Թայմ (անգլ.՝ Time, անգլ.
Թայմ անգլ.՝ Time | |
---|---|
Տեսակ | հանդես, նորությունների հանդես և առցանց ամսագիր |
Լեզու | անգլերեն |
Գլխավոր խմբագիր | Նենսի Գիբս |
Հիմնադրվել է | մարտի 3, 1923 |
Հիմնադիր | Briton Hadden? և Հենրի Լյուս |
Հրատարակիչ | Time Inc. |
Երկիր | ԱՄՆ |
Հրատարակման վայր | Նյու Յորք |
Գրասենյակ | Նյու Յորք շրջան, Նյու Յորք, Նյու Յորք, ԱՄՆ |
ISSN | 0040-781X և 2169-1665 |
OCLC | 1311479 |
Կայք | time.com(անգլ.) |
էլեկտրոնային փոստ | [email protected] |
Time Magazine Վիքիպահեստում |
Հանդեսն առաջին անգամ վաճառքի է հանվել 1923 թվականի մարտի 3–ին։ Թայմ թերթի ստեղծման գաղափարը մտահղացել են Հենրի Լյուսը և Բրայթոն Հադդենը՝ հեղինակավոր Եյլի համալսարանում՝ «Գանգ և ոսկորներ» ուսանողների գաղտնի հասարակական կազմակերպության հավաքի ժամանակ։
Սա աշխարհում առաջին ինֆորմացիոն շաբաթաթերթն է։ Տաս տարի անց այն ունեցավ մրցակից՝ Newsweek։ Մինչև Լյուսի մահը՝ 1967 թվականը, հանդեսն արտահայտում էր նրա չափավոր պահպանողական հայացքները։
Հանդեսի ֆիրմային ձևաչափը նախատեսում էր մի քանի տասնյակ հոդվածներ, որոնք հակիրճ կերպով ամփոփում էին շաբաթվա ներքին և արտաքին քաղաքականության, բիզնեսի, կրթության, գիտության, բժշկության, իրավունքի, կրոնի, սպորտի, գրահրատարակման և մշակույթի առավել հայտնի թեմաները։
Ժամանակակից «Թայմը» հանդիսանում է զանգվածային լրատվամիջոցների և շոու բիզնեսի ոլորտում աշխարհում ամենամեծ հոլդինգի՝ Time Warner–ի հիմքը։ Բացի ամերիկյանից, լույս է տեսնում նաև եվրոպական (Լոնդոն), ասիական (Հոնկոնգ) և ավստրալիական (Սիդնեյ) հանդեսի տարբերակները։
2018 թվականին ամերիկյան AT&T ընկերությունը գնել է Time Warner–ը՝ փաստացի դառնալով Time–ի սեփականատերը։
Ավանդաբար Time հանդեսը դեկտեմբերի վերջին համարում անվանում է «տարվա մարդուն»։ «Տարվա մարդ» անվանակարգը շնորհվում է 1927 թվականից, երբ այդ կոչմանն արժանացավ օդաչու Չարլզ Լիմբերգը, որն առաջին անգամ պատմության մեջ մեն–մենակ հատեց Ատլանտյան օվկիանոսը։
Տարվա անձնավորությանն ընտրում է բացառապես գործադիր խմբագիրը։ Տարբեր տարիների տարվա մարդ կոչմանն են արժանացել Ադոլֆ Հիտլերը, Իոսիֆ Ստալինը, Ջորջ Բուշը, Միխայիլ Գորբաչովը՝ երկու անգամ՝ 1987 և 1989 թվականներին, վերացական ամերիկացի զինվորը, ինչպես նաև Դու (Թայմ հանդեսի վարկածով տարվա մարդ)։ 2007 թվականին Տարվա մարդ է դարձել Ռուսաստանի նախագահ Վլադիմիր Պուտինը, 2010 թվականին՝ Ֆեյսբուքի հիմնադիր և ղեկավար Մարկ Ցուկերբերգը, 2011 թվականին Տարվա մարդ է դարձել հավաքական կերպար «Ցուցարարը» («Խռովարարը»)։
Սկսած 1999 թվականից՝ հանդեսը թողարկում է նաև Time 100–ը՝ տարվա առավել ազդեցիկ հարյուր անձանց ցուցակը։ Ցանկն ընտրվում է գիտնականների հանձնաժողովի կողմից։
1999 թվականի հունիսին թողարկվել է «Time 100․ 20-րդ դարի հերոսներն ու կուռքերը» ցուցակը։ Թեկնածուներին ընտրում է ամերիկացի պատմաբանների, լրագրողների և քաղաքագետների հանձնաժողովը։ 1999 թվականի դեկտեմբերյան թողարկման ժամանակ Time–ի վարկածով անվանվել է հարյուրամյակի մարդը, այն դարձել է Ալբերտ Էյնշտեյնը։
Վիքիպահեստն ունի նյութեր, որոնք վերաբերում են «Թայմ» հոդվածին։ |
This article uses material from the Wikipedia Հայերեն article Թայմ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.