրոց | Ֆիզիկա | Թոփչյան Հրանտ | ||
| Պետրոսյան Վյաչեսլավ | Ֆիզմաթ դպրոց | Ֆիզիկա | |||
| Ասատրյան Լեոնիդ | Քվանտ վարժարան | Քիմիա | Արծաթե մեդալ | Դավինյան Անդրանիկ | |
| Աղեկյան Հայկ | Հերացի ա/դ | Քիմիա | Արծաթե մեդալ | ||
| 5 / 2020 | Կարագուլյան Մհեր | Ֆիզմաթ դպրոց | Մաթեմատիկա | Արծաթե մեդալ | Ասատրյան Գուրգեն |
| Բաբասյան Էրիկ | Ֆիզմաթ դպրոց | Մաթեմատիկա | |||
| Աբելյան Ալեքսանդր | Քվանտ վարժարան | Ինֆորմատիկա | Արծաթե մեդալ | Անդրեասյան Արմեն | |
| Կոստանյան Էմիլ | Ֆիզմաթ դպրոց | Ինֆորմատիկա | Արծաթե մեդալ | ||
| Գյոլեցյան Արտաշես | Ֆիզմաթ դպրոց | Ֆիզիկա | Արծաթե մեդալ | Կուրղինյան Բիլոր | |
| Կարախանյան Ռուբեն | Ֆիզմաթ դպրոց | Ֆիզիկա | |||
| Ասատրյան Լեոնիդ | Քվանտ վարժարան | Քիմիա | Բրոնզե մեդալ | Դավինյան Անդրանիկ | |
| Աղեկյան Հայկ | Հերացի ա/դ | Քիմիա | |||
| 4 / 2019 | Դիլանյան Վաչագան | Ֆիզմաթ դպրոց | Մաթեմատիկա | Բրոնզե մեդալ | Մինասյան Դավիթ |
| Արզումանյան Լորետա | Քվանտ վարժարան | Մաթեմատիկա | Արծաթե մեդալ | ||
| Անդրեասյան Սամվել | Քվանտ վարժարան | Ինֆորմատիկա | Արծաթե մեդալ | ||
| Աբելյան Ալեքսանդր | Քվանտ վարժարան | Ինֆորմատիկա | Արծաթե մեդալ | ||
| Հունանյան Եվա | Ֆիզմաթ դպրոց | Ֆիզիկա | Արծաթե մեդալ | Թոփչյան Հրանտ | |
| Կիրակոսյան Դավիթ | Ֆիզմաթ դպրոց | Ֆիզիկա | Բրոնզե մեդալ | ||
| Հակոբյան Արեն | Ֆիզմաթ դպրոց | Քիմիա | Բրոնզե մեդալ | Հակոբյան Ռոբերտ | |
| Բոյաջյան Զոհրաբ | Հերացի ա/դ | Քիմիա | |||
| 3 / 2018 | Փանոսյան Լյովա | Ֆիզմաթ դպրոց | Մաթեմատիկա | Արծաթե մեդալ | Մինասյան Դավիթ |
| Չթչյան Տիգրան | Ֆիզմաթ դպրոց | Մաթեմատիկա | Բրոնզե մեդալ
| ||
| Անդրեասյան Սամվել | Քվանտ վարժարան | Ինֆորմատիկա | Բրոնզե մեդալ
| ||
| Բեգլարյան Նարեկ | Ֆիզմաթ դպրոց | Ինֆորմատիկա | Բրոնզե մեդալ
| ||
| Զոհրաբյան Դավիթ | Ֆիզմաթ դպրոց | Ֆիզիկա | Արծաթե մեդալ | ||
| Գրիգորյան Քրիստինե | Ֆիզմաթ դպրոց | Ֆիզիկա | Բրոնզե մեդալ
| ||
| Աղեկյան Մովսես | Հերացի ա/դ | Քիմիա | Արծաթե մեդալ | Սիմոնյան Սոնյա | |
| Մաթևոսյան Հովհաննես | Հերացի ա/դ | Քիմիա | Բրոնզե մեդալ
| ||
| 2 / 2017 | Երևանի թիմը չի մասնակցել ՄԱՕ-ին | ||||
| 1 / 2016 | Մկրտչյան Միքայել | Ֆիզմաթ դպրոց | Մաթեմատիկա | Արծաթե մեդալ | Մինասյան Դավիթ |
| Ներսիսյան Սերգեյ | Ֆիզմաթ դպրոց | Մաթեմատիկա | Արծաթե մեդալ | ||
| Միքաելյան Համլետ | Քվանտ վարժարան | Ինֆորմատիկա | Բրոնզե մեդալ
| ||
| Գալստյան Խաժակ | Ֆիզմաթ դպրոց | Ինֆորմատիկա | Արծաթե մեդալ | ||
| Գևորգյան Դավիթ | Ֆիզմաթ դպրոց | Ֆիզիկա | Արծաթե մեդալ | Կուրղինյան Բիլոր | |
| Եղիազարյան Միքայել | Ֆիզմաթ դպրոց | Ֆիզիկա | |||
| Հարությունյան Հայկ | Ֆիզմաթ դպրոց | Քիմիա | Բրոնզե մեդալ | ||
| Հարությունյան Հրաչուհի | Ֆիզմաթ դպրոց | Քիմիա | |||
Պատկերասրահ
Աղբյուրներ
Արտաքին հղումներ
- Ավարտվեց ՄԵԳԱՊՈԼԻՍՆԵՐԻ 3-րդ միջազգային օլիմպիադան
- Հուշանվերներ՝ Մեգապոլիսների միջազգային օլիմպիադայում 2-րդ կարգի արծաթե գավաթ նվաճած երևանցի դպրոցականներին ու պատվիրակության անդամներին
- Մեգապոլիսների օլիմպիադա 2016
- Հայ աշակերտները նվաճել են 6 մեդալ` մեգապոլիսների առարկայական օլիմպիադայում
- Քաղաքապետ Տարոն Մարգարյանը հյուրընկալել է Մեգապոլիսների առարկայական առաջին օլիմպիադայի Երևանի թիմի անդամներին
This article uses material from the Wikipedia Հայերեն article Մեգապոլիսների առարկայական օլիմպիադա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.