Պրահայի Մետրոպոլիտեն

Պրահայի մետրոպոլիտենը ունի երեք գիծ և յուրաքանչյուրը ներկայացված է իր գույնով քարտեզի վրա՝ A գիծը (կանաչ), B գիծը (դեղին) և C գիծը (կարմիր)։ Կայարանների թիվը կազմում է 61, որոնցից 3 փոխադրման կայարաններ են։ Նրանք կազմում են 60 կմ երկարություն ունեցող հիմնականում ստորգետնյա ուղիներ։ Մետրոպոլիտենը աշխատում է առավոտվա 4-ից մինչև կեսգիշեր, գնացքների ժամանման ընդմիջումը կազմում է 2-3 րոպե պիկ ժամերին։

Մետրոպոլիտենը շահագործում է Պրահայի հանրային փոխադրումների ընկերությունը (չեխերեն Dopravní podnik hlavního města Prahy a.s.), որը իրականացնում է քաղաքում բոլոր տեսակի ուղեփոխադրումները՝ մետրոպոլիտենը, տրամվայները, ավտոբուսները, ֆունիկուլյորը դեպի Պետրին բլուրը և Պրահայի կենդանաբանական այգու վերելակը։ Սկսած 1993 թվականից այս համակարգը ընդգրկում է երկաթուղու հետ, ավտոբուսների և կայանատեղերի հետ։ Միասին նրանք կազմում են հանրային տրանսպորտի ցանց (Pražská integrovaná doprava—PID)։

Պրահայի մետրոպոլիտենի շատ կայարաններ բավականին մեծ են և ունեն մի քանի մուտք։ Դա կարող է շփոթմունք առաջացնել, հատկապես կենտրոնական մասում, օրինակ՝ Մուստեկում (Můstek) կամ Մուզեումում (Muzeum)։ Նույնիսկ ճիշտ կայարանում ընտրելով սխալ ելքը կարող է հանգեցնել նրան, որ կորցնում եք 5-10 րոպե ոտքով քայլելով։ Հիմնականում կայարաններում կան ցուցանակներ, որոնք օգնում են նրանց, ովքեր չգիտեն չեխերեն։

 

 

Պրահայի մետրոպոլիտենի համակարգը կազմում է եռանկյուն, որտեղ երեք գծերը հատվում են երեք կետում՝ կազմելով փոխադրման կայարաններ։ Յուրաքանչյուր փոխադրման կայարան ունի երկու սրահ՝ ամեն մի գծի համար։ Կայարանների տեղադրման խորությունը զգալիորեն տատանվում է։ Ամենախորը կայարանն է Նամեստի Միռուն (Náměstí Míru), 52 մետր խորության վրա։ B գծի մի մասը անցնում է գետնից բարձր ապակեպատ թունելով։