Ռիցու Դոան
Ռիցու Դոան (ճապ.՝ 堂安律, հունիսի 16, 1998(1998-06-16), Ամագասակի, Հյոգո (պրեֆեկտուրա), Ճապոնիա), ճապոնացի պրոֆեսիոնալ ֆուտբոլիստ։ Ներկայումս հանդես է գալիս Գրոնինգենի և Ճապոնիայի ազգային հավաքականի կազմում։ Խաղում է հարձակվողական կիսապաշտպանի և վինգերի դիրքում։
 堂安律 | |||
|---|---|---|---|
 | |||
| Անձնական տվյալներ | |||
| Քաղաքացիությունը |  Ճապոնիա | ||
| Ծննդյան ամսաթիվ | հունիսի 16, 1998 (25 տարեկան) | ||
| Ծննդավայր | Ամագասակի, Հյոգո (պրեֆեկտուրա), Ճապոնիա | ||
| Հասակ | 172 սմ | ||
| Քաշ | 70 կգ | ||
| Դիրք | հենակետային կիսապաշտպան վինգեր | ||
| Ակումբային տեղեկություններ | |||
| Ներկա ակումբ |  Գրոնինգեն | ||
| Համար | 7 | ||
| Պատանեկան կարիերա | |||
| 2011-2015 | Գամբա Օսակա | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2015-2018 | Գամբա Օսակա | 15 | (3) |
| 2017-2018 | → Գրոնինգեն | 29 | (9) |
| 2018-ներկա | Գրոնինգեն | 8 | (1) |
| Ազգային հավաքական‡ | |||
| 2014 | Ճապոնիա Մ16 | 4 | (1) |
| 2015 | Ճապոնիա Մ18 | 8 | (0) |
| 2016-2017 | Ճապոնիա Մ19 | 19 | (5) |
| 2017-ներկա | Ճապոնիա Մ20 | 6 | (3) |
| 2018-ներկա | Ճապոնիա | 1 | (0) |
| | |||
| * Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Գամբա Օսակա
Դոանը Գամբա Օսակայի ակադեմիայի սան է։ Իր պրոֆեսիոնալ դեբյուտը նշեց 2015 թվականի մայիսի 27-ին՝ փոխարինման մտնելով ԱՖԿ Չեմպիոնների Լիգայի Սեուլի դեմ խաղում։ Առաջին հանդիպումը Ճապոնիայի առաջնությունում անցկացրեց հունիսի 3-ին՝ փոխարինելով Սյու Կուրատային Կասիմա Անտլերսի դեմ խաղում։ Գամբա Օսակայի մեկնարկային կազմում առաջին անգամ խաղադաշտ դուրս եկավ հունիսի 20-ին՝ Վեգալտա Սենդայի դեմ խաղում։ 2015-16 մրցաշրջանում Դոանը հիմնականում հանդես էր գալիս ակումբի Մ23 թիմի կազմում՝ առաջին թիմի կազմում անցկացնելով ընդամենը 5 հանդիպում։
Իր առաջին գոլը պրոֆեսիոնալ կարիերայում Դոանը խփեց 2017 թվականի ապրիլի 21-ին՝ դուբլ ձևակերպելով Օմիյա Արդիյայի դեմ խաղում։ Միջազգային մրցաշարերում առաջին գոլը խփեց ապրիլի 25-ին՝ ավստրալիական Ադելաիդա Յունայթեդի դեմ ԱՖԿ Չեմպիոնների Լիգայի խաղում։ Ապրիլի 30-ին ճապոնացին խփեց Յոկոհամա Ֆ. Մարինոսի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին։ Գամբա Օսակայի առաջին թիմի կազմում Դոանը անցկացրեց 25 հանդիպում՝ դառնալով 4 գոլի և 1 գոլային փոխանցման հեղինակ։
Գրոնինգեն
2017 թվականի հունիսի 23-ին Դոանը վարձավճարով տեղափոխվեց Գրոնինգեն։ Իր դեբյուտը ակումբի կազմում նշեց օգոստոսի 13-ին՝ թիմի մեկնարկային կազմում խաղադաշտ դուրս գալով Հերենվենի դեմ խաղում։ Իր առաջին գոլը խփեց սեպտեմբերի 21-ին՝ Նիդերլանդների գավաթի Հերկուլեսի դեմ խաղում։ Էրեդիվիզիում առաջին գոլը խփեց սեպտեմբերի 30-ին՝ ՊԵԿ Զվոլեի դեմ խաղում։ 2018 թվականի մարտի 18-ին Դոանը գոլի և գոլային փոխանցման հեղինակ դարձավ ԱԶ Ալկմարի դեմ խաղում, սակայն Գրոնինգենը պարտվեց 3-2 հաշվով։ Ապրիլի 15-ին նա գոլ խփեց Ռոդայի դեմ խաղում՝ օգնելով իր թիմին հաղթել 2-1 հաշվով։ Ապրիլի 23-ին ճապոնացին լրիվ տրանսֆերով միացավ Գրոնինգենին՝ ակումբի հետ կնքելով 3 տարվա պայմանագիր։ 2017-18 մրցաշրջանում Դոանը անցկացրեց 31 հանդիպում՝ դառնալով 10 գոլի և 4 գոլային փոխանցման հեղինակ։
Միջազգային կարիերա
Դոանը ներկայացրել է Ճապոնիան տարբեր տարիքային երիտասարդական հավաքականներում։ Մ19 հավաքականի կազմում նա 2016 թվականին հաղթեց Ասիայի առաջնությունը՝ ճանաչվելով մրցաշարի լավագույն ֆուտբոլիստ։ 2017 թվականին Դոանը մինչև 20 տարեկանների երիտասարդական հավաքականի կազմում մասնակցեց աշխարհի առաջնությանը՝ անցկացնելով 4 հանդիպում և դառնալով 3 գոլի հեղինակ, իսկ Ճապոնիան դուրս մնաց 1/8 եզրափակչից՝ հանդիպման լրացուցիչ ժամանակում 1-0 հաշվով պարտվելով Վենեսուելային։
Ճապոնիայի ազգային հավաքական Դոանը առաջին անգամ հրավիրվեց 2018 թվականի օգոստոսի 30-ին՝ Կիրինի գավաթի համար։ Իր դեբյուտը ազգային հավաքականում նշեց սեպտեմբերի 11-ին՝ մեկնարկային կազմում խաղադաշտ դուրս գալով Կոստա Ռիկայի դեմ խաղում։
Կարիերայի վիճակագրություն
Ակումբային վիճակագրություն
2018 թվականի հոկտեմբերի 9-ի դրությամբ
| Ակումբ | Մրցաշրջան | Առաջնություն | Գավաթ | Մայրցամաքային | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Գամբա Օսակա | 2015 | J1 Լիգա | 2 | 0 | 0 | 0 | 1 | 0 | 1 | 0 | 4 | 0 |
| 2016 | 3 | 0 | 1 | 0 | 1 | 0 | 0 | 0 | 5 | 0 | ||
| 2017 | 10 | 3 | 0 | 0 | 6 | 1 | — | 16 | 4 | |||
| Ընդհանուր | 15 | 3 | 1 | 0 | 8 | 1 | 1 | 0 | 25 | 4 | ||
| Գրոնինգեն | 2017–18 | Էրեդիվիզի | 29 | 9 | 2 | 1 | — | 31 | 10 | |||
| 2018–19 | 8 | 1 | 1 | 0 | 9 | 1 | ||||||
| Ընդհանուր | 37 | 10 | 3 | 1 | 0 | 0 | 0 | 0 | 40 | 11 | ||
| Կարիերայի ընդհանուր | 52 | 13 | 4 | 1 | 8 | 1 | 1 | 0 | 65 | 15 | ||
Միջազգային վիճակագրություն
2018 թվականի հոկտեմբերի 9-ի դրությամբ
| Ճապոնիա | ||
|---|---|---|
| Տարի | Խաղեր | Գոլեր |
| 2018 | 1 | 0 |
| Ընդհանուր | 1 | 0 |
Նվաճումներ
Ակումբային
Գամբա Օսակա
- Ճապոնիայի սուպերգավաթ․ 2015
Միջազգային
Ճապոնիա Մ19
- Ասիայի Մ19 առաջնություն․ 2016
Անհատական
- Ասիայի տարվա լավագույն երիտասարդ ֆուտբոլիստ․ 2016
- Ասիայի Մ19 առաջնության լավագույն ֆուտբոլիստ․ 2016
Ծանոթագրություններ
Արտաքին հղումներ
- Դոանի պաշտոնական Ինստագրամի էջը
- Դոանը transfermarkt-ում
- Դոանը soccerbase.com-ում
- Դոանը WhoScored.com կայքում
- Դոանը Գամբա Օսակայի պաշտոնական կայքում
- Դոանը Գրոնինգենի պաշտոնական կայքում
- Դոանը ՖԻՖԱ-ի պաշտոնական կայքում Արխիվացված 2018-03-14 Wayback Machine
 | Վիքիպահեստն ունի նյութեր, որոնք վերաբերում են «Ռիցու Դոան» հոդվածին։ |
This article uses material from the Wikipedia Հայերեն article Ռիցու Դոան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.