Ջոջո Մոյես

Կյանքը և կարիերան

Փոլին Սառա ջո Մոյեսը ծնվել է 1969 թվականի օգոստոսի 4-ին Լոնդոնում, Անգլիա, Մեծ Բրիտանիա։ Սովորել է Լոնդոնի «Royal Holloway» և «Bedford New College» համալսարաններում։ 1992 թվականին «The Independent» թերթի կողմից նա ստացել է Լոնդոնի քաղաքային համալսարանում հետդիպլոմային թերթի լրագրության դասընթացները անցնելու հնարավորություն։ Հետագայում նա տասը տարի աշխատել է «The Independent»-ում (բացառությամբ մեկ տարվա, երբ նա աշխատել է Հոնկոնգի «Sunday Morning Post»-ում ), դառնալով լուրերի խմբագրի օգնական 1998 թվականին։ 2002 թվականին նա դարձել է «Arts» և «Media» թերթերի թղթակից։

Ստեղծագործական աշխատանքը

2002 թվականին Մոյեսը դարձավ լիակատար վիապասան, երբ տպագրվեց նրա առաջին գիրքը՝ «Sheltering Rain»-ը։ Նա դեռևս շարունակում է հոդվածներ գրել «The Daily Telegraph»-ի համար։ Նա կրկնակի մրցանակ է ստացել արձակագիրների ասոցիացիայի կողմից կազմակերպված «Տարվա ռոմանտիկ նովել» մրցույթում։ Առաջին մրցանակին նա արժանացել է 2004 թվականին «Foreign Fruit»-ի, իսկ երկրորդը 2011 թվականին՝ «The Last Letter From Your Lover»-ի համար։

Մոյեսն ապրում է «Saffron Walden» ֆերմայում իր ամուսնու՝ լրագրող Չարլզ Արթուրի և երեք երեխաների հետ։ 2013 թվականին հայտարարվեց, որ Մայքլ Վեբերը և Սկոտ Նոյսթադթերը վարձվել են «Me Before You» գրքի ադապտացիան գրելու համար։

• Sheltering Rain (2002)
• Foreign Fruit (2003) (տպագրվել է ԱՄՆ-ում որպես Windfallen)
• The Peacock Emporium (2004)
• The Ship of Brides (2005)
• Silver Bay (2007)
• Night Music (2008)
• The Horse Dancer (2009)
• The Last Letter From Your Lover (2010)
• Me Before You (2012) / Ես` քեզնից առաջ
• Honeymoon In Paris (2012)
• The Girl You Left Behind (2012)
• The One Plus One (2014) (Տպագրվել է ԱՄՆ-ում որպես One Plus One)
• After You (2015)