Տիտո Վիլանովա: իսպանացի ֆուտբոլիստ
Ֆրանսեսկ Տիտո Վիլանովա ի Բայո (իսպ.՝ Francesc Tito Vilanova i Bayó, 1968, սեպտեմբերի 17, Բելկայրե, Կատալոնիա, Իսպանիա - 2014, ապրիլի 25, Բարսելոն), իսպանացի ֆուտբոլիստ և մարզիչ։ 2012 թվականին նշանակվել էր «Բարսելոնա ՖԱ»-ի գլխավոր մարզիչ, որտեղ նախկինում Խոսեպ Գվարդիոլայի օգնականն էր։
| Տիտո Վիլանովա իսպ.՝ Tito Vilanova | |
|---|---|
.jpg) | |
| Ծնվել է | սեպտեմբերի 17, 1968 |
| Ծննդավայր | Բելկաիրե, Բաշ Էմպորդա |
| Մահացել է | ապրիլի 25, 2014 (45 տարեկան) |
| Մահվան վայր | Բարսելոնա, Իսպանիա |
| Գերեզման | Իսպանիա |
| Քաղաքացիություն |  Իսպանիա |
| Մասնագիտություն | ֆուտբոլիստ և ֆուտբոլային մարզիչ |
| Աշխատավայր | Բարսելոնա ՖԱ և Բարսելոնա ՖԱ |
| Երեխաներ | Adrià Vilanova? |
 Tito Vilanova Վիքիպահեստում | |
Ֆուտբոլիստի կարիերա
Ֆուտբոլային կարիերան սկսում է «Բարսելոնայի» երիտասարդական թիմում։ Նրան չի հաջողվում դառնալ թիմի առաջին կազմի խաղացող, որի հետևանքով էլ 1991 թվականին տեղափոխվում է «Ֆիգերես»։ Պրիմերայի ուղեգիր ձեռք բերելու համար Տիտոյի թիմը պետք է պայքարեր «Կադիսի» դեմ, սակայն «Կադիսը» հաղթեց և նվաճեց Պրիմերայի ուղեգիր։
Դրանից հետո Վիլանովան տեղափոխվում է «Սելտա», ապա 1995 թվականին՝ «Բադախոս», որից հետո խաղում է նաև «Մալյորկայում», «Լերիդայում», «Էլչեյում» և «Գրամանետում»։
Մարզչական կարիերա
Երբ 2007 թվականին Խոսեպ Գվարդիոլան նշանակվեց «Բարսելոնայի» գլխավոր մարզիչ, Տիտոն դարձավ նրա օգնականը։ 2012 թ. հուլիսի 15-ին նա պաշտոնապես գլխավորեց «Բարսելոնան»։ 2012-2013 մրցաշրջանում թիմը նրա գլխավորությամբ դարձավ Լա Լիգայի հաղթող։
2013 թվականի հուլիսի 19-ին մամլո ասուլիսի ժամանակ թիմի տնօրեն Սանդրո Ռոսելը և մարզական տնօրեն Անդոնի Սուբիսարետան հայտարարեցին, որ առողջական խնդիրների պատճառով Տիտոն այլևս չի մարզելու թիմը, իսկ նույն թվականի հուլիսի 23-ին պաշտոնապես հայտարարվեց, որ թիմի գլխավոր մարզիչը Խերարդո Մարտինոն է։
Տիտո Վիլանովան մահացել է քաղցկեղից 2014 թվականի ապրիլի 25-ին։
Ծանոթագրություններ
This article uses material from the Wikipedia Հայերեն article Տիտո Վիլանովա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.