Սաֆետ Զեց (բոսնիերեն՝ Safet Zec, դեկտեմբերի 5, 1943(1943-12-05), Ռոգատիցա, Սերբական Հանրապետություն, Բոսնիա և Հերցեգովինա), բոսնիացի նկարիչ, գրաֆիկ-դիզայներ։
Սաֆետ Զեց | |
---|---|
Ծնվել է | դեկտեմբերի 5, 1943 (80 տարեկան) |
Ծննդավայր | Ռոգատիցա, Սերբական Հանրապետություն, Բոսնիա և Հերցեգովինա |
Քաղաքացիություն | Բոսնիա և Հերցեգովինա |
Մասնագիտություն | նկարիչ, գծանկարիչ և դիզայներ |
Սաֆետ Զեցը բոսնիացի ծնողների զավակ է։ Ծնվել է Ռոգատիցա քաղաքում (ներկայումս՝ Սերբական Հանրապետությունում)։ 1964 թվականին ավարտել է Սարաևոյի կիրառական արվեստների դպրոցը, 1969-ին՝ Բելգրադի գեղարվեստի համալսարանը, 1972-ին՝ այդ նույն համալսարանի ասպիրանտուրան։
1970-ական թվականներին դարձել է բանաստեղծական ռեալիզմ ուղղության խոշոր ներկայացուցիչներից մեկը։ 1990-ականների սկզբներին արդեն Հարավսլավիայի Սոցիալիստական Դաշնային Հանրապետության ամենահամբավավոր նկարիչներից մեկն էր։ 1990-ին ընտանիքով Բելգրադից տեղափոխվել է Սարաևո, 1992-ին բոսնիական պատերազմի պատճառով լքել է Սարաևոն ու մեկնել իտալական Ուդինե։
Սաֆետ Զեցն արդեն իսկ 70-ից ավել անհատական ցուցահանդես է ունեցել Բոսնիա և Հերցեգովինայում և աշխարհի տարբեր քաղաքներում։ Նա արժանացել է ավելի քան քսան մրցանակի, իր ստեղծագործություններով լայն ճանաչում ու համբավ ձեռք բերել։ 2007 թվականին պարգևատրվել է Ֆրանսիայի Արվեստների շքանշանով։ Նրա աշխատանքներից տեղ են գտել միջազգային պատկերասրահներում, անհատական հավաքածուներում։
Ներկայումս ապրում ու ստեղծագործում է Վենետիկում, Սարաևոյում, Փարիզում, Պոչիտելում։
This article uses material from the Wikipedia Հայերեն article Սաֆետ Զեց, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.